2 Cr 2:8 - Chuj San Sebastian Bible

⁸ An̈jtona', tza'n cot pax te te 'ay 'a Líbano 'ayin, atn te c'ute', te q'uisis, yet' te sándalo, yujto wojtac to caw jeln eb' a checb' 'a ch'acjte 'a lum Líbano. A eb' in checb' tic 'oj colwjc eb' yet' eb' ec cha.

Chuj San Mateo Bible

⁸ An̈ejtona' tzac'anpaxcot te te' ay d'a Líbano d'ayin, aton te' c'ute', te' tzicap yed' te' sándalo, yujto vojtac to a eb' a munlajvum, te jelan eb' d'a ch'acoj te' d'a Líbano chi'. Axo eb' in munlajvum tic, ol colvaj eb' yed' eb' ic chi',

2 Cr 2:8 Referans Kwoze

A Ch'an̈ B'ab'el Libro Yic Yab'ixal Eb' Rey 5:6

Yuj cha, ticnec 'ac' polxoc ste'al, atn te c'ute 'a lum Líbano. A eb' in checab', 'oj colwjoc eb' yet' eb' ec cha, 'oj wac' stojl sc'u eb' a checb' cha, a tzyal jantc 'oj a c'ana'. 'In ojtac, may junc mach tztac' spoln te a qui cal tic on̈, 'icha ex 'aj Sidón ex cha, xchi Salomón.

A Ch'an̈ B'ab'el Libro Yic Yab'ixal Eb' Rey 10:11

Ax win rey cha, 'ix yac' win smasnil tas snib'j 'ix reina cha, a tzyal tas sc'an 'ix 'a winac. Chuc pax yaj tas mun x'el 'a sc'ojl win rey chi ya'n 'a 'ix. Xlajw cha, xmeltzj 'ix 'a schon̈b' yet' eb' schecb' ajun yet' cha. 'Ay pax jun tzo'n̈ xo xcot 'a yol barco yuj win Hiram, xyij cot eb' q'uen oro 'a chon̈b' Ofir. Til wal te te tzcuch sándalo xyij cot eb', yet' pax jun tzo'n̈ q'uen q'uen caw wach' yilxi. A yet' te sándalo chi ya'jnac b'o win rey swarandail yatut Jehová, yet' yic sdespacho winac, xc'anx pax te arpail, yet' salterio yico'oc eb' tzb'itni. Man̈x 'a xon jun 'ejmoc xjaw te sándalo chi 'a chon̈b' Israel, 'icha ya'jnac 'a jun tiempo cha, man̈x 'a xon pax 'aj x'ilx te'.

2 Cr 2:9

Caw niwn te te chi 'oj c'anxoc, yujto a jun n̈a 'oj wac' b'o cha, caw niwquil 'oj 'ajoc, satjub'tac yilx pax 'oj 'ajoc.

1 Cr 22:5

Yujto 'ix sna 'ixtic: A ni wunnal Salomón tic caw 'unn to na, ax pax jun yatut Jehová 'oj b'o cha, caw niwquil 'oj 'ajoc. Yel xo 'oj b'inax yuj swach'l yilx 'a smasnil yolyib'n̈q'uinal; ax ticnec yowlal 'oj in yamb'tzoc can smasnil syamc'ab'il 'oj 'och 'a 'a, xchi. A yic pitzn to David cha, caw niwn tas 'ix syamb'tzej cani.