2 Cr 24:10 - Chuj San Sebastian Bible

¹⁰ Ax smasnil eb' yajl yaji, yet' smasnil eb' chon̈ab', caw 'ix tzalj eb' yi'n cot yofrenda. 'Ix ya'n 'ejm eb' 'a yojl jun caxa cha, masnto xb'ut'j 'el yuj eb'.

Chuj San Mateo Bible

¹⁰ Masanil eb' vin̈ yajal yaji yed' masanil anima, d'a val smasanil sc'ol eb' ix yaq'uem yofrenda d'a yol jun caxa chi', masanto ix b'ud'ji te' yuj eb'.

2 Cr 24:10 Referans Kwoze

2 Co 9:7

Junjn on̈ec, yowlal tzca'c 'icha tzqui nac yet' qui nab'en. Man̈ cusc'ojlaloc tzcutj ca'ni. Man̈ yujoc tzqui na'a, to tzon̈ 'ajx pural tzca'ni, yujto a Dios, tzchamc'ojlan eb' tzalji tzya'n yico'.

2 Co 8:2

Wach'xam caw x'ajx prowal eb' yuj screyenteal, palta caw tzaljn̈ej eb'. Wach'xam caw meb'a eb' si'mb'il, palta 'ela eb', 'icha to caw rico eb' tzquila.

1 Cr 29:9

Caw 'ix tzalj smasnil eb' 'anma', yuj jun tzo'n̈ tas 'ix 'el 'a sc'ojl eb' yajl chi ya'ni, yujto yet' wal smasnil sc'ojl eb', 'ix ya'n eb' 'a Jehová. An̈jtona', caw 'ix tzalj pax rey David yet' eb'.

Is 64:5

Tzann̈j mach tzalji tzb'on tas 'icha tza nib'ej, nann̈ej yu'uj tzb'on a nib'b'en cha, caw wal chab'il o'oj. An̈ xo tic on̈, 'ix 'och wal qui mul 'ayach, ach owx 'och 'ayn̈ on̈, caw wal niwn xo tiempo xc'ojl yoch qui mul on̈, palta ¿tzam stac' to qui colchj on̈?

2 Cr 24:9

'Ix ya'n alxc 'a smasnil yol yic Judá yet' 'a smasnil yol yic Jerusalén, to tz'ijx cot q'uen ofrenda 'a Jehová, 'icha yutjnac yaln can Moisés, win schecb' Dios 'a eb' israel 'a lum cusltac lu'um.

2 Cr 24:11

Ax yic xyiln eb' levita to caw niwn xo q'uen tumin, yuj cha, xyi'n 'at eb' jun caxa chi 'a win rey yic tzyilni, xc'och jun yajtz'ib' win rey yet' jun win sic'b'il 'el yuj win sat ya'mal 'och sti eb' 'anma 'a Dios. Xlajw cha, 'ix secn 'elt eb' q'uen tumn chi 'a yol jun caxa cha, 'ix 'at ya'ncan eb' a yet'l jun 'ejm xo. 'Ixta 'ix yutj eb' 'a junjn 'ejem. Caw niwn q'uen tumn syam sb'a.