2 Cr 18:21 - Chuj San Sebastian Bible

²¹ 'Ix yaln jun espíritu chi 'ixtic: A smasnil eb' tzyalch sb'a a checb'oc, 'oj wac' yal eb' 'es 'a win rey, xchi. 'Ix yaln Jehová 'a 'ixtic: Caw 'oj stac' oj 'ixta', 'ixc 'an, 'at b'o 'icha 'ix otj aln cha, xchi 'a 'a.

Chuj San Mateo Bible

²¹ Ix yalan icha tic: Masanil eb' vin̈ syaloch sb'a a checab'oc, ol vac' yac' es eb' vin̈ d'a vin̈ rey chi', xchi. Ix yalan Jehová chi' d'ay icha tic: Ol yal uj icha chi', ixic, b'at c'ulej icha tzal chi', xchi d'ay.

2 Cr 18:21 Referans Kwoze

Jn 8:44

Ax tic, a jun e mam, atn win diablo. Yuj cha, an̈j 'a win tzeya'ch e nab'en. An̈j tas tznib'j winac, an̈j tze b'o'o. Yictax sb'o yolyib'n̈q'uinl tic, ma'm cham 'anma xon win ta'. May jac yel'ch junc tas yel 'a winac, yujto may junc yel tzyal winac. A yic tzya'n win junc 'es, a 'a snab'en win tzcoti, yujto caw 'a'm 'es winac. A 'a winac, ata tzpitzw 'el smasnil 'es.

Apoc 20:8

C'uxn 'oj 'ec' yixtc paxti win eb' 'anma 'a junjn nacion̈ 'a yolyib'n̈q'uinal. 'Oj yixtc paxti jun Gog sb'i yet' jun Magog. Ax jun tzo'n̈ soldado yic Gog yet' Magog cha, 'oj yac' win Satanás syam sb'a eb' yuj owal. Ax eb' soldado cha, caw niwn eb' 'icha yarenail sti a mar.

Apoc 13:14

'Ix 'ajx spermiso sch'oxn jun tzo'n̈ milagro chi 'a yojltac jun b'ab'l noc' sb'i cha. 'Ixta xyutj yixtn paxti eb' 'anma 'a yolyib'n̈q'uinal. 'Ix yaln pax 'a eb', to yowlal tzb'o eb' jun yechl jun b'ab'l noc' sb'i cha, atn jun lajwnac yuj q'uen espada, palta an̈ja pitzan.

Apoc 12:9

'Ixta x'aj sjulx can 'elt jun niwquil dragón cha. Atn jun ya'jnac 'och sb'a chanl pecti'. Atn win diablo, win Satanás. Atn win tz'ixtn paxti smasnil 'anma 'a yolyib'n̈q'uinal. A win cha, xjulx can 'ejm 'a yolyib'n̈q'uinl yet' eb' yángel.

1 Jn 4:6

Palta an̈ec xo tic, yic on̈c xo Dios. Yuj cha, a eb' yic xo Dios quet'ec, tzya'ch eb' schicn 'a tas tzcalec. Palta ax eb' man̈ yico'oc Dios, matz ya'ch eb' schicn 'a tas tzcalc 'a 'a. 'Ixta tzcutjec cojcan 'eli, mach eb' yel 'aych Yespíritu Dios 'a 'a, mach pax eb' 'aych yespíritu win 'a'm 'es 'a 'a.

Salmos 109:17

A maysch'olnil tznib'ej, yuj cha, catb'tzaxc cab' cani. Ma'ix snib'j sb'o wach'il, yuj cha, may cab' b'a'n̈ tzchaj yaxilal.

Job 2:6

'Ix yaln Jehová 'ixtc 'a winac: —'Ixta cab' tz'aj 'an. 'Ilto tas tzotj a b'a yet' sniwnal winac, cojn b'i'an may aln ec a milni, xchi Dios 'a winac.

Job 1:12

'Ix ta'w Jehová 'ixtc 'a winac: —'Ixta cab' tz'aj 'an. A tas 'ay 'a win Job cha, tzcan 'a yol a c'ab', 'ilto tas tzotej, palta man̈ a'ch yailal 'a sniwnal winac, xchi Dios. Cojn cha, x'elt win 'ajc'ojl chi 'a yojltac Jehová.

2 Cr 18:22

A ticnec, ojc xo to a Jehová 'ix chan cot jun espíritu 'a'm 'es 'a eb' tzyalch sb'a schecb'oc Dios tic, 'ixtnta 'oj 'aj scotcn chaml 'a eb'an̈, 'icha tas nab'ilx yuj Jehová, xchi Micaías cha.

2 Cr 18:19

'Ix sc'anb'n Jehová 'ixtic: ¿Mach 'oj 'at jucb'tzanc Acab sreyl chon̈b' Israel, yic tz'at ya'nc owl yet' chon̈b' Ramot 'a yol yic Galaad, sec tzlajw can 'el ta'? xchi. Chuc xyutj yaln jun tzo'n̈ eb', chuc pax tzyutj jun tzo'n̈ xo eb' yalni.

Jueces 9:23

Xlajw cha, ax Dios 'ix 'a'n 'ejm jun tu nab'enal 'a snan̈l win yet' eb' 'aj Siquem cha. 'Ix schacn sb'a eb' yet'oc, 'ix meltzj 'och eb' 'ajc'ojlal 'a 'a,