2 Cr 17:5 - Chuj San Sebastian Bible

⁵ Yuj cha, a Jehová 'ix wach' 'a'n yic' yip 'a yopiso. Smasnil eb' 'aj Judá cha, 'ix yac' eb' siylab' 'a Josafat, yuj cha, caw 'ix niwtj sricoal, caw niwn yel'ch x'aji.

Chuj San Mateo Bible

⁵ Yuj chi' a Jehová ix ac'an val tec'c'aj vin̈ d'a yopisio chi'. Masanil eb' aj Judá chi', ix siej tastac eb' d'a vin̈, yuj chi' ix te q'uechaan̈ sb'eyumal vin̈, te nivan ix aj yelc'och vin̈.

2 Cr 17:5 Referans Kwoze

2 Cr 18:1

A Josafat cha, caw 'ix niwtj sricoal, niwn yel'ch x'aji, ax 'ix yisl win Acab, sreyl chon̈b' Israel, a x'och yalb'oc.

Mt 6:33

Yuj cha, 'a'c eyip e wach' 'a'n 'och e b'a 'a yol sc'ab' Dios. Tojln̈ej tzeyutj e b'eyb'al 'icha tznib'ej. Toto 'ixta', 'oj yac' jun tzo'n̈ chi 'ayx smasnil.

A Sb'ab'el Carta San Pedro 5:10

A 'a yic 'oj lajwc cab'nec syal jab'oc tiempoal, ax Dios 'oj on̈ swach' tz'acb'tzoquec, 'oj swach' 'a'c qui te'nalec, yet' quipec. Caw 'oj on̈ smolc ta'. Yujto a Dios, man̈ jantcoc swach'c'ojlal tzyac' 'ayn̈ec. A on̈ 'awtnec 'och yico'oc, sec wach' a jun caw swach'il, a 'oj yac' 'ayn̈ec 'a jun 'ejmn̈ej, yujto junxn̈ej cajc yet' Jesucristo.

Mt 2:11

Yajn̈j wal cha, 'ix 'och eb' 'a yol jun n̈a cha, 'ix yiln eb' jun 'unn chi yet' snun, atn María. 'Ix 'em cumn eb' 'a jun 'unn cha, 'ix ya'n 'ejm sb'a eb' 'a 'a. Xlajw cha, 'ix sjacn eb' jun tzo'n̈ scaxa 'aj 'ay 'em jun tzo'n̈ siylab'. 'Ix siyn eb' oro 'a jun 'unn cha, 'ix siyn pax eb' jun tzo'n̈ te su'q'ui sjab' tzn̈usxi, atn incienso yet' te mirra.

Salmos 127:1

Toto man̈oc Jehová tzcolwj yet' eb' tzb'on junc n̈a, toto 'ixta', nab'an̈ej tzmunlj eb' tzb'on cha. Toto man̈oc tzcolwj yet' eb' tztan̈wni chon̈ab', toto 'ixta', tom 'ay jac yel'ch ewin tztan̈wni yol chon̈b' cha.

Job 42:12

'Ix ya'n pax Dios niwtjoc tas 'ay 'a Job, 'ec'b'al 'ix yutj ya'n pax 'icha xon tas 'ay 'a win 'a yic yalan̈. Yujto 'ix q'uexc'och sb'isl scalnelu win 'a chan̈lajn̈e mil, waque mil scameyo, jun mil mojn̈ smam swacax, jun mil no 'axna.

2 Cr 32:23

Yuj cha, caw niwn eb' nacion̈ xyij cot yofrenda 'a Jerusalén, yic tzya'n eb' 'a Jehová, xya'n pax eb' siylab' chan̈ stojl 'a Ezequías sreyl Judá. A yictax cha, caw niwn yel'ch x'aj 'a sat jun tzo'n̈ xo nacion̈.

A Ch'an̈ B'ab'el Libro Samuel 10:27

Palta 'ay jun tzo'n̈ 'anma tu snab'en 'ix yal eb' 'ixtic: ¿Tas wal 'oj yutc jun winc tic on̈ scolni? xchi eb'. Caw wal 'ix 'ijx 'ejm Saúl chi yuj eb', may tas siyj eb' 'a 'a, ax Saúl cha, may tas 'ix yala.

Salmos 68:29

A 'a atut chan̈ yajb't 'a Jerusalén, ata tzwul yac' eb' rey siylab' 'ayach.

Salmos 132:12

Toto yiclum tzyutj sb'a eb' onnal 'a in trato, yet' smasnil tas 'oj wal 'a eb', toto 'ixta', a junc eb' en̈tl 'oj 'ochx can a jelc 'a opiso, ax sb'ey jun 'opiso chi 'a yib'n̈ yunnal eb' b'aq'uin̈.

Salmos 76:11

Ca'c qui ti 'a Jehová qui Diosalec, palta tzca'n 'el'choc. E masnil ex nacion̈ oyn ex 'och 'a sla'nil schon̈ab', 'ijec cot eyofrenda 'a 'a, yujto smoj 'ay yel'ch 'a e sat.

Salmos 72:10

A eb' sreyl Tarsis, yet' eb' cajn 'a lum checl 'a snan̈l a mar, eb' sreyl Sabá, yet' pax eb' yic Seba, ya' cab' eb' siylab' yet' stojlb'al 'a win rey.

2 Cr 9:27

A 'a Jerusalén, a q'uen plata, 'icha xoj comn q'uen x'aj q'uen yuj win rey; ax te c'ute', 'icha xoj te calte'al higo x'aj te 'a span̈nil yich eb' lum witz.

2 Cr 1:15

Man̈ jantcoc q'uen plata, q'uen oro xyac' win syam sb'a 'a Jerusalén, 'icha xoj q'uen comn q'ue'en. A te c'ute', toxn̈ej jun'ec' te 'icha yaj te calte'al higo 'a span̈nil yich lum witz.

A Ch'an̈ B'ab'el Libro Yic Yab'ixal Eb' Rey 10:27

Man̈x jantcoc sb'isl q'uen plata smolb'tzej win rey 'a Jerusalén, 'icha xoj q'uen comn q'ue'en. Man̈x jantcoc pax te c'ute smolb'tzej winac, 'icha xoj te calte'al higo comn xoj 'ay 'a span̈nil yich lum witz.

A Ch'an̈ B'ab'el Libro Yic Yab'ixal Eb' Rey 10:25

Tzyij cot eb' siylab' 'a win 'a junjn ab'il: 'icha q'uen oro, q'uen plata, jun tzo'n̈ pichul, yamc'ab' yic owal, jun tzo'n̈ su'q'ui sjab', e no cawyu chej, yet' pax e no mula.

A Ch'an̈ B'ab'el Libro Yic Yab'ixal Eb' Rey 4:21

A Salomón yajl yaj 'a yib'n̈ smasnil jun tzo'n̈ chon̈b' cha, tzchaj cot 'a a Eufrates, masnto tzc'och 'a schon̈b' eb' filisteo, yet' 'a 'aj tzlajw c'och sti smacb'en yic Egipto. A smasnil jun tzo'n̈ eb' cha, 'ix ya'n̈j eb' stojlb'al 'a Salomón, 'ayn̈j 'och eb' 'a yaln̈ schecnb'il winac.

Gn 13:2

A Abram, caw rico, til wal oro 'a 'a, yet' plata, til wal no noc' cajb'il yu'uj.

Pr 16:12

A eb' rey, man̈ smojc sb'on eb' tas to man̈ tojloc, yujto a tojlal, a chi 'aych yipc yopiso eb'.