2 Cr 23:18 - Chuj San Sebastian Bible

¹⁸ Yajn̈j cha, xya'n 'och Joiada jun tzo'n̈ munljel 'ay 'a yatut Jehová 'a yol sc'ab' eb' ya'mal 'och sti eb' 'anma 'a Dios, atn eb' yin̈tl can Leví. A tzyal stzol-l jun tzo'n̈ 'opiso 'aycn 'och 'a yol sc'ab' eb' 'a yatut Dios yuj rey David, yic tzya'n eb' jun tzo'n̈ xajmb'al to tz'a smasnil 'a Jehová, 'icha yaj stz'ib'x can 'a ch'an̈ ley yic Moisés. To tz'och pax b'it 'a tzaljc'ojlal, 'icha yutjnac David yaln cani.

Chuj San Mateo Bible

¹⁸ Ix yac'ancan juntzan̈ munlajel d'a stemplo Jehová chi' vin̈aj Joiada chi' d'a yol sc'ab' eb' vin̈ sacerdote yed' eb' vin̈ levita, yic vach' sc'anab'ajej eb' vin̈ sb'oan munlajel ac'b'ilcan d'a yol sc'ab' eb' vin̈ yuj vin̈aj rey David. Aton yic sn̈usji silab' tz'ac'ji d'a Jehová icha yalan ley tz'ib'ab'ilcan yuj vin̈aj Moisés. Ay pax eb' sb'itan d'a tzalajc'olal icha yutejnaccan vin̈aj rey David chi'.

2 Cr 23:18 Referans Kwoze

2 Cr 5:5

A eb' levita ya'mal 'och sti eb' 'anma 'a Dios, a eb' 'ix 'i'n cot te caxa cha. Ax jun tzo'n̈ xo eb' levita, 'ix 'i'n cot jun Mantiado 'aj tzqui chaj qui b'a yet' Dios, yet' pax smasnil syamc'ab'il jun scajnub' Dios 'ay 'a yojl jun Mantiado cha.

2 Cr 29:25

An̈jtona', xya'n pax 'och rey Ezequías eb' levita 'a yatut Jehová, yet' jun tzo'n̈ yamc'ab: Atn q'uen platillo, salterio yet' arpa, 'icha yutjnac rey David yaln can yet' Gad. A win cha, ya'mal 'och snab'en rey David yaji. Locn pax Natán, schecb' Dios 'ix alni. Yujto a jun tzo'n̈ checnb'il cha, a Jehová x'a'n yalcn eb' schecab'.

1 Cr 23:25

'Ix yal David 'ixtic: Tox 'ix yac' Jehová qui Diosal junc'ojlal 'ayn̈ an̈ israel on̈c tic, a 'ix si'n 'el 'aj 'oj 'aj cajn 'a Jerusalén tic 'a smasnil tiempo.

2 Cr 29:27

Xlajw cha, xyaln Ezequías to tz'ajx tz'a xajmb'al to tz'a smasnil 'a yib'n̈ yet'l xajmb'al. Ax yic x'el yich yajx tz'a no xajmb'al cha, x'el pax yich sb'itn eb' tzb'itni, yic tz'ijx chan̈ sb'i Jehová, x'utz'x pax trompeta, yet' jun tzo'n̈ xo yamc'ab' yic tz'och b'it 'a Dios sb'ojnac can David sreyl chon̈b' Israel.

2 Cr 30:27

Xlajw cha, 'ix q'ue wan lin̈n eb' ya'mal 'och sti eb' 'anma 'a Dios yet' eb' yit levitail, yic tzc'ann eb' syaxilal Jehová 'a yib'n̈ eb' chon̈ab'. Caw 'ix 'ab'x slesl eb' chi 'a satcha'an̈, atn 'a 'aj cajn Dios.

2 Cr 7:6

Lin̈n 'ec' smasnil eb' chon̈ab' yic x'och jun 'emmquilal cha. A eb' ya'mal 'och sti eb', 'ayc' eb' 'a yet'l 'aj 'ayq'ui, tzyutz'n eb' q'uen trompeta. Ax 'a yojltac eb', ata 'ayc' eb' levita wan syucn jun tzo'n̈ yamc'ab' b'ob'il can yuj rey David yic tz'och 'emmquilal 'a Jehová. Ya' sb'a cha, wan yaln eb' wach' paxti 'a Jehová 'ixtic: A schamc'ojlal may b'a'n̈ 'ay slajub', xchi eb'.

2 Cr 29:30

Xlajw cha, a win rey yet' eb' yajl yaj yet'oc, xyaln eb' 'a eb' levita to tzyal eb' wach' paxti 'a Jehová, yet' jun tzo'n̈ b'it yic David yet' yic Asaf, atn schecb' Dios. Caw 'ix yal eb' wach' paxti 'a tzaljc'ojlal, 'ix 'em cumn eb' yaln sb'a.

2 Cr 35:2

An̈jtona', xya'n 'och Josías eb' ya'mal 'och sti eb' 'anma 'a Dios 'a yopiso. 'Ix 'ajx snab'enoc eb' yu'uj, yic tzyiln eb' yopiso 'a yatut Jehová.

Esdras 6:22

Uque c'u sna eb' sq'uin̈l 'ixm pan may yich 'a tzaljc'ojlal, yujto a Jehová a x'a'n 'och tzaljc'ojlal 'a snab'en eb', yujto xyac' jelmjoc snab'en win sreyl Persia, sec tzcolwj sb'on yatut Dios, atn sDiosal chon̈b' Israel.