2 Cr 18:13 - Chuj San Sebastian Bible

¹³ 'Ix ta'w Micaías 'ixtic: —Tzwac' in ti 'a Jehová, a wal tas 'oj yal in Diosal 'ayin, a 'oj wala', xchi 'a 'a.

Chuj San Mateo Bible

¹³ Ix tac'vi vin̈aj Micaías chi' icha tic: —Svac' in ti' d'a Jehová to an̈ej tas ol yal d'ayin, a' ol vala', xchi vin̈.

2 Cr 18:13 Referans Kwoze

Nm 22:35

Palta 'ix ta'w jun yángel Jehová chi 'ixtc 'a Balaam: —Tztac' cab' a 'at yet' jun tzo'n̈ 'anma tic, palta cojn tas 'oj wac' ala', a chi 'oj ala', xchi. Yuj cha, 'ix 'at Balaam yet' eb' schecb' win Balac cha.

Nm 24:13

Wach'xam b'ut'jnac a despacho yet' q'uen oro mto q'uen plata, yic tza'n q'uen 'ayn smasnil, palta matz tac' in tenn tas tzyal Jehová, may tas tztac' in b'on 'a yol wico'. Yujto a tas tzyac' Jehová wala', atn chi yowlal tzwala.

1 Ts 2:4

'Icha tznib'j Dios, 'ixta xcutj 'ec' calnc 'el on̈, yujto xyil Dios, to smoj xya'ch copiso caln 'el wach' 'ab'x yic colnb'il on̈. Man̈ yujoc stzalj eb' 'anma quet' 'on̈, tz'ec' calnc 'el on̈, palta yuj wal stzalj Dios. Yujto a tz'iln qui nab'en junjn on̈ec, toto wach', mto ma'ay.

Gl 1:10

A yic tzwaln 'at jun tzo'n̈ tic 'ayex, ¿tom tzin nib'j tzalj junc 'anma wet' e nani? Ma'ay, cojxn Dios tzin nib'j tzalj wet'oc. Matz in na jab'oc, toto tzalj junc 'anma wet'oc. Q'uinloc ton̈j tzin nib'j tzalj eb' wet'oc, to 'ixta', man̈ in ya'malc servil Cristo.

2 Co 2:17

An̈ tic on̈, man̈ yujoc ca'n ganar 'a spatc spaxti Dios, tz'ec' calnc 'el on̈, 'icha tzyutj sb'a nan̈l xo eb'. Tz'ec' cob' sb'al alnc 'el eb'. Palta an̈ xo tic on̈, caw yelc'ojlal tz'ec' cal-l on̈, yujto 'ac'b'il copiso yuj Dios on̈. Tz'ec' cal-l on̈, sec tzalj Dios quet' 'on̈, yujto schecb' on̈ Cristo on̈.

1 Co 11:23

A jun tzo'n̈ cuynb'il yic cena waljnac 'ayex, a Cajlilec 'a'jnac 'ayin. Atn jun tzo'n̈ tic 'oj wal't 'ayx tic: 'Ay jun 'ac'wal, 'ix 'ajx 'och Cajlil Jesús 'a yol sc'ab' eb' xmilni. A yic mantzac yamchji, 'ix yi'n chan̈ 'ixm pan.

A Tas Sc'ulejnac Eb' Schecab' Jesús Hechos 20:27

Yujto c'uxn xwalcn 'el jun tzo'n̈ cuynb'il yic Dios 'ayex. May junc xin c'ub'j 'el 'ayex.

Ez 2:7

'Oj al in paxti tic 'a eb', toxn̈ej 'oj scha eb' yab'i', mto ma'ay, yujto caw pit eb'.

Jeremías 42:4

In ta'w 'a eb' 'ixtic: —Inye, 'oj in tew 'a Jehová qui Diosalec chi eyu'uj, 'icha wal xeyutj e c'ann 'ayin. A tas 'oj yutc ta'wc sb'a Jehová 'ayin, 'ixta pax 'oj wutc waln 'ayex. May junc tas 'oj in c'ub'c 'eli, xin chi 'a eb'.

Jeremías 23:28

An Jehová in, an tzwala: Toto 'ay junc checb' chi 'ay tas tzwaychej, yal cab'i', to swayich. Toto a 'in paxti 'oj scha jun, to 'ixta', tz'acn cab' tzyutj yaln 'eli. Matz tac' scalx 'ixm sat trigo yet' stzapil. 'Ixta in paxti', caw man̈ smojc scalx yet' wayich.

A Ch'an̈ B'ab'el Libro Yic Yab'ixal Eb' Rey 22:14

'Ix ta'w win Micaías chi 'ixtc 'a winac: —'A sat Jehová tzwaln 'ayach, a tas 'oj yal Jehová 'ayin, atn chi 'oj 'at wala', xchi.

Nm 23:26

Yuj cha, 'ix ta'w Balaam 'ixtc 'a winac: —¿Tom ma'ix wal 'ayach, to a tas 'oj yac' Jehová wala', a chi 'oj wala', 'in xin chi? xchi Balaam cha.

Nm 23:12

'Ix ta'w Balaam, xyaln 'a 'ixtic: —Toc wal 'oj in xiw waln tas tzyac' Jehová wal-li, xchi 'a 'a.

2 Cr 18:12

Ax win checb' x'at 'awtnoc cot Micaías cha, 'ix yaln 'a Micaías chi 'ixtic: —Smasnil eb' tzyalch sb'a schecb'oc Dios, caw wach' xyutj eb' yaln 'a win rey. Yuj cha, tzin tew 'ayach, 'icha wal xyutj junc eb' chi yalni, 'ixta 'oj otc alni, caw wach' tzotj wal alni, xchi 'a 'a.

2 Cr 18:14

Yajn̈ej 'ix c'och Micaías 'a yojltac win rey, 'ix sc'anb'n win 'a 'ixtic: —¿Tzam stac' tz'at wac' owl yet' chon̈b' Ramot 'a yol yic Galaad, mto ma'ay? xchi 'a 'a. 'Ix stz'acn Micaías yal 'a 'ixtic: —'Ac' owl yet'oc, toxn to 'oj 'ajxc ganar o'oj, yujto 'oj 'ajxc 'och 'a yol a c'ab' yuj Dios, xchi.