2 Cr 34:5 - Chuj San Sebastian Bible

⁵ An̈jtona', 'ix ya'n 'ajxc tz'a sb'acl eb' ya'mal 'och sti eb' 'anma 'a scomn diosal 'a yib'n̈ yet'l xajmb'al cha, 'ixtnta xyutj sacb'tzan Judá yet' chon̈b' Jerusalén.

Chuj San Mateo Bible

⁵ Ix schecanpax vin̈ n̈usjoctz'a sb'aquil eb' sacerdote d'a juntzan̈ comon dios chi' d'a yib'an̈ juntzan̈ altar chi'. Ichaton chi' ix aj sacb'itan Judá yed' Jerusalén chi' vin̈.

2 Cr 34:5 Referans Kwoze

A Ch'an̈ B'ab'el Libro Yic Yab'ixal Eb' Rey 13:2

A Jehová 'ix aln 'a 'a, yuj cha, caw ow xyutj yaln 'a jun yet'l xajmb'al chi 'ixtic: Ach yet'l xajmb'al, a Jehová 'ix aln 'ixtic: A 'a scal eb' yin̈tl David, ata 'oj 'aljoc jun winc 'unin, 'oj 'ajxoc sb'ic Josías. A 'a eb'an̈, ata 'oj yac' milxoc cham win jun tzo'n̈ eb' ya'mal 'och cob' sti eb' 'anma 'a scomn diosal, atn eb' tz'a'n jun tzo'n̈ incienso 'a eb'an̈, ax ya'n pax tz'a win sb'acl 'anma 'a eb'an̈, xchi Dios, xchi jun checb' cha.

Ez 22:24

Ach 'anma', al 'a eb' et israelal cha, to man̈x wach'c slum eb', yujto man̈xtzac yac' n̈ab'; yuj yowl in c'ojol 'ixta tz'aj lu'um.

Jeremías 4:14

Ex 'aj Jerusalén, 'ijec 'el smasnil tas tu 'ayc' 'a e nab'en, sec 'ixta 'oj eyaj e colchji. ¿B'a'n̈ wal 'oj eyactc e nan jun tzo'n̈ maysch'olnil?

Jeremías 3:10

An Jehová in, an tzwala, wach'xam xyil eb' 'aj Judá smasnil jun tzo'n̈ tic, man̈ yujoc cha, 'ix meltzj pax eb' 'ayn 'a smasnil sc'ojol, palta ton̈j 'ix stz'ac meltzjoc sb'a eb' 'ayin, xchi Dios 'ayin.

2 Cr 34:7

A yic 'ix lajw sma'n poj jun tzo'n̈ yet'l xajmb'al, jun tzo'n̈ sch'oxnb'il Aserá cha, jun tzo'n̈ yechl tzeyb'il b'o'oc, yet' pax smasnil jun tzo'n̈ xo yechl 'a smasnil yol yic Israel, 'ixta to b'i'an, 'ix paxx cot 'a Jerusalén.

A Ch'an̈ Schab'il Libro Yic Yab'ixal Eb' Rey 23:20

'Ix ya'n pax win milxoc cham smasnil jun tzo'n̈ eb' ya'mal 'och sti eb' 'anma 'a scomn diosal 'a yib'n̈ jun tzo'n̈ yet'l xajmb'al cha. 'Ix ya'n win n̈usxoc sb'acl eb' chamnc 'anma 'a yib'n̈ jun tzo'n̈ cha. Xlajw cha, 'ix paxt 'a Jerusalén.

A Ch'an̈ Schab'il Libro Yic Yab'ixal Eb' Rey 23:16

A yic 'ix meltzj Josías, xyiln 'at jun tzo'n̈ yet'l xi'lb'a 'a tzalan, 'ix ya'n 'ijxc 'elt jun tzo'n̈ sb'acl chamnc 'anma 'aych 'a yojl cha, 'ix sn̈usntz'a 'a yib'n̈ jun yet'l xajmb'al, sec wach' tzjuwcan 'el yu'uj. 'Ix 'el'ch wal tas yaljnac can jun schecb' Jehová 'a pecti'.

Nm 35:33

Man̈ eyixtc 'el lum lum chi 'aj 'oj eyaj cajn chi yuj schic'l eb' 'anma tzmilx chamoc. Toto 'ay chic' tz'elcn 'a sat lu'um, may junc xo tas tztac' ya'n tupoc, cojxnto tzcham jun 'ay smul cha.

2 Cr 34:33

'Ix ya'n Josías 'ijxc 'el smasnil yechl to yajb'entac 'a smasnil yol smacb'en eb' israel. Xyaln 'a smasnil mach 'ayc' 'a yol yic Israel to tzyac' servil eb' Jehová sDiosal. A 'a yic pitzn Josías, ma'ix yij 'el sb'a xon eb' 'a Jehová, atn sDiosal eb' yet' smam yicham.