2 Cr 20:18 - Chuj San Sebastian Bible

¹⁸ Xlajw cha, 'ix 'em n̈ojn Josafat, 'ix squiln 'ejm snan̈l sat 'a sat lu'um, yet' smasnil eb' 'aj Judá yet' eb' 'aj Jerusalén. 'Ix 'em n̈ojn eb' 'a yojltac Jehová, 'ix yaln sb'a eb' 'a 'a.

Chuj San Mateo Bible

¹⁸ Yuj chi', ix em cumnaj vin̈aj Josafat chi', ix emc'och snan̈al sat vin̈ d'a sat luum, ix empax cumnaj masanil eb' aj Judá yed' eb' aj Jerusalén chi', ix yac'anem sb'a eb' d'a yichan̈ Jehová.

2 Cr 20:18 Referans Kwoze

Ex 4:31

A yic xyab'n eb' chon̈b' chi tas xyal eb' chawn̈ cha, 'ix ya'n 'och eb' 'anma chi 'a sc'ojol, chajtlto 'ix 'ilx cot eb' yuj Dios, yujto caw 'oltac tz'aj eb' 'a 'aj 'ayc' cha. Yuj cha, 'ix 'em n̈ojn eb', xya'n 'ejm sb'a eb' 'a Dios.

2 Cr 7:3

A wal yic 'ix yiln smasnil eb' israel yeml jun c'ac' yet' stzictznil Jehová 'a yib'n̈ jun n̈a cha, 'ix 'em cumn eb', squiln 'ejm eb' snan̈l sat 'a sat lum yaln sb'a, yuj yaln eb' yuj diosal 'a Jehová, tzyaln eb' 'ixtic: Caw wach' snab'en, a schamc'ojlal may b'a'n̈ 'ay slajub', xchi eb'.

Job 1:20

Yajn̈ej 'ix q'ue wan win Job, caw xcus win si'mb'il, stzilnjat win spichl yuj scusc'ojlal cha, sjoxn 'el win xil sjolom, 'ix 'em cumn win 'a sat lu'um yic tzyaln sb'a win 'a Dios.

Gn 24:26

'Ix yab'n win checb' cha, to 'ixta 'ix yutj 'ix yalni, 'ix 'em n̈ojnjoc win sleslwi 'a Jehová, 'ix yaln yuj diosal 'a 'a.

Salmos 95:6

Cotn̈ec, 'em coyc cuman yic tzon̈ 'ochc 'emmquilal 'a Jehová, 'em coyc cumn 'a 'a, yujto a b'ojnacn̈ec.

2 Cr 20:19

Ax jaywn̈ eb' levita, eb' to yin̈tl Coat, yet' eb' yin̈tl Coré, yajn̈ej 'ix q'ue lin̈n eb' yaln wach' paxti 'a Jehová sDiosal chon̈b' Israel. Caw 'ip 'ix yutj eb' yalni.

2 Cr 29:29

A yic xlajw jun tzo'n̈ cha, 'ix 'em cumn win rey Ezequías chi yaln sb'a, yet' smasnil eb' 'ayc' yet'oc.

Nehemías 8:6

Xlajw cha, xyaln Esdras wach' paxti 'a Jehová, atn jun Dios tztac' yuj smasnil. 'Ix ta'w smasnil chon̈ab', xyi'n chan̈ eb' sc'ab' 'a cha'an̈, xyaln eb' 'ixtic: 'Ixta cab' tz'aji, xchi eb'. Yajn̈ej x'em n̈ojn eb', squiln 'ejm eb' snan̈l sat 'a sat lu'um yic tzyaln sb'a eb' 'a Jehová.