2 Cr 22:7 - Chuj San Sebastian Bible

⁷ Palta tox 'ix sna Dios, to a yic 'oj 'at Ocozías 'at yil Joram, ax schami. At wal sc'och cha, 'ix 'elt yet' Joram, yic tzwul schanoc eb' Jehú, yunnal Nimsi. Palta tox 'ix si'l Jehová Jehú, yic tzsatn 'el smasnil eb' yin̈tl Acab.

Chuj San Mateo Bible

⁷ A Dios toxo ix sna'a to ayic ol c'och vin̈aj Ocozías chi' yil vin̈aj Joram chi', ata' ol cham vin̈. Ayic ayec' vin̈ ta', ix elta vin̈ yed' vin̈aj Joram chi', yic syac'an oval eb' vin̈ yed' vin̈aj Jehú yuninal vin̈aj Nimsi, aton vin̈ ix sic'jiel yuj Jehová yic satanel masanil macan̈il eb' yin̈tilal vin̈aj Acab chi'.

2 Cr 22:7 Referans Kwoze

2 Cr 10:15

A yic xyab'n eb' 'anma', to a win rey Roboam cha, ma'ix schaj win yab' tas 'ix yal eb', yuj cha, xyaln eb' 'ixtic: ¡May calnec quic 'a eb' yin̈tl David, win yunnal Isaí! ¡Chuc yin̈tl eb', chuc pax quin̈tlec! ¡Pax coyc 'a catut junjn on̈ec! ¡Stan̈wc cab' sb'a win yin̈tl David tic! xchi eb'. A win Adoram 'ay yopiso yi'n b'ey eb' 'anma 'a munljel to 'ac'b'il pural sb'o'i. Ax rey Roboam 'ix schecn 'at win paxtinc yet' eb' israel cha. Palta 'ix 'elt somnjoc smasnil eb' sjulq'uenoc winac, masnto xchami. Ax win rey Roboam cha, yajn̈ej x'och 'a yol scaruaje, 'ix 'at 'eloc, axta xc'och 'a Jerusalén. Xlajw cha, ax junjn macn̈il eb' israel 'ay 'a stojlal norte, 'ix pax eb' 'a yatut. Cojxn 'a eb' 'anma cajn 'a yol jun tzo'n̈ chon̈b' 'a yol yic Judá, ata 'ix yac' Roboam reyal. 'Ixta xyutj eb' israel yi'n can 'el sb'a 'a yaln̈ schecnb'il eb' yin̈tl David. 'Ixtnta 'ix 'aji yujto a Jehová 'ix 'a'n b'o 'icha tas yaljnac win Ahías 'aj Silo 'a yib'n̈ Jeroboam yunnal Nabat.

A Ch'an̈ Schab'il Libro Yic Yab'ixal Eb' Rey 9:21

Xlajw cha, 'ix yaln win rey Joram chi 'ixtic: —¡'A'c 'och no chej 'a in caruaje yic owal! xchi winac. A yic wach'x yaj scaruaje rey Joram yet' pax rey Ocozías, 'ix 'at eb', junjn eb' yet' scaruaje yic owal. 'Ix 'at schanc eb' Jehú 'a 'aj 'ay lum slum can Nabot win 'aj Jezreel, ata schaj sb'a eb'.

Malaquías 4:3

A 'a yic jun c'ul cha, 'oj e te'cn 'ejm eb' tzb'on maysch'olnil, 'icha wal tz'aj ste'x q'uen stan̈il c'ac', 'ixta 'oj eyutc eb'.

Os 14:9

A eb' jelan, yet' eb' wach' snab'en, 'oj nachjoc 'el jun tzo'n̈ paxti tic yuj eb'. A jun b'e yic Jehová, caw wal tojol. A eb' wach' sb'eyb'al, 'oj 'at eb' 'a jun b'e cha, palta ax eb' maysch'olnil sb'eyb'al, 'oj telwc eb' 'a 'a.

Is 46:10

A 'a yictax pecti', waln cani tas 'oj ujc 'a slajb' c'ual. Waln cani to 'oj ujc tas nab'il wu'uj, 'oj in b'o smasnil tas tzin nib'ej.

Salmos 9:16

Mamin Jehová, ach 'ojcax 'el yuj tas wach' tza b'o'o. Mun tzyalej sb'a eb' tzb'on maysch'olnil.

A Ch'an̈ B'ab'el Libro Yic Yab'ixal Eb' Rey 22:20

'Ix yaln Jehová 'ixtic: ¿Mach wal junc tz'at alnc 'a win Acab, sec tz'at win yac' owl 'a chon̈b' Ramot 'a yol yic Galaad, sec ata 'oj cham win ta'? xchi. Ax eb' 'ayc' 'a stz'ey cha, chucch tzyutj eb' laj yal-lan 'a 'a.

A Ch'an̈ B'ab'el Libro Yic Yab'ixal Eb' Rey 19:16

Ax win Jehú yunnal Nimsi, a win tza si'ch sreyloc chon̈b' Israel. Ax win Eliseo yunnal Safat, win 'aj chon̈b' Abel-meholá, a win tza si'x can 'och in checb'oc a jeloc.

