2 Cr 2:5 - Chuj San Sebastian Bible

⁵ A jun n̈a 'oj in b'o cha, caw niwquil 'oj 'ajoc, yujto a qui Diosal on̈, yel xo niwquil yel'ch 'a yib'n̈ smasnil jun tzo'n̈ comn dios.

Chuj San Mateo Bible

⁵ A jun templo ol in b'o chi', te nivan ol ajoc, yujto a co Diosal chi', yelxo ec'al snivanil yelc'och d'a yichan̈ masanil juntzan̈ comon dios.

2 Cr 2:5 Referans Kwoze

1 Cr 16:25

yujto a Jehová caw niwn yel'chi, smoj wal yalx wach' paxti 'a 'a. Yel xo 'ay smay 'a yib'n̈ jun tzo'n̈ comn dios.

Salmos 135:5

Wojc wal si'mb'il to a Jehová Cajlilec, yel xo wal 'ec'b'al 'a yib'n̈ jun tzo'n̈ comn dios.

Ex 15:11

Mamin Jehová, may junc xo dios tztac' slajb'tzan sb'a et'oc, may junc xo mach caw wach' 'icha ach tic, may junc xo mach tztac' sch'oxn milagro 'icha tas satjub'tac tza b'o'o.

1 Ti 6:15

A 'a yic 'oj jawc jun tiempoal 'icha tznib'j Dios, atta 'oj 'el'choc jun tic yu'uj. Yujto cojxn Dios 'ay spoder. Caw tzaljc'ojlaln̈ej yaji. A Dios, sReyl eb' rey, sYajlil pax eb' yajal.

Jeremías 10:6

Mamin Jehová, may xon wal junc mach lajn et'oc; yujto ach tic, cojxn ach niwn el'chi, caw b'inab'il a b'i, tzta'n̈j oj smasnil.

Salmos 145:3

Mamin Jehová, caw wal niwn yel'ch a b'i, yuj cha, smoj wal a b'itnaxi; a 'a b'inab'ilal, man̈ alchjb'enoc.

2 Cr 2:9

Caw niwn te te chi 'oj c'anxoc, yujto a jun n̈a 'oj wac' b'o cha, caw niwquil 'oj 'ajoc, satjub'tac yilx pax 'oj 'ajoc.

1 Cr 29:1

Xlajw cha, 'ix yaln rey David 'ixtc 'a smasnil eb' 'anma yamn cha: Cojn jun wunnal Salomón tic 'ix si'x can 'el yuj Dios, caw quelm 'unn to, ax jun munljel tic, caw niwquil, yujto a jun n̈a cha, man̈ jantcoc swach'l yilx 'oj 'ajoc, man̈ sdespachooc junc winac, palta to yatut Jehová Dios.

A Ch'an̈ B'ab'el Libro Yic Yab'ixal Eb' Rey 9:8

A jun n̈a 'ix 'ochcn wico'oc tic, wach'xam caw nib'jub'tac ticnec, palta caw jun b'uln̈ 'oj 'aj slan̈chj can 'ejmi. A smasnil eb' 'oj 'ec' 'a stz'ey, caw 'oj sat sc'ojl eb' yilni, ax stzetzn eb' yilx 'ochi, ax yaln eb' 'ixtc junjn 'a 'a: ¿Tas laj yuj 'ixtc xyutj Jehová jun chon̈b' tic yet' pax jun yatut tic? 'oj schic eb'.

Ez 7:20

Yujto 'ay jun tzo'n̈ chi 'ay 'a eb', xlaj sb'an̈n sb'a eb' yet'oc, ax yet' jun tzo'n̈ chi sb'o eb' yechl jun tzo'n̈ comn dios yajb'entac. Yuj cha, 'icha xoj c'alem, 'ixta 'oj wutcan jun tzo'n̈ q'uen chi yil eb'.

Ex 18:11

A ticnec, caw wal xwojquej 'eli to a Jehová, yel xo wal 'ec'b'al 'a yib'n̈ jun tzo'n̈ tzalx 'och diosal, yujto ex colx 'elt 'a yol sc'ab' eb' 'aj Egipto yu'uj, wach'xam niwquil cob' xyutj sb'a eb' 'a yojltac Jehová, xchi Jetro cha.

A Ch'an̈ B'ab'el Libro Yic Yab'ixal Eb' Rey 8:27

Palta ach in Diosal, ¿yel am wali 'oj stac' aj cajn 'a sat lum lum tic? 'Intax a satcha'an̈, may yalnb'il 'aj tzlajw c'ochi, palta caw matz techj ach smolni, ¡Ocxom wal jun yune n̈a 'ix in b'o eco'oc tic!

1 Cr 29:14

Wal yel, an tic yet' eb' wit chon̈b' tic, caw may jac tas tztac' tzqui siyj 'ayach, yujto smasnil jun tzo'n̈ tic a 'aych tzcoti. Yuj cha, cojn tas tzqui chaj 'ayach, a tzcac' pax 'ayach.

2 Cr 6:18

Palta ach in Diosal, ¿yel am wali 'oj stac' aj cajn 'a sat lum lum tic? 'Intax a satcha'an̈, may yalnb'il 'aj tzlajw c'ochi, palta caw matz techj ach smolni, ¡Ocxom wal jun yune n̈a 'ix in b'o eco'oc tic!

2 Cr 29:11

Yuj wal cha, ex wit chon̈ab', caw man̈ ex 'iljoc e b'on yatut Dios, yujto a Jehová ex si'n 'eli, sec 'ayx 'ec'n̈ej 'a yojltac yic tzeya'n servil, tzeya'n pax tz'a incienso 'a yojltac, xchi.

Salmos 148:4

A satcha'an̈ yet' a a 'ay 'a yib'n̈ satcha'an̈, yal cab' eb' wach' paxti 'a 'a.

Is 66:1

'Ix yaln pax Jehová 'ixtic: A satcha'an̈, a chi in despacho yaji, ax lum lu'um, a chi sb'achnub' woc yaji. Ax xo tic, ¿'aj wach' tze b'o junc watut yic tzin 'ilj 'a 'a?