2 Cr 24:15 - Chuj San Sebastian Bible

¹⁵ Palta a Joiada cha, caw x'och 'ichm wincal, 130 ab'il sq'uinal yic xchami.

Chuj San Mateo Bible

¹⁵ Palta ix ichamvinacax vin̈aj Joiada chi', 130 ab'il sq'uinal vin̈ ayic ix cham vin̈.

2 Cr 24:15 Referans Kwoze

Salmos 91:16

'Oj wac' e q'uinl 'a najtil, ax in ch'oxn in colwal 'ayex, xchi Dios.

Salmos 90:10

'Ayn̈ cojn wal 70 ab'il tzquila, 'ay pax mach caw 'ay sq'uinl jun, tzq'ue'ch 'a 80 ab'il. A eb' najtl tzyila, 'icha to tzb'an̈ sb'a eb' yet' sq'uinl cha, palta caw wal ya xo yec' tiempo yuj eb', yel xo wal tzyixtj sb'a eb'. Yuj cha, 'ay mayn̈ej tz'ec' jab' qui q'uinl an̈ 'anman̈ tic on̈, tzon̈ satx can 'ejm on̈.

Job 5:26

Caw wal 'ichm achx winac, ax a chami, 'icha tzyac' 'ixm trigo caw wal c'an yic tzpolxi, 'ixta 'oj aji.

1 Cr 23:1

A yic caw 'ichm winc xo sq'uinlan David, 'ix ya'n can 'och yopiso yunnal, atn Salomón, xya'n can 'och reyl 'a yib'n̈ chon̈b' Israel.

Gn 47:9

Xta'w Jacob 'a win rey 'ixtic: —130 ab'il nant in q'uinal, til wal 'aj tzlaj in 'eq'ui, caw wal mant niwnoc in q'uinal, yujto yailaln̈ej tz'aj yec' jab' tiempo tic wu'uj, palta mantzac c'och wab'lil 'icha sq'uinl eb' 'in mam wicham, xchi winac.

Gn 25:8

'Ichm wincal x'i'ni yic xchami.

Gn 15:15

Ach tic, 'oj a cham 'a junc'ojlal, yic 'ichm achx winac.

2 Cr 24:14

A yic xlajw sb'o yuj eb', 'ix yi'n 'at eb' q'uen tumn xya'cn sobra, xya'n eb' q'uen 'a win rey yet' 'a Joiada. Ax yet' q'uen xyac' eb' b'o jun tzo'n̈ syamc'ab'il, atn jun tzo'n̈ tz'och yopiso yic tz'och 'emmquilal 'a Jehová, jun tzo'n̈ tz'och yopiso 'a 'aj tz'a xajmb'al to tz'a smasnil, jun tzo'n̈ niwc cuchara, yet' jun tzo'n̈ xo yamc'ab' to oro yet' plata. A yic pitznto Joiada, caw tzya'n̈j eb' xajmb'al to tz'a 'a yatut Jehová.

2 Cr 24:16

Ata xmucx 'aj mucn eb' rey 'a Schon̈b' David, yujto wach' tas 'ix sb'o'o, yuj swach'loc eb' yit israelal. Wach' xyutj ya'w servil 'a Dios, yet' 'a yatut Dios cha.

2 Cr 24:3

A win sayjnac chawn̈ yistzil Joás cha, 'ay yunnal, 'ay pax yisl x'alj yet' eb' 'ix.