2 Cr 19:8 - Chuj San Sebastian Bible

⁸ An̈jtona', 'ix si'n 'elt Josafat jaywn̈ eb' levita, yet' jaywn̈ eb' ya'mal 'och sti eb' 'anma 'a Dios, yet' pax jaywn̈ eb' yajl yaj 'a yib'n̈ junjn macn̈ eb' cajn 'a Jerusalén yic tz'och eb' juezal, yic tzb'onyaj eb' yowl eb' 'anma cha.

Chuj San Mateo Bible

⁸ An̈ejtona' ix sic'anpaxelta juntzan̈ eb' vin̈ levita vin̈, eb' vin̈ sacerdote yed' juntzan̈ eb' vin̈ yajal yaj d'a junjun macan̈ eb' cajan d'a Jerusalén chi', yic tz'och eb' vin̈ juezal yic sc'ayb'aj eb' anima chi' yuj eb' vin̈ d'a sley Jehová yed' yic sb'oan yaj yoval eb' anima chi' eb' vin̈ d'a Jerusalén chi'.

2 Cr 19:8 Referans Kwoze

1 Cr 26:29

A 'a eb' yin̈tl Izhar, ata cotnc Quenanías yet' eb' yunnal. A eb' 'aych gobernadoral, yet' juezal 'a chon̈b' Israel, palta man̈xtoc a 'a yatut Dios 'aych yopiso eb'.

1 Cr 23:4

A 'a scal eb' tic 'ix si'x 'elt 24 mil eb' tz'och sjucb'tzoc eb' munljum tzb'on yatut Jehová, ax junx waque mil eb' tz'och gobernadoral yet' 'a juezal.

Dt 25:1

Toto 'ay chawn̈oc 'anma tzyac' owal, yowlal tz'at eb' sb'oyaj sb'a 'a sat eb' juez; a jun may smul cha, a tzcolchj cani, ax jun 'ay smul cha, tzcann̈j 'a yib'an̈.

Dt 21:5

Tzlajw cha, ax eb' ya'mal 'och sti eb' 'anma 'a Dios, atn eb' yin̈tl can Leví, tzc'och eb' 'a stz'ey no'. Yujto a eb' sic'b'il 'el yuj Jehová qui Diosalec yic tz'ajx servil yuj eb', ax eb' tzc'ann swach'c'ojlal Jehová chi 'a eyib'an̈. Yuj tas tzyalcn eb' cha, tz'ajx can lajwc junc owal, mto junc chacjb'al 'a yol e chon̈ab'.

2 Cr 19:9

'Ix yaln can jun tzo'n̈ checnb'il 'a eb' 'ixtic: Ax tic yowlal 'oj eyil eyopiso tic, niwn cab' yel'ch Jehová 'a e sat 'a caw yel. Smasnil e c'ojol tzeya'n servil.

2 Cr 19:11

A Amarías sat ya'mal 'och sti eb' 'anma 'a Dios, cojn 'oj stac' yaln tas 'oj b'o 'a yic Jehová, ax Zebadías, yunnal Ismael, a yajl 'oj 'aj 'a yib'n̈ eb' yin̈tl Judá, yet' 'a smasnil smunljel win rey. An̈jtona', 'oj colwjoc eb' levita eyet'oc. ¡Te'n tzeyutj e b'a, 'a'c eyip 'a eyopiso! A mach wach'n̈j tas 'oj sb'o', 'aychn̈ej cab' Jehová yet'oc, xchi.

Salmos 122:5

A 'a jun chon̈b' tic 'ay yatutal b'eyc'ojlal, atn 'a tic 'oj b'eyc'ojlwoc eb' yin̈tl rey David 'a stojlal.

Ez 44:24

An̈jtona', toto 'ay mach 'ay yowal, a eb' 'oj b'onc yaj jun owl cha, 'icha wal yaln sleyl 'aycn wu'uj. 'Oj syiclc eb' smasnil in checnb'il yic jun tzo'n̈ q'uin̈ wic yaji, yet' pax sleyl sc'ul 'iljelal.