2 Cr 28:12 - Chuj San Sebastian Bible

¹² Xlajw cha, a jaywn̈ eb' yajl yaj 'a scal eb' yin̈tl Efraín: atn Azarías yunnal Johanán, Berequías yunnal Mesilemot, Ezequías yunnal Salum, yet' Amasa yunnal Adlai, xc'och eb' 'at scha eb' xjaw 'a owl cha,

Chuj San Mateo Bible

¹² Ix lajvi chi' ay jayvan̈ eb' vin̈ yajal yaj d'a scal eb' yin̈tilal Efraín, aton vin̈aj Azarías yuninal vin̈aj Johanán, vin̈aj Berequías yuninal vin̈aj Mesilemot, vin̈aj Ezequías yuninal vin̈aj Salum yed' vin̈aj Amasa yuninal vin̈aj Hadlai, ix och eb' vin̈ d'a sat eb' vin̈ van sjax d'a oval chi'.

2 Cr 28:12 Referans Kwoze

Jeremías 26:6

Toto an̈ja ma'oj eyicloc, to 'ixta', 'ixtc 'oj wutc can watut 'icha wutjnac jun in cajnub' 'a Silo. 'Oj wa' cot catb' 'a yib'n̈ jun chon̈b' tic 'a scal smasnil nacion̈ 'ay yolyib'n̈q'uinl tic, xchi Dios, xa chi 'a eb', xchi 'ayin.

1 Cr 28:1

'Ix yac' David syam sb'a smasnil eb' yajl yaj 'a chon̈b' Israel 'a Jerusalén: eb' yajl yaj 'a junjn 'in̈tal, eb' yajl yaj 'a junjn macn̈ eb' soldado 'aych yopiso 'a win rey, eb' yajl yaj 'a yib'n̈ mil soldado, yet' 'a jun ciente soldado, eb' tz'iln smasnil scajb'en noc' win rey, eb' tz'iln slu'um, eb' tz'iln eb' yunnal winac, eb' tz'iln smasnil tas 'ay 'a 'a, smasnil eb' winc to niwn yel'chi, eb' 'aych yopiso yet'oc, yet' eb' soldado caw jelan.

2 Cr 28:11

A ticnec jun, chajc eyab' tas 'oj wala', 'a'c meltzjc eb' eyit israelal xe yij cot 'icha presoal, yujto caw tzcot yowl Jehová 'ayex, xchi Oded.

2 Cr 28:13

xyaln eb' 'a eb' 'ixtic: —Man̈ eyi'ch eb' 'icha presoal 'a tic, yujto a jun cha, caw tz'och qui mulc 'a Jehová. Ax tic, 'ipn e sayn tas tz'aj sniwtj qui mul 'a 'a, yuj cha, caw tzcot yowl sc'ojl 'ayn̈ec an̈ israel on̈c tic, xchi eb'.

2 Cr 28:15

Ax ewin tox xb'inax sb'i tic, a ewin x'och 'ajcuentail yiln eb' 'icha preso yaj chi yuj eb'. A 'a scal smasnil tas xit' yi'cn 'ec' eb' soldado chi 'a eb', ata 'ix q'uet te pichl x'ajx 'och 'a eb' jitn'eli. X'ajx pax 'och xan̈b' eb'. X'ajx wa eb'. X'ajx pax tas tzyu'j eb'. Sucx 'och remel 'a sat 'aj lajwnac eb'. Ax smasnil eb' man̈x 'a yip sb'eyi, x'ajx q'ue eb' 'a yib'n̈ e no b'uru. Xlajw cha, x'ijx 'at eb' yuj ewinac, masnto x'at ya'cn ewin eb' 'a eb' yit chon̈b' eb' 'a Jericó, 'a 'aj caw 'ay te palma. Xlajw cha, 'ix meltzj can pax ewin 'a Samaria.