2 Cr 15:1 - Chuj San Sebastian Bible

