2 Cr 23:2 - Chuj San Sebastian Bible

² Atn eb' chi 'ix 'at 'a smasnil yol yic Judá, yic tz'at ya'noc eb' syam sb'a eb' levita yet' eb' yajl yaj 'a yib'n̈ junjn macn̈ eb' israel, yic tzjaw eb' smasnil 'a Jerusalén.

Chuj San Mateo Bible

² Aton eb' vin̈ tic ix b'at d'a masanil yol yic Judá, yic b'at smolb'an masanil eb' vin̈ levita eb' vin̈ yed' eb' vin̈ yajal yaj d'a junjun macan̈ yin̈tilal Israel, yic scot eb' vin̈ smasanil d'a Jerusalén.

2 Cr 23:2 Referans Kwoze

Ef 5:15

Yuj cha, caw tzeyac' cuenta e b'a yuj e b'eyb'al, man̈ 'ichaoc eb' may snab'en 'a sat Dios. 'Ay cab' e nab'en 'a sat.

Mt 10:16

'Ab'ec, 'oj ex in checb't 'icha jun tzo'n̈ calnelu tz'at 'a scal no 'oques, 'ixta 'oj eyaji. Yuj cha, caw lista tzeyutj e b'a 'icha junc chan caw jelan, palta caw manso tzeyutj pax e b'a 'icha junc no parama.

Salmos 112:5

A eb' 'anma wach' snab'en, yet' schamc'ojlal eb' tzya'n eb' junc tas majnil, ax smasnil tas tzb'o eb', wach'n̈j tz'aj 'el'chi.

2 Cr 21:2

A eb' yu'tac Joram, eb' yunnal Josafat, atn eb' tic: Azarías, Jehiel, Zacarías, Micael, yet' Sefatías. A smasnil eb' tic, yunnal Josafat eb', win sreyl Judá.

1 Cr 24:6

A Semaías 'ajtz'ib', yunnal Natanael win levita, wal 'a yojltac win rey, yet' 'a yojltac eb' 'ichmtac winac, 'ix stz'ib'j sb'i eb' syajlil junjn macan̈. A eb' 'ayc' yet' win rey cha, atn Sadoc ya'mal 'och sti eb' 'anma 'a Dios, yet' Ahimelec yunnal Abiatar, yet' pax eb' yajl yaj 'a yib'n̈ eb' ya'mal 'och sti eb' 'anma 'a Dios yet' jun tzo'n̈ xo yin̈tl eb' levita. Suerteal xyutj eb' yiln yopiso 'a stzolil, jun yic yin̈tl Eleazar jun pax yic yin̈tl Itamar.

1 Cr 15:12

'Ix yaln 'a eb' 'ixtic: Ax tic, ax yajl eyaj 'a yib'n̈ eb' eyican, sacb'tzejc e b'a yet' smasnil eb' eyican cha, sec 'oj stac' eyi'n cot te scaxail strato Jehová qui Diosal an̈ israel on̈ec tic, 'a jun lugar tox 'ix wac' b'o'oc.