2 Cr 26:6 - Chuj San Sebastian Bible

⁶ 'Ix 'at Ozías yac' owl yet' eb' filisteo, 'ix sma'n 'ejm lan̈chjoc smuroal chon̈b' Gat, Jabnia yet' Asdod. 'Ix sb'on chan̈ jun tzo'n̈ schon̈b' 'a yol smacb'en eb' 'aj Asdod cha, atn 'a scal eb' filisteo.

Chuj San Mateo Bible

⁶ A vin̈aj Uzías chi', ix b'at vin̈ yed' eb' vin̈ soldado yac' oval yed' eb' filisteo, ix smac'anem lan̈naj smuroal chon̈ab' Gat eb' vin̈, Jabnia yed' Asdod. Ix sb'oanq'ue juntzan̈ chon̈ab' eb' d'a yol yic Asdod chi' yed' juntzan̈xo chon̈ab' yic eb' filisteo chi'.

2 Cr 26:6 Referans Kwoze

Is 14:29

Man̈ ex comn tzaljoc mu'c ex filisteo, yujto 'ix wecchj te sjixc'ab'te jun mach 'ix 'a'n 'och eyailal. A junc cha lajn 'icha junc no comn chan. Ax 'a yin̈til ata 'oj pitzwoc 'el junc mach 'icha junc no q'uex. Ax 'a 'a, ata 'oj pitzwc junc mach 'icha junc no chan caw jeln sb'eyi, 'icha xo to tzjen̈wi.

2 Cr 21:16

Xlajw cha, ax eb' filisteo yet' eb' árabe 'ay 'a stz'ey eb' 'aj Cus, caw 'ix yac' wal Jehová cot yowl eb' 'a Joram.

1 Cr 18:1

A yic xlajw ye'cn jun tzo'n̈ tic, 'ix 'ajx ganar eb' filisteo yuj David. 'Ix can eb' 'a yol sc'ab', xyi'n 'ec' chon̈b' Gat yet' yaldeail.

A Ch'an̈ Schab'l Libro Samuel 8:1

Ax David yet' eb' soldado 'ix ya'n eb' owl yet' eb' filisteo. Ax x'aji, x'ajx ganar eb' filisteo yuj eb'. Yuj cha, xcancn eb' 'a yol sc'ab', x'ochcn eb' 'a yaln̈ schecnb'il.

A Ch'an̈ B'ab'el Libro Samuel 5:6

Xlajw cha, 'ix ya'n cot Jehová jun yab'il 'a yib'n̈ eb' 'aj Asdod, yet' pax 'a yib'n̈ smasnil 'anma 'a yol slugar eb' cha. 'Ix laj mal chan̈ sniwnal eb' yuj jun yab'il cha.

A Ch'an̈ B'ab'el Libro Samuel 5:1

A 'a Eben-ezer ata 'ix yij 'ec' eb' filisteo te scaxail strato Dios, axta xc'och yuj eb' 'a chon̈b' Asdod.

Am 1:8

'Oj in satl eb' cajn 'a chon̈b' Asdod, yet' eb' yajl yaj 'a chon̈b' Ascalón. Yet' wal smasnil in poder 'oj in c'och tza'njoc 'a chon̈b' Ecrón, man̈x 'a junc eb' filisteo chi 'oj canoc, xchi Jehová.

Am 6:2

Tzeyal cob' 'ixtc 'a eb' eyit chon̈ab': 'Ixquec 'a chon̈b' Calne, tze maclni eyil si'mb'il. Axta tzex 'atxi, tzex c'och 'a niwquil chon̈b' Hamat, tzex 'eml 'a chon̈b' Gat 'a yol yic eb' filisteo. ¿Tom yel xo niwn yel'ch eb' 'a quib'n̈ec? ¿Tom yel xo niwquil jun tzo'n̈ nacion̈ chi 'a yib'n̈ qui nacion̈ec tic? xe chi.

Josué 15:11

masnto 'a stojlal norte yic Ecrón. Tz'atxi, masnto tzc'och 'a Sicrón, tz'e'x 'a lum witz yic Baala, tz'e'x 'a Jabneel, axta tzlajw c'och lum 'a a Mar Mediterráneo.

Is 20:1

A 'a jun 'el, a win Sargón sreyl Asiria, 'ix checb't jun scapitan̈ yet' eb' soldado 'at yac' owl 'a chon̈b' Asdod, 'ix 'em jun chon̈b' chi yuj eb'.