2 Cr 32:4 - Chuj San Sebastian Bible

⁴ Xlajw cha, caw niwn eb' 'anma 'ix syam sb'a, c'uxn st'oc lan̈chjoc eb' smasnil a spac'b'a', yet' a tzb'ey 'a sla'nil cha, sec wach' a yic tzjaw eb' syajlil Asiria, man̈x 'oj 'ilchjoc a yuj eb'.

Chuj San Mateo Bible

⁴ Yuj chi' te nivan eb' anima chi' ix smolb'ej sb'a, ix laj smucan sjajtac a a' chi' eb' yed' a a' sb'ey d'a slac'anil chi', yic vach' ayic sjavi eb' asirio chi', man̈xalaj a' tz'ilchaj yuj eb'.

2 Cr 32:4 Referans Kwoze

2 Cr 32:30

A Ezequías chi 'ix a'n macx a a tzb'ey 'a yib'n̈ q'ue a spac'b'a 'ay 'a Guihón, ax 'a yaln̈ lum 'ix 'ec' a', atn 'a stojlal 'aj tz'em c'u, a 'a Schon̈b' David, ata xc'och a'. Caw wach' 'ix 'el'ch Ezequías yet' smasnil tas 'ix sb'o'o.

Is 10:8

Yuj cha, xyaln yuj eb' yajl chi 'ixtic: A eb' tic reyn̈j eb' smasnil, an tzwac' mandar eb'.

2 Cr 32:1

A yic tox xlajw sb'on Ezequías jun tzo'n̈ chi yuj syiclumal 'a Jehová, a yic cha, 'ix jaw Senaquerib sreyl Asiria yet' eb' soldado, 'ix 'och oyn eb' 'a spatquil jun tzo'n̈ chon̈b' 'aych smuroal 'a yol yic Judá, yic tzyi'n 'ec' yalni.

2 Cr 30:14

Xlajw cha, syamn 'och eb' yi'n 'el smasnil jun tzo'n̈ macsej 'ay 'a Jerusalén, yet' jun tzo'n̈ yet'l 'aj tz'a incienso, 'ix sjuln can 'at eb' 'a sch'olnil sti a Cedrón.

A Ch'an̈ Schab'il Libro Yic Yab'ixal Eb' Rey 20:20

Ax jantc to yab'xil Ezequías, yet' jun tzo'n̈ niwn yel'ch 'ix 'el sb'oni, 'icha yuj jun tanque, yet' tasm 'ix yutj yi'n 'och a a 'a yol chon̈ab', a jun tzo'n̈ cha, ata tz'ib'b'il can 'a ch'an̈ libro 'aj tz'ib'b'il can yab'xil eb' sreyl Judá.

A Ch'an̈ Schab'il Libro Yic Yab'ixal Eb' Rey 19:17

Yel wal Mamin Jehová, to a eb' sreyl chon̈b' Asiria cha, a eb' satjnac 'el jun tzo'n̈ nacion̈ cha.

A Ch'an̈ Schab'il Libro Yic Yab'ixal Eb' Rey 18:13

A yic schan̈lajn̈il ab'il xo yoch Ezequías reyl 'a Judá, 'ix ya'n Senaquerib sreyl Asiria owl yet' jun tzo'n̈ chon̈b' 'aych smuroal 'a yol yic Judá, 'ix 'ajx ganar eb' yu'uj.

A Ch'an̈ Schab'il Libro Yic Yab'ixal Eb' Rey 18:9

A yic schan̈l ab'il xo yoch Ezequías reyl 'a Judá, yic yucl ab'il xo yoch Oseas yunnal Ela reyl 'a chon̈b' Israel, ax Salmanasar sreyl chon̈b' Asiria 'ix 'och oyn eb' soldado 'a spatquil chon̈b' Samaria, 'ix ya'n owl eb' yet'oc.

A Ch'an̈ B'ab'el Libro Yic Yab'ixal Eb' Rey 19:21

Ax yic xjapxi, 'ix smiln chawn̈ no wacx cha, stzu'n 'at te te jalb'il q'ue 'a scal sch'ac no wacx cha, axta 'ix sb'ol no chib'j cha, 'ix ya'n wa eb' smunljum cha. Xlajw cha, 'ix 'och tza'n yuj Elías yic tzya'n servil.

A Ch'an̈ B'ab'el Libro Yic Yab'ixal Eb' Rey 3:9

Yuj cha, tzin c'an 'ayach, to tzac' in jelnal, sec wach' 'oj stac' in b'onyaj jun chon̈b' tic, sec 'oj nachjoc 'el wu'uj, 'aj 'ay wach'il yet' tu'al. ¿Tas wal 'oj wutc wa'n cuenta jun a niwquil chon̈b' tic, toto ma'oj ac' in jelnal? xchi Salomón.

2 Cr 32:3

yuj cha, 'ix smol aln yet' eb' yit yajlil, yet' eb' syajlil eb' soldado, yic tzt'ocn lan̈chjoc eb' jantcn̈ej a spac'b'a 'ay 'a spatquil 'el chon̈b' cha. 'Ix chaj sc'ojl eb' sb'on tas smol alj cha.

Is 22:11

A 'a snan̈l chab' muro, ata xe b'o jun niwquil c'ob'a', axta x'ejm can a a 'ay 'ejm 'a yojl jun 'ichm tanque. Palta ma'ix cham e nan yuj jun mach b'ojnac smasnil jun tzo'n̈ cha. A Dios najnac can yuj jun tzo'n̈ yailal chi 'a yic pecti', palta caw may jac yel'ch 'a e sat.

Nahúm 3:14

Ex 'aj Nínive, 'ay cab' a a molb'il can eyu'uj, sec 'oj techjoc eyuj 'a eb' 'ajc'ojl oyn xo 'och 'ayex. 'A'c 'och yipnub'al smuroal e chon̈ab', 'ochn̈ec te'j b'iq'uich, 'ijec cot molde yic ladrillo.

Is 22:9

eyiljnac pax jun tzo'n̈ sjatlil smuroal Schon̈b' David, atn Jerusalén, e b'ut'n pax 'ejm a a 'a yojl jun tanque yet'l a xon yaji, atn jun 'ay 'a yalan̈.