2 Cr 26:15 - Chuj San Sebastian Bible

¹⁵ An̈jtona', 'ix sayn win eb' winc to tztac' sb'on niwc máquina yic owl 'a Jerusalén, yic tzc'an 'a jun tzo'n̈ cuartel 'ay 'a yib'n̈ muro 'aj tztan̈wx chon̈ab', sec ata tzjulwji, tzjuln 'elt niwc q'ue'en. Caw 'ix 'el speclal 'a najat, yujto a Dios 'ix colwj yet' 'a tas to satjub'tac yilxi, caw stac' yuj si'mb'il.

Chuj San Mateo Bible

¹⁵ Ix sayan juntzan̈ eb' vin̈ vinac vin̈ te jelan yic sb'oan juntzan̈ q'uen nivac máquina yic oval. Ix b'ochaj q'ueen b'ajtac ayq'ue eb' soldado d'a chaan̈ d'a yib'an̈tac muro. A juntzan̈ q'uen máquina chi', a q'ueen sjulanb'at q'uen nivac q'ueen. Ix te pucaxb'at yab'ixal vin̈ d'a najat. Ix och val Dios yed' vin̈, yuj chi' te ay smay ix aj sb'inaj vin̈.

2 Cr 26:15 Referans Kwoze

Mt 4:24

C'uxn 'ix puccn 'el yab'xil 'a scal smasnil eb' 'aj Siria. Yuj cha, smasnil eb' ya'ay yuj tzann̈j yab'ilal, 'ix 'ijx cot eb' 'a 'a. An̈jtona yet' eb' tz'ixtx yuj ewin demonio yet' eb' tzcot owya 'a sjolom, yet' eb' sicb'nac 'eli, 'ix ya'n can b'oxc sc'ojl eb' smasnil.

2 Cr 2:14

A jun winc tic, yune jun 'ix israel cotnc 'a yin̈tl Dan, ax smam 'aj chon̈b' Tiro tic. A jun tic jeln smunlj 'a q'uen oro, plata, bronce, mto hierro, yet' 'a tzann̈j q'uenal, mto 'a te te'. Jeln sjaln te ch'al púrpura, te q'uic'mucnac, te chac, mto lino. An̈jtona', caw jeln sb'on smasnil jun tzo'n̈ yechel, tztac' pax snan 'el tas tz'aj sb'o tzann̈j munljel-l tzc'anx 'a 'a. 'Oj colwjc yet' eb' a munljum to jelan, yet' eb' toxn munljnac 'a a mam, atn David to niwn yel'ch 'a in sat.

2 Cr 2:7

Ax ticnec, chec cot junc winc tztac' sb'on 'och yechl tzann̈j tas, jeln cab' smunlj 'a q'uen oro, plata, bronce, mto hierro, yet' 'a te ch'al púrpura, te chac, te q'uic'mucnac yilxi. A 'oj colwjoc yet' eb' to cuywjum 'a jun tzo'n̈ cha, atn eb' 'ay 'a Judá yet' 'a Jerusalén tic. A eb' cuywjum cha, sic'b'il can 'och eb' yuj in mam.

Ex 31:4

'Oj nachjoc 'el yu'uj, tas tz'aj yechl junc munljel tzb'o 'a oro, 'a plata mto bronce.

2 Cr 26:14

'Ix yac' Ozías chi b'o jun tzo'n̈ syamc'ab' 'eb' soldado: atn smacl sat jul-lab', lanza, q'uen pichl tzya'ch eb' 'a sn̈i sc'ojol, q'uen xumpilin, jul-lab', yet' pax mejech.

2 Cr 26:16

A yic xyi'n wal yip 'a yopiso, 'ix yi'n chan̈ sb'a yet' snab'en, 'ixta x'aj yi'n cot 'a yib'an̈, tenmtac xyutj sb'a 'a Jehová sDiosal. X'och 'a yol yatut Jehová yic tzya'n tz'a incienso 'a jun yet'l 'aj tz'a incienso cha.

Is 29:14

Yuj cha, a jun tzo'n̈ milagro satjub'tac yilxi, a chi 'oj in b'o 'a jun chon̈b' tic, 'oj sat sc'ojl eb' yilni. A sjelnal eb' jelan, yet' snab'en eb' 'ay snab'en, 'oj satcn 'eli, xchi Dios.

Habacuc 1:5

Xyaln Dios 'ixtic: Tzcham wal eyiln jun tzo'n̈ nacion̈ oyn xo 'och 'ayx tic. A yic tzeyiln eb', sat cab' e c'ojl eyiln eb'. Yujto 'ayx 'ec' 'a in nab'en tas oj in b'o 'a e cal 'a jun tiempoal tic, palta ma'oj e cha eyab'i' yic 'oj alxoc 'ayex.

Dt 20:20

Palta a pax eb' te comn te matz lox sat, tztac' e ch'acn 'ejm eb' te', yic tze c'anlb'an eb' te e te'nub'oc 'a jun chon̈b' 'aj wan eyoch cha yic tzeya'n owal, masnto tz'ejm jun chon̈b' chi eyu'uj.