2 Cr 23:1 - Chuj San Sebastian Bible

¹ A yic 'ayx 'och jun 'unn chi 'a yucl ab'il, ax Joiada win ya'mal 'och sti eb' 'anma 'a Dios, 'ix ste'wtzan sb'a ya'n 'awtxoc cot smasnil eb' capitan̈ yaj 'a yib'n̈ junjn ciente soldado, atn eb' tic: Azarías yunnal Jeroham, Ismael yunnal Johanán, Azarías yunnal Obed, Maasías yunnal Adaía, yet' Elisafat yunnal Zicri. 'Ix yaln 'a eb' to junxn̈ej tzyutj eb' snab'en yet'oc.

Chuj San Mateo Bible

¹ Ayic yuquil ab'ilxo vin̈aj Joás chi', axo vin̈aj sacerdote Joiada ix stec'b'ej sb'a, ix schecan vin̈ avtaj masanil eb' vin̈ yajal soldado, aton eb' vin̈ yajal yaj d'a junjun ciento eb'. Aton vin̈aj Azarías yuninal vin̈aj Jeroham, vin̈aj Ismael yuninal vin̈aj Johanán, vin̈aj Azarías yuninal vin̈aj Obed, vin̈aj Maasías yuninal vin̈aj Adaías yed' vin̈aj Elisafat yuninal vin̈aj Zicri. Ix yalan vin̈ to junxon̈ej tz'aj spensar eb' vin̈ yed' vin̈.

2 Cr 23:1 Referans Kwoze

Nehemías 9:38

A yuj smasnil jun tzo'n̈ tic, tzca'n can qui ti an̈ tic, to tz'ib'xcani, chajtlto 'oj qui yiclc 'a caw yel. Yuj cha, a ch'an̈ un̈ 'aj tz'ib'x cha, to tz'och seyo yet' sb'i eb' qui yajlil a ch'an̈, eb' levita yet' eb' ya'mal 'och qui ti', xchi eb' 'a slesal.

2 Cr 15:12

Xlajw cha, 'ix ya'n eb' sti', to a Jehová sDiosal eb' yet' smam yicham, cojn 'oj yac' servil eb' 'a smasnil sc'ojol, yet' 'a smasnil snab'en.

A Ch'an̈ B'ab'el Libro Samuel 18:3

Ax Jonatán yet' David 'ix ya'n eb' sti 'a jun jun, chajtlto tzchamc'ojlej sb'a eb' 'a jun 'ejmn̈ej.

Ex 6:21

Eb' yunnal Izhar, atn Coré, Nefeg yet' Zicri.

2 Cr 22:12

A 'a yatut Jehová c'ub'b'il 'el win 'unn chi yet' 'ix q'uib'tzan win 'a waque ab'il. Ya' sb'a cha, wan ya'n 'ix Atalía reinail 'a jun nacion̈ cha.

A Ch'an̈ Schab'il Libro Yic Yab'ixal Eb' Rey 12:7

Yuj cha, 'ix yawtn cot rey Joás win Joiada, yet' jun tzo'n̈ xo eb' ya'mal 'och sti eb' 'anma cha, 'ix yaln 'a eb' 'ixtic: —¿Tas yuj mant 'a xon jac jun tzo'n̈ juwnc 'a yatut Dios tic tze b'o'o? Ax ticnec yic 'oj b'ey 'a cojltac tic, man̈x oquex 'oj e cha q'uen tumn 'a eb' 'anma', ax jantc xo q'uen 'ayc' 'ayex, yowlal 'oj eyac' 'elt q'ue'en, yic tzb'o jun tzo'n̈ juwnc 'a jun yatut Dios tic, xchi.