A Ch'an̈ B'ab'el Libro Yic Yab'ixal Eb' Rey 12:15

A yic xyab'n eb' 'anma', to a win rey Roboam cha, ma'ix schaj win yab' tas 'ix yal eb', yuj cha, xyaln eb' 'ixtic: ¡May calnec quic 'a eb' yin̈tl David win yunnal Isaí! ¡Chuc yin̈tl eb', chuc pax quin̈tlec! ¡Coyc 'a catut an̈ israel on̈c tic! ¡Stan̈wc cab' sb'a win yin̈tl can David tic! xchi eb'. A win Adoram 'ay yopiso yi'n b'ey eb' 'anma 'a munljel to 'ac'b'il pural sb'o'i. Ax rey Roboam 'ix schecn 'at win paxtinc yet' eb' israel cha. Palta 'ix 'elt somnjoc smasnil eb' israel sjulq'uenoc winac, masnto xcham winac. Ax win rey Roboam cha, yajn̈ej x'och 'a yol scaruaje, 'ix 'at 'eloc, axta xc'och 'a Jerusalén. Xlajw cha, ax smasnil junjn macn̈il eb' israel 'ay 'a stojlal norte, 'ix pax eb' 'a yatut. Cojxn 'a eb' 'anma cajn 'a yol jun tzo'n̈ chon̈b' 'a yol yic Judá, ata 'ix yac' Roboam reyal. 'Ixta xyutj eb' israel yi'n can 'el sb'a 'a yaln̈ schecnb'il eb' yin̈tl David. 'Ix uj jun tzo'n̈ tic, sec tz'el'ch tas yaljnac can Jehová 'a win Ahías 'aj chon̈b' Silo yuj Jeroboam, win yunnal Nabat.

Jueces 14:4

Man̈ yojcoc eb' mamb'il cha, toto a Jehová 'ay snab'en jun cha, yujto wan sayn tas tz'aj slajw 'el eb' filisteo yuj owal. A 'a jun tiempoal cha, a eb' israel 'aycn 'a yaln̈ schecnb'il eb' filisteo.

Dt 32:35

An 'ay waln wic wa'n 'och syailal eb', an 'oj wac' spac 'a eb', 'icha smoj schan eb'. 'Ay jun c'ual 'oj lajwc 'el eb', caw la'nxo yaj sc'ual yic 'oj lajwc 'el eb'. ¡Caw jab'xoj sc'och yorail schan eb' spac! xchi Dios.

A Ch'an̈ Schab'il Libro Yic Yab'ixal Eb' Rey 9:27

A yic 'ix yiln 'och Ocozías sreyl Judá tas 'ix uji, 'ix 'at 'eloc, ata x'atcn 'a sb'el Bet-hagan. Palta ax Jehú 'ix 'atn̈j 'a spatquil, 'ix yaln 'ixtic: —¡Milc pax chamoc! xchi. 'Ix yamchj yuj eb' 'a lum switzl Gur 'a sla'nil Ibleam. Ata xlajw yuj eb' 'a yol scaruaje, palta 'ix 'at 'elc 'a Meguido, axta xchami.

2 Cr 22:6

Yuj cha, 'ix meltzji yic tzwul yan̈tnoc sb'a 'a Jezreel. Yujto ya'ay Joram, yuj cha, 'ix 'at Ocozías sreyl Judá 'at yil 'a Jezreel cha.

Josué 11:20

A Jehová x'a'n pitb'oc 'el snab'en eb' 'ajc'ojl cha, sec tzte'wtzej sb'a eb' ya'n owl yet' eb' israel, yic tzsatl eb' smasnil yuj eb' israel cha. May junc eb' 'aj x'o'ch sc'ojl eb', 'icha wal yaj yaln can Jehová 'a Moisés.

A Ch'an̈ B'ab'el Libro Yic Yab'ixal Eb' Rey 12:24

To an Jehová in an tzwal 'ixtic: Man̈ eyac' owl yet' eb' eyit chon̈ab', atn eb' yin̈tl can win Israel. Meltzjan̈c junjn ex 'a eyatut, yujto an 'ixta x'el 'a in c'ojol, yuj cha, 'ixta 'ix 'aji, xchi Dios, xa chi 'a winac, xchi Dios 'a win Semaías. A yic xyab'n eb' 'anma cha, tas 'ix yal Jehová, 'ix meltzj can pax junjn eb' 'a yatut, 'icha wal xyutj Jehová yalni.

A Ch'an̈ Schab'il Libro Yic Yab'ixal Eb' Rey 10:11

Xlajw cha, 'ix swach' miln cham Jehú jaywn̈ xo eb' yin̈tl Acab 'a Jezreel cha, eb' niwn yel'chi, eb' to caw swach'c'ojl sb'a yet'oc, yet' eb' 'aych ya'malc 'och sti eb' 'a sdioal yu'uj, man̈x 'a junc eb' xcan 'a spitznal.

Pr 16:9

An̈ 'anman̈ec tic, si'mb'il tzqui nac tas tzqui b'o'o, ax Jehová a tztac' yalni tas tzon̈ 'ajc 'el'chi.