2 Cr 24:13 - Chuj San Sebastian Bible

¹³ Yuj cha, a eb' 'aych 'a yib'n̈ yiln munljel cha, a eb' xjucb'tzan eb' tznipn yatut Jehová cha. 'Ix sb'o eb' 'icha yaj 'a yaln̈taxi, caw wal wach' x'ajcn yuj eb'.

Chuj San Mateo Bible

¹³ Yuj chi' a eb' vin̈ tz'ilan munlajel chi', a eb' vin̈ scuchb'an eb' vin̈ svach' b'oanxi templo chi'. Ix sb'o eb' vin̈ icha val yajtaxon d'a yichb'anil, te vach' ix ajxican sb'o yuj eb' vin̈.

2 Cr 24:13 Referans Kwoze

Hageo 2:3

A eb' 'iljnac jun yatut Dios 'a yic yaln̈taxi, yet' swach'l yilxi, yal cab' eb' toto lajn wal yilx 'icha jun xe b'o tic. ¿Tom matz nachj 'el jac eyu'uj, to may jac yel'chi toto tzqui lajb'tzejec yet' jun cha?

Nehemías 4:7

Palta ax yic xyab'n Sanbalat yet' Tobías cha, yet' pax eb' árabe, eb' amonita, yet' eb' 'aj Asdod, to yelc'ojlal tzon̈ munlj qui b'on smuroal Jerusalén, tox xlaj macchj 'aj niwc yaj sjacwi, yuj cha, caw 'ix cot yowl eb'.

1 Cr 22:5

Yujto 'ix sna 'ixtic: A ni wunnal Salomón tic caw 'unn to na, ax pax jun yatut Jehová 'oj b'o cha, caw niwquil 'oj 'ajoc. Yel xo 'oj b'inax yuj swach'l yilx 'a smasnil yolyib'n̈q'uinal; ax ticnec yowlal 'oj in yamb'tzoc can smasnil syamc'ab'il 'oj 'och 'a 'a, xchi. A yic pitzn to David cha, caw niwn tas 'ix syamb'tzej cani.

2 Cr 24:12

Ax win rey yet' Joiada cha, 'ix yac' eb' q'uen tumn chi 'a eb' 'aych 'a yib'n̈ yiln munljel tzb'o 'a yatut Jehová. Tzsayn pax eb' mach tzma'w poj q'ue'en, eb' josmte', eb' b'om hierro yet' bronce, sec to tzwach' tz'aj sb'o'i.

2 Cr 24:14

A yic xlajw sb'o yuj eb', 'ix yi'n 'at eb' q'uen tumn xya'cn sobra, xya'n eb' q'uen 'a win rey yet' 'a Joiada. Ax yet' q'uen xyac' eb' b'o jun tzo'n̈ syamc'ab'il, atn jun tzo'n̈ tz'och yopiso yic tz'och 'emmquilal 'a Jehová, jun tzo'n̈ tz'och yopiso 'a 'aj tz'a xajmb'al to tz'a smasnil, jun tzo'n̈ niwc cuchara, yet' jun tzo'n̈ xo yamc'ab' to oro yet' plata. A yic pitznto Joiada, caw tzya'n̈j eb' xajmb'al to tz'a 'a yatut Jehová.

Ex 36:4

Ax xyiln eb' munljum cha, to caw wal yel xo niwn syamc'ab'il jun munljel chi tzjaw yuj eb' 'anma cha, yuj cha, xyactn can eb' smunljel.