2 Cr 32:9 - Chuj San Sebastian Bible

⁹ A Senaquerib sreyl Asiria, wan ya'n owl yet' chon̈b' Laquis yet' eb' soldado ajun yet'oc. Ya' sb'a cha, 'ix checn 'at eb' schecb' 'a Jerusalén, yic tzalx 'a Ezequías sreyl Judá, yet' 'a eb' cajn ta', xya'n alxoc 'ixtic:

Chuj San Mateo Bible

⁹ Yacb'an van yac'an oval vin̈aj Senaquerib sreyal Asiria yed' eb' soldado d'a chon̈ab' Laquis, ix schecancot juntzan̈ eb' schecab' vin̈ d'a Jerusalén, yic tzul yal eb' d'a vin̈aj Ezequías sreyal Judá yed' d'a masanil eb' aj Judá cajan ta' icha tic:

2 Cr 32:9 Referans Kwoze

A Ch'an̈ Schab'il Libro Yic Yab'ixal Eb' Rey 18:17

Xlajw xoj cha, 'ix schecn 'at sreyl Asiria schecb' 'a win Ezequías, atn 'oxwn̈ ewin syajlil eb' soldado, yet' jun b'uln̈ eb' soldado to caw wal jeln ya'n owal, caw 'ay yip, 'ix 'el eb' 'a Laquis, 'ix jaw eb' 'a Jerusalén. A yic 'ix jaw eb' ta', 'ix sb'on chan̈ eb' scamplamento 'a 'aj tz'eml yoctc jun tanque 'ay 'a yib'n̈ yol b'e tz'at 'a 'aj tzju'w eb' jalm nip.

Josué 10:31

'Ix 'atx Josué yet' eb' soldado 'a Libna, axta xc'ochx eb' 'a chon̈b' Laquis. Ax 'a yojltac cot jun chon̈b' cha, ata sb'o chan̈ eb' scamplamento. Xlajw cha, 'ix 'och eb' 'a owal.

Miqueas 1:13

Ax xo cajn ex 'a chon̈b' Laquis, caw pitx 'icha eb' israel. Yuj e pitl cha, x'och smul eb' 'aj Sión. 'A'c stoc' e no chej jun tzo'n̈ e caruaje yic owal.

Is 37:8

'Ix yab'n win syajlil eb' soldado sreyl Asiria, chajtlto man̈x 'ayc 'ec' win rey chi 'a chon̈b' Laquis. Yuj cha, 'ix meltzji, 'ix schaj sb'a yet' win rey chi 'a chon̈b' Libna, wan ya'n win owl yet' jun chon̈b' cha.

Is 36:2

A 'a chon̈b' Laquis 'ayq'ui, yic 'ix schecn 'at win jun win capitan̈ yet' jun b'uln̈ eb' soldado, yic tz'at sc'umnc eb' win rey Ezequías 'a Jerusalén. A yic 'ix jaw eb' ta', 'ix sb'on chan̈ eb' scamplamento 'a 'aj tz'eml yoctc jun tanque 'ay 'a yib'n̈ yol b'e tz'at 'a 'aj tzju'w eb' jalm nip.

2 Cr 32:10

'Ixtc 'ix yutj Senaquerib sreyl Asiria yaln coti: ¿Mach 'aych yipc e c'ojl ax tic, yuj cha, 'ayx 'ec' 'a Jerusalén cha, palta 'in macb'ilx xo?