2 Cr 17:12 - Chuj San Sebastian Bible

¹² A Josafat, caw 'ix yij yip si'mb'il 'a yopiso. 'Ix sb'on chan̈ jun tzo'n̈ chon̈b' yet' smuroal 'a yol yic Judá, yet' jun tzo'n̈ 'aj tzmolx tas tzc'uxxi.

Chuj San Mateo Bible

¹² Icha val chi' ix aj yic'an yip yopisio vin̈aj Josafat chi'. Ix schecan vin̈ b'ochajq'ue juntzan̈ chon̈ab' tz'och smuroal d'a yol smacb'en Judá chi' yed' juntzan̈ chon̈ab' b'aj sic'chajcan tastac svaji.

2 Cr 17:12 Referans Kwoze

2 Cr 32:5

'Ix yac' Ezequías 'ip sb'on chan̈ smuroal chon̈b' 'aj mac'b'il 'ejm lan̈chjoc, yet' jun tzo'n̈ torre 'aj tztan̈wx chon̈ab', yet' junx muro 'a spatquil 'eli. Xya'n pax 'och yip muro 'aj ton̈j lan̈b'il 'a Schon̈b' David. An̈jtona', caw niwn jun tzo'n̈ espada yet' smacl sat jul-lab' sb'o'o.

2 Cr 27:4

An̈jtona', 'ix sb'o chan̈ jun tzo'n̈ chon̈b' 'a lum jolmctac witz 'a yol yic Judá, jun tzo'n̈ cuartel yet' jun tzo'n̈ torre 'a calte'.

2 Cr 18:1

A Josafat cha, caw 'ix niwtj sricoal, niwn yel'ch x'aji, ax 'ix yisl win Acab, sreyl chon̈b' Israel, a x'och yalb'oc.

1 Cr 29:25

'Ix 'ijx chan̈ sb'inab'ilal win yuj Jehová 'a sat smasnil eb' yit israelal, caw rico x'aj 'el'ch winac. Caw niwn x'aj 'el'ch 'a yopiso chi yu'uj, mant 'a xon junc sreyl chon̈b' Israel sb'inax 'icha rey Salomón tic.

Ex 1:11

Yuj cha, 'ix 'ajx 'och yilmal eb', x'ajx 'och eb' 'a munljel caw ya. 'Ix 'ajx sb'o eb' chab' niwc chon̈ab', atn Pitón yet' Ramesés. A 'a chab' chon̈b' cha, ata tzyac' win rey molxoc 'ixm trigo.

2 Cr 17:11

Locn pax eb' filisteo 'ix yij cot siylab' 'a Josafat, atn q'uen plata, 'icha to xyac' eb' q'uen stojlb'alc 'a Josafat. An̈jtona pax eb' árabe, 'ix yij cot eb' 7,700 no mam calnelu, 'ixta pax sb'isl no chiwo 'ix yij cot eb' 'a 'a.

2 Cr 17:13

Til wal tas tzc'uxx molb'il yuj 'a jun tzo'n̈ chon̈b' 'a yol yic Judá cha. 'Ay pax soldado caw jeln 'ayc' yuj 'a Jerusalén.

2 Cr 26:10

Sb'on pax jun tzo'n̈ cuartel chi 'a lum cusltac lu'um. Caw niwn jun tzo'n̈ c'ob'a sjoyo, yujto caw niwn scajb'en noc' 'ay 'a lum pan̈n 'a'lic, yet' pax 'a yich eb' lum witz. An̈jtona', caw 'ay eb' smunljum tzmunlj 'a 'awj uva, yet' 'a jun tzo'n̈ xo 'awb'ente 'ay 'a lum jolm witz. Caw wal pitz'n 'och 'a sc'ojl smunlji.