2 Cr 20:1 - Chuj San Sebastian Bible

¹ Xlajwn̈ej yec' jun tiempoal, ax eb' moabita yet' eb' amonita junn̈j 'ix yutj sb'a eb' yet' eb' meunita yic tzya'n eb' owl yet' eb' 'aj Judá.

Chuj San Mateo Bible

¹ Ix ec' jun tiempoal, a eb' moabita yed' eb' amonita, junn̈ej ix yutej sb'a eb' yed' eb' meunita yic syac'an oval eb' yed' Judá.

2 Cr 20:1 Referans Kwoze

Apoc 3:19

Jantcn̈ej eb' chamc'ojlb'il wu'uj, tzin tench wan eb', tzwa'n syailal eb'. Yuj cha, caw nac e b'a, tzeya'n pax 'och e nab'en 'ayin.

Jeremías 10:24

'A'n̈ cuenta 'a 'icha wal yaj 'a tojlal, comnoc man̈oc yet' yowl 'a c'ojol, toq'ue tzon̈ a satl on̈.

Is 16:6

Cojquec wal si'mb'il tas x'aj yi'n chan̈ sb'a eb' 'aj Moab, caw sb'an̈ sb'a eb', caw tu tas xlaj yal eb', palta man̈ yelc tas xyal eb' cha.

2 Cr 32:1

A yic tox xlajw sb'on Ezequías jun tzo'n̈ chi yuj syiclumal 'a Jehová, a yic cha, 'ix jaw Senaquerib sreyl Asiria yet' eb' soldado, 'ix 'och oyn eb' 'a spatquil jun tzo'n̈ chon̈b' 'aych smuroal 'a yol yic Judá, yic tzyi'n 'ec' yalni.

2 Cr 19:11

A Amarías sat ya'mal 'och sti eb' 'anma 'a Dios, cojn 'oj stac' yaln tas 'oj b'o 'a yic Jehová, ax Zebadías, yunnal Ismael, a yajl 'oj 'aj 'a yib'n̈ eb' yin̈tl Judá, yet' 'a smasnil smunljel win rey. An̈jtona', 'oj colwjoc eb' levita eyet'oc. ¡Te'n tzeyutj e b'a, 'a'c eyip 'a eyopiso! A mach wach'n̈j tas 'oj sb'o', 'aychn̈ej cab' Jehová yet'oc, xchi.

Is 7:1

A yic 'aych win Acaz reyl 'a Judá, win yunnal Jotam, yixchicn Uzías, ata x'och jun owl 'a Jerusalén yuj win Rezín sreyl Siria, yet' yuj win Peka, yunnal Remalías, sreyl chon̈b' Israel. Snib'j ewin to xyac' 'ejm chon̈b' Jerusalén, palta ma'ix stac' yuj ewinac.

2 Cr 19:5

'Ix ya'ch eb' juez 'a smasnil chon̈b' to 'aych smuroal 'a yol yic Judá.

2 Cr 19:2

Ax jun schecb' Dios Jehú sb'i, yunnal Hanani, 'ix 'elta yic tzwul schanc rey Josafat. 'Ix yaln 'a 'ixtic: ¿Tas yuj ach colwj yet' jun win tu snab'en cha, caw 'ix a chamc'ojlej jun 'ajc'ojl yajch 'a Jehová? Yuj wal cha, 'ix cot yowl sc'ojl Jehová 'a eb'an̈.

1 Cr 4:41

Palta a 'a yol stiempoal Ezequías sreyl Judá, ata xjaw jun tzo'n̈ eb' tox 'ix b'inax sb'i tic. 'Ix satx 'el eb' 'anma cajn ta yuj eb', yet' scamplamento eb', yet' pax yatut eb', jun 'ejmn̈ej 'ix sat 'ejm smasnil, masnto ticnec. A eb' xcajn can slum eb' cha, yujto caw 'ay te c'ultc caw yax 'aj wach' swa scajb'en noc' eb'.

2 Cr 20:10

A ticnec, 'ilto, 'ayc' eb' amonita, yet' eb' moabita, yet' eb' cajn 'a lum jolm witz 'a yol yic Seir, atn lum slum eb' 'aj ma'ix yal a c'ojl to 'ix 'e't eb' quit israelal on̈, yic xcot eb' 'a Egipto, yuj cha, 'ix sjeln eb' sb'e, ma'ix yac' lajwc 'el eb' 'anma cha.

2 Cr 26:7

A Dios 'ix colwj yet'oc, yic 'ix ya'n owl yet' eb' filisteo yet' eb' árabe cajn 'a Gur-baal, yet' eb' amonita.

Jeremías 49:1

A spaxti Jehová yaljnac can 'a yib'n̈ chon̈b' Amón yic yaln can 'ixtic: ¿Tom may yunnal Israel tztac' yi'n can smacl lum tic? ¿Tas yuj a jun tzo'n̈ 'anma tz'och 'emmquilal 'a dios Milcom, a eb' tzcajn lum slum eb' yin̈tl Gad? ¿Tas yuj a eb' amonita cajn 'ec' 'a jun tzo'n̈ schon̈b' eb' cha?

2 Cr 14:8

A Asa cha, 'ay 'oxe ciente mil soldado 'a Judá, 'ay smacl sat jul-lab' yet' eb', yet' lanza. 'Ay pax 280 mil eb' yic Benjamín. A eb' cha, 'ay pax smacl sat jul-lab' yet' eb', 'ay pax sjul-lab' eb'. Caw jeln eb' smasnil.