2 Cr 19:2 - Chuj San Sebastian Bible

² Ax jun schecb' Dios Jehú sb'i, yunnal Hanani, 'ix 'elta yic tzwul schanc rey Josafat. 'Ix yaln 'a 'ixtic: ¿Tas yuj ach colwj yet' jun win tu snab'en cha, caw 'ix a chamc'ojlej jun 'ajc'ojl yajch 'a Jehová? Yuj wal cha, 'ix cot yowl sc'ojl Jehová 'a eb'an̈.

Chuj San Mateo Bible

² Ix elta vin̈aj Jehú schecab' Dios yuninal vin̈aj Hanani scha vin̈ rey chi', ix yalan vin̈ icha tic: ¿Tas yuj ix ach colvaj yed' jun vin̈ chuc spensar chi'? ¿Tas yuj vach' ac'an yed' jun vin̈ ayoch ajc'olal d'a Jehová? Yuj chi' toxo ix cot yoval Jehová d'ayach.

2 Cr 19:2 Referans Kwoze

Santiago 4:4

'Ay ex, 'icha junc 'ix, cojxn 'ajmulal tzsayq'ui, 'ixta 'ex 'a sat Dios. ¿Tom mant eyojcoc, to a yic tzqui chamc'ojlanec qui b'a yet' yolyib'n̈q'uinl tic, ax 'a Dios tzon̈ 'ochc 'ajc'ojlal? Yuj cha, tzann̈j mach tznib'j tz'och swach'c'ojloc yolyib'n̈q'uinl tic, ax 'a Dios tz'och 'ajc'ojlal.

Ef 5:11

Man̈ eya't e b'a 'a scal jun tzo'n̈ tas tzlaj sb'o eb' q'uic'q'uinl to yaj spixan, yujto a jun tzo'n̈ tas tzlaj sb'o eb', may jac yopiso. Yel xo wach' tzeyal-li, tze ch'oxli, to may yel'ch jun tzo'n̈ cha.

2 Cr 18:3

A yic cha, 'ix yaln Acab 'a Josafat 'ixtic: —¿Mamtzac yal a c'ojl tzach 'at wet'oc, yic tz'at wa'nc owl yet' chon̈b' Ramot 'a yol yic Galaad? xchi. 'Ix ta'w Josafat 'a 'ixtic: 'Oj in 'at yet' eb' in soldado, 'oj qui 'at et' 'a owl yet' eb' a soldado cha.

2 Cr 32:25

Wach'xam a Ezequías caw niwn swach'l 'ix scha'aj, palta ma'ix yac' yuj diosal yuj jun tzo'n̈ cha, a yico' to 'ix yij chan̈ sb'a yet' snab'en. Yuj cha, 'ix cot yowl sc'ojl Jehová 'a 'a, an̈jtona yet' 'a eb' 'a Jerusalén yet' 'a jun tzo'n̈ xo eb' 'a Judá.

2 Cr 24:18

'Ixta xyutj eb' yactn can yatut Jehová sDiosal yet' smam yicham. 'Ix ya'n 'och sb'a eb' 'emmquilal 'a jun tzo'n̈ sch'oxnb'il comn dios Aserá, yet' 'a jun tzo'n̈ yechl b'ob'il yuj 'anma'. Yuj cha, xcot yowl sc'ojl Dios 'a yib'n̈ Judá yet' a Jerusalén yuj smul eb' cha.

2 Cr 20:34

Ax jantcto yab'xil Josafat, yictax x'el yich, masnto 'a slajub', ata tz'ib'b'il can 'a ch'an̈ libro yic Jehú, yunnal Hanani, junn̈j yaj 'a ch'an̈ libro yic yab'xil eb' sreyl Israel.

2 Cr 16:7

A 'a yic jun tiempoal cha, 'ix jaw jun schecb' Dios Hanani sb'i 'a win Asa sreyl Judá, 'ix yaln 'a win 'ixtic: Yujn̈ej to a sreyl Siria 'ix a'ch yipc a c'ojol, man̈oc Jehová qui Diosal, yuj cha, 'ix 'el eb' soldado sreyl Siria 'a yol a c'ab'.

A Ch'an̈ B'ab'el Libro Yic Yab'ixal Eb' Rey 16:1

Yuj cha, 'ix paxtin Jehová 'a win Jehú, win yunnal Hanani, yic tzyaln jun tzo'n̈ paxti 'a yib'n̈ win Baasa 'ixtic:

Ro 8:7

Palta ax eb' tzb'eylb'an 'icha tznib'j stu nab'enal, ton̈j tz'och eb' 'ajc'ojlal 'a Dios. Matz nib'j eb' tzyiclj sley Dios cha. Caw matz tac' yuj eb'.

Ro 1:32

Yojc xon eb' jun sley Dios tzalni, to a eb' tzb'on jun tzo'n̈ chi 'ixta', smoj s'atcn eb' 'a chaml 'a jun 'ejmn̈ej. Palta an̈j 'ijnoc sb'on eb', tzlaj tzalj pax eb' yet' eb' yit 'anmal tzb'on jun tzo'n̈ chi yet'oc.

A Ch'an̈ B'ab'el Libro Samuel 9:9

(A 'a pecti', toto 'ay junc eb' quit chon̈b' tznib'j sc'anb'c junc tas 'a Dios, 'ixtc tzyutj eb' yalni: Cotn̈ec, 'at quilc win tztac' yiln junc tas, xchi eb'. Ax ticnec schecb' Dios sb'i eb'. A 'a pecti cha, win Tztac' yiln junc tas, 'ixta sb'i jun chi yuj eb'.)

Ro 1:30

Tzyaln eb' maysch'olnil 'a spatc eb' yit 'anma'il. Tzchichn 'och eb' 'a Dios. Tzuntzm maysch'olnil eb'. Tzyij chan̈ sb'a eb'. B'an̈quintac yec' eb'. Caw jeln tzyutj eb' snan 'el junc maysch'olnil. Man̈ yiclumoc tzyutj sb'a eb' 'a smam snun.

Ro 1:18

Cojtac a Dios tz'a'n cot yowl sc'ojl 'a satcha'an̈, tzjaw 'a yib'n̈ jantcn̈ej eb' 'anma matz ya'ch snab'en 'a 'a, atn eb' maysch'olnil sb'eyb'al. A eb' cha, maysch'olnil eb'. Yuj cha, matz chaj eb' alxc 'el jun cuynb'il caw yel.

Jn 15:23

Yujto a eb' tzchichn 'och 'ayin, tzchichn pax 'och eb' 'a in Mam.

Jn 15:18

Toto 'ay eb' yic yolyib'n̈q'uinl tic tzchichn 'och 'ayex, nac coti, to a 'ayn tzb'ab'l chichn 'och eb'.

Salmos 68:1

Toto a Dios tz'och 'a'j owal, caw sactzicnac s'atcn eb' 'ajc'ojl chi yu'uj. Ax eb' tzchichn 'och 'a 'a, tz'at eb' 'elc 'a yojltac.

Salmos 21:8

Mamin rey, 'oj a yam cot smasnil eb' 'ajc'ojl yajch 'ayach. A yet' a wach' c'ab' 'oj a'ch syailal eb' matz ach nib'ni.

Salmos 15:4

Eb' tzpatquiln can 'el eb' patcab'il can 'el o'oj, palta yiclum tzyutj sb'a eb' 'a eb' 'ay xiwc'ojlal 'ayach. Matz jel eb' tas tzyala, palta tzyac' 'el'choc eb' sti', wach'xam tzcan eb' 'a yaln̈ yu'uj.

2 Cr 18:28

Xlajw cha, x'at sreyl chon̈b' Israel yet' Josafat sreyl Judá, yic tz'at ya'nc eb' owl yet' chon̈b' Ramot.

2 Cr 18:7

'Ix ta'w sreyl chon̈b' Israel 'ixtc 'a Josafat: —'Ay jun 'a tic, tztac' sc'anb'n 'a Jehová cu'uj. Atn Micaías, yunnal Imla. Palta matz in nib'j jun winc cha, yujto mant 'a xon jun 'ejmoc wach' junc tas tzyal 'ayin, caw tun̈j tzyala, xchi. Palta 'ix yaln Josafat 'ixtc 'a 'a: —Man̈ al 'ixta', xchi.

A Ch'an̈ B'ab'el Libro Yic Yab'ixal Eb' Rey 21:25

(Wal yel, may junc rey 'ixta xyutj sb'a 'icha win Acab, yujto xmontchj win yuj yistzil yic ste'wtzan sb'a sb'on tas tu 'a sat Jehová.

A Ch'an̈ B'ab'el Libro Yic Yab'ixal Eb' Rey 16:12

'Ixta wal x'aj eb' yin̈tl Baasa satl yuj win Zimri, x'el'ch 'icha yutjnac Jehová yaln 'a win Jehú yuj win Baasa.

A Ch'an̈ B'ab'el Libro Yic Yab'ixal Eb' Rey 16:7

'Ix yaln Jehová 'a win Jehú cha, atn jun schecab', yuj yailal 'oj jawc 'a yib'n̈ win Baasa yet' eb' yin̈til, yujto maysch'olnil tas xlaj sb'o win 'a sat Jehová, 'ix stzuntzj cot yowl sc'ojol, 'icha sb'ojnac Jeroboam. 'Ix jaw pax yailal 'a yib'an̈, yujto satl win eb' yin̈tl Jeroboam.

Dt 33:11

Mamin Jehová, 'ac' a yaxilal 'a yib'n̈ eb', tzchan cab' a c'ojl tas tzyac' eb' 'ayach. Tza mac' wecchjoc sb'acl yich spatc eb' 'ajc'ojl yajch 'a eb', sec man̈xtzac stac' yi'nchan̈ sb'a eb' tzchichn 'och 'a eb' cha, xchi.

Dt 32:41

A yic 'oj in n̈icnc ye wespada caw tzictzni yilxi, ax in yamn 'och in b'onyaj owal. 'Oj in pac in b'a 'a eb' 'ajc'ojl yajch 'ayin, ax wa'n syailal eb' tzchichn 'och 'ayin, 'a 'icha wal tas smoj schan eb'.

Dt 7:10

Palta a eb' tzchacn 'eli, sat cab' 'el eb' yu'uj, a cab' tz'a'n spac 'a eb', tojl cab'n̈ej satl eb'.

Dt 5:9

Man̈ eyac' 'ejm e b'a 'a 'a, man̈ eyal e b'a 'a a', yujto an Jehová e Diosal in, caw tzcot wowl 'ayex, toto tzeyac' 'ejm e b'a 'a jun tzo'n̈ cha. A eb' mamb'il to may wel'ch 'a sat, 'oj wac' syailal eb' yet' 'a eb' 'unnab'il, eb' 'ichicnab'il yet' 'a eb' schab'l 'ichicnab'il.

Ex 20:5

Man̈ ex 'em n̈ojn 'a 'a, man̈ eyac' 'ejm e b'a 'a junc yechl cha, yujto an Jehová e Diosal in, caw tzcot wowl 'ayex toto tzeyac' 'ejm e b'a 'a junc eb' cha. 'Oj wa'ch eyailal ax mamb'il ex toto may wel'ch 'a e sat, ax wa'n jawc yailal 'a yib'n̈ eyunnal, yet' smasnil eyin̈til.

Salmos 71:15

Smasniln̈ej c'u 'oj wal-l ab'xil, chajtlto ach tic caw tojl ach, ach in a col-li. Wach'xam to matz nachj 'el wuj smasnil, palta 'oj wal-li.

2 Cr 18:1

A Josafat cha, caw 'ix niwtj sricoal, niwn yel'ch x'aji, ax 'ix yisl win Acab, sreyl chon̈b' Israel, a x'och yalb'oc.

A Ch'an̈ B'ab'el Libro Yic Yab'ixal Eb' Rey 22:44

'Ix 'och win 'a junc'ojlal yet' win sreyl chon̈b' Israel.

2 Cr 19:1

A Josafat sreyl Judá 'ix meltzj 'a junc'ojlal 'a yatut 'a Jerusalén.

2 Cr 19:10

Tzann̈j owlal 'oj jawc 'ayx yuj eb' eyit chon̈b' tic, mto yuj eb' cajn 'a jun tzo'n̈ xo chon̈ab', tze b'oyaj eb', atn yuj junc paxti', mto yuj milj cham 'anma', mto yuj junc xo tzann̈j tas tz'el sb'on eb', to man̈ 'ixta'oc yaln ley mto checnb'il. Caw wach' tzeyutj eyaln 'a eb'. 'Ixta wal tzeyutej, sec wach' matz 'och smul eb' 'a Jehová, sec wach' matz cot yowl sc'ojl 'a eyib'an̈, yet' 'a yib'n̈ eb'. Caw wach' tzeyutj e b'a, sec wach' ma'oj 'och e mul.

2 Cr 26:18

A eb' cha, xc'och eb' 'a yojltac win rey cha, xyaln eb' 'a win 'ixtic: Ach rey Ozías man̈oc ach 'ay opiso a'n tz'a incienso 'a Jehová, palta an̈ ya'maln̈ 'och sti eb' 'anma 'a Dios on̈, atn an̈ yin̈tl on̈ Aarón tic, an̈ sic'b'iln̈ 'och ca'n tz'a xajmb'al on̈. 'Eln̈ 'a scajnub' Jehová tic, yujto caw x'och 'a tenmtacl 'a 'a. Man̈x 'oj ach yi' cha'an̈, xchi eb' 'a 'a.

Am 7:14

'Ix ta'w Amós 'a win 'ixtic: —An tic, man̈ schecb'oc Dios waji, matz in nib'j pax 'ixta tzin b'o'o. An tic, cajm in noc', si'm in sat calte'al higo, wach'n̈j yilchj tas tzin c'uxu.