2 Cr 2:7 - Chuj San Sebastian Bible

⁷ Ax ticnec, chec cot junc winc tztac' sb'on 'och yechl tzann̈j tas, jeln cab' smunlj 'a q'uen oro, plata, bronce, mto hierro, yet' 'a te ch'al púrpura, te chac, te q'uic'mucnac yilxi. A 'oj colwjoc yet' eb' to cuywjum 'a jun tzo'n̈ cha, atn eb' 'ay 'a Judá yet' 'a Jerusalén tic. A eb' cuywjum cha, sic'b'il can 'och eb' yuj in mam.

Chuj San Mateo Bible

⁷ Yuj chi' ac'cot junoc vin̈ vinac yojtac val smunlaj d'a q'uen oro, d'a q'uen plata, d'a q'uen bronce yed' d'a q'uen hierro yed' d'a an̈ ch'al q'uic'mutz'inac, yaxmaquinac yed' chacchac, to syalpax sb'oanoch yechel yaln̈ej tastac vin̈. A vin̈ ol colvaj yed' eb' c'ayb'ab'il d'a juntzan̈ chi' ay d'a Judá yed' d'a Jerusalén tic, aton eb' ix sic'chajcanoch yuj vin̈ in mam.

2 Cr 2:7 Referans Kwoze

Is 60:10

A eb' chuc chon̈b'al, a eb' 'oj b'onc pax smuroal e chon̈b' jun 'ejm xo, ax eb' sreyl eb', a eb' 'oj 'och eya'malc servil. Wach'xam yuj yowl in c'ojol, 'ix wa'n 'och eyailal, palta ax ticnec, yuj swach'l in nab'en, tz'o'ch pax in c'ojl 'ayex.

Is 28:29

An̈jtona', 'ixta pax jun tzo'n̈ jelnal tic, ata tzcot 'a Jehová tztac' yuj smasnil, caw wal satjub'tac yilx smasnil tas nab'il yu'uj, tzya'n 'el'choc yet' sjelnal.

Is 28:26

A Dios tzch'oxni, tas tz'aj sb'o junjn c'aj munljel.

A Ch'an̈ B'ab'el Libro Yic Yab'ixal Eb' Rey 7:14

win yune jun 'ix chamnc yichmil, yin̈tl Neftalí, ax smam 'aj Tiro, caw jeln smunlj 'a b'oj bronce. 'Ixta pax Hiram cha, caw wal jelan, caw jeln pax snab'en, caw wal yojc sb'on smasnil munljel 'a q'uen bronce, yuj cha, 'ix jaw 'a win rey Salomón. Xlajw cha, syamn 'och win sb'on smasnil munljel cha.

A Ch'an̈ B'ab'el Libro Yic Yab'ixal Eb' Rey 10:11

Ax win rey cha, 'ix yac' win smasnil tas snib'j 'ix reina cha, a tzyal tas sc'an 'ix 'a winac. Chuc pax yaj tas mun x'el 'a sc'ojl win rey chi ya'n 'a 'ix. Xlajw cha, xmeltzj 'ix 'a schon̈b' yet' eb' schecb' ajun yet' cha. 'Ay pax jun tzo'n̈ xo xcot 'a yol barco yuj win Hiram, xyij cot eb' q'uen oro 'a chon̈b' Ofir. Til wal te te tzcuch sándalo xyij cot eb', yet' pax jun tzo'n̈ q'uen q'uen caw wach' yilxi. A yet' te sándalo chi ya'jnac b'o win rey swarandail yatut Jehová, yet' yic sdespacho winac, xc'anx pax te arpail, yet' salterio yico'oc eb' tzb'itni. Man̈x 'a xon jun 'ejmoc xjaw te sándalo chi 'a chon̈b' Israel, 'icha ya'jnac 'a jun tiempo cha, man̈x 'a xon pax 'aj x'ilx te'.

Ez 27:5

Smasnil stel 'ix 'ochi, atn te 'a'nte taj 'ix cot 'a lum jolm witz Senir, ax 'a Líbano xcot te c'ute x'och yoyloc ma'lab' 'ic'.