2 Cr 22:6 - Chuj San Sebastian Bible

⁶ Yuj cha, 'ix meltzji yic tzwul yan̈tnoc sb'a 'a Jezreel. Yujto ya'ay Joram, yuj cha, 'ix 'at Ocozías sreyl Judá 'at yil 'a Jezreel cha.

Chuj San Mateo Bible

⁶ Yuj chi' ix meltzajcot vin̈ d'a Jezreel yic tzul yan̈tan sb'a vin̈ ta'. Te ya yaj vin̈, yuj chi' ix b'at vin̈aj Ocozías yil vin̈ d'a Jezreel chi'.

2 Cr 22:6 Referans Kwoze

A Ch'an̈ Schab'il Libro Yic Yab'ixal Eb' Rey 9:15

'Ayx am sjayloc c'u smeltzj 'a Jezreel yic tzyan̈tn sb'a 'aj 'ix lajw yuj eb' sirio, yic 'ix 'och owl yet' Hazael cha. 'Ix yaln Jehú 'ixtc 'a eb' yitb'eym ajun yet'oc: Toto caw yel tze nib'j tzin 'och e reyloc, may cab' junc mach tz'el 'a yol chon̈b' tic, sec wach' may mach tz'at alnoc 'a eb' 'aj Jezreel yuj jun 'ab'x tic, xchi Jehú.

2 Cr 22:7

Palta tox 'ix sna Dios, to a yic 'oj 'at Ocozías 'at yil Joram, ax schami. At wal sc'och cha, 'ix 'elt yet' Joram, yic tzwul schanoc eb' Jehú, yunnal Nimsi. Palta tox 'ix si'l Jehová Jehú, yic tzsatn 'el smasnil eb' yin̈tl Acab.

2 Cr 22:1

A smasnil eb' cajn 'a Jerusalén, 'ix ya'ch eb' Ocozías win slajb' 'unnal Joram reyl sjelc smam cha. 'Ixta 'ix 'aji, yujto a eb' árabe ya'jnacx eb' owl yet' eb' 'aj Judá, smiljnac cham eb' jun tzo'n̈ eb' sb'ab'l 'unnal rey Joram cha.

2 Cr 21:17

Yuj wal cha, 'ix 'at eb' yac' owl yet' Judá, x'ajx ganar jun nacion̈ chi yuj eb', 'ix yi'n eb' smasnil sricoal win rey 'ay 'a sdespacho, yet' smasnil yunnal, yet' eb' 'ix yistzil winac, cojxn̈ej jun win xcani, atn Ocozías, win slajb' 'unnal winac.

A Ch'an̈ Schab'il Libro Yic Yab'ixal Eb' Rey 8:29

yuj cha, 'ix meltzj can rey Joram, 'ix jaw 'a Jezreel yuj yan̈tn sb'a. Yujto ya'ay win Joram cha, yuj cha, 'ix 'at Ocozías 'at yil 'a Jezreel cha.

2 Cr 22:5

'Ix sb'eylb'ej snab'en eb' cha, 'ix mol 'at 'a owl yet' Joram yunnal Acab, sreyl chon̈b' Israel. 'Ix ya'n eb' owl yet' Hazael sreyl Siria 'a chon̈b' Ramot 'a yol yic Galaad. Ax Joram cha, 'ix lajw yuj eb' 'aj Siria cha.