2 Cr 17:11 - Chuj San Sebastian Bible

¹¹ Locn pax eb' filisteo 'ix yij cot siylab' 'a Josafat, atn q'uen plata, 'icha to xyac' eb' q'uen stojlb'alc 'a Josafat. An̈jtona pax eb' árabe, 'ix yij cot eb' 7,700 no mam calnelu, 'ixta pax sb'isl no chiwo 'ix yij cot eb' 'a 'a.

Chuj San Mateo Bible

¹¹ Axo ix aji, ay eb' filisteo ix ic'ancot tas yic siej eb' d'a vin̈aj Josafat chi', ix yic'paxcot q'uen plata eb', icha q'uen tumin tz'ac'jioch d'a yib'an̈ eb' yac'ani. Yed' pax eb' árabe, ix yic'cot 7 mil 700 noc' ch'ac calnel eb', icha pax chi' sb'isul noc' chiva ix yic'cot eb'.

2 Cr 17:11 Referans Kwoze

2 Cr 26:8

'Ix yac' eb' amonita q'uen tojlb'al 'a Ozías. 'Ix c'och to yab'xil win 'a smon̈jon Egipto, yujto caw niwn tz'aj yijx chan̈ sb'inab'ilal.

2 Cr 9:14

Man̈ 'ayc 'och pax q'uen stojlb'al eb' chon̈wjum stz'acb'oc q'ue'en. An̈jtona yet' smasnil eb' sreyl Arabia yet' smasnil eb' gobernador 'a yol smacb'en chon̈b' Israel, tzyij cot eb' q'uen oro yet' q'uen plata 'a 'a.

A Ch'an̈ Schab'l Libro Samuel 8:2

An̈jtona', xya'n ganar David eb' moabita. Xya'n 'em n̈ojn eb' 'a sat lu'um, xlajw cha, xyechtan yet' jun ch'an̈ tz'echtan lu'um. A jantc mach tzcan 'a yojl chab' ch'an̈il, tzcham eb', ax eb' tzcan 'a yojl yoxl ch'an̈il, matz cham eb'. 'Ixta 'ajnc yochcn eb' moabita 'a yaln̈ schecnb'il David, x'ochcn eb' yac' stojlb'al 'a 'a.

2 Cr 17:5

Yuj cha, a Jehová 'ix wach' 'a'n yic' yip 'a yopiso. Smasnil eb' 'aj Judá cha, 'ix yac' eb' siylab' 'a Josafat, yuj cha, caw 'ix niwtj sricoal, caw niwn yel'ch x'aji.

A Ch'an̈ Schab'il Libro Yic Yab'ixal Eb' Rey 3:4

A win Mesá sreyl Moab, cajm calnelu win yet' smasnil eb' 'anma cajn 'a jun chon̈b' cha. Yowlal tzyac' win stojlb'al 'a win sreyl chon̈b' Israel, 100 mil no quelm calnelu, yet' slanail 100 mil no mam calnelu tzyac' a' junjn ab'il.

2 Cr 17:12

A Josafat, caw 'ix yij yip si'mb'il 'a yopiso. 'Ix sb'on chan̈ jun tzo'n̈ chon̈b' yet' smuroal 'a yol yic Judá, yet' jun tzo'n̈ 'aj tzmolx tas tzc'uxxi.

2 Cr 21:16

Xlajw cha, ax eb' filisteo yet' eb' árabe 'ay 'a stz'ey eb' 'aj Cus, caw 'ix yac' wal Jehová cot yowl eb' 'a Joram.

Is 13:20

Man̈x 'a b'a'n̈ 'oj cajxoc pax jun chon̈b' cha, man̈x 'a eb' 'anma 'oj c'ochx scaja'. 'Ixta pax eb' 'aj Arabia, man̈x b'a'n̈ 'oj 'ec' scaj eb' yet' scajb'en noc', man̈x xon b'a'n̈ 'oj 'ec' eb' 'ilm calnelu 'iljoc yet' scalnelu ta'.

A Ch'an̈ B'ab'el Libro Yic Yab'ixal Eb' Rey 5:1

A yic 'ix yab'n win Hiram sreyl Tiro, chajtlto a Salomón 'ix 'och reyl sjelc smam, 'ix schecn cot schecb' 'a 'a, yujto swach'c'ojl sb'a win yet' David.

2 Cr 9:24

A eb' tzjaw 'a junjn ab'il, 'ix yij cot eb' siylab' 'a 'a: 'Icha q'uen plata, oro, pichul, yamc'ab' yic owal, perjuma, no cawyu chej yet' no mula.

Ez 27:21

A smasnil eb' yajl yaj 'a chon̈b' Arabia yet' 'a chon̈b' Cedar, a tas xyac' eb' stojloc tas sman cha, atn no quelm calnelu, no mam calnelu yet' no mam chiwo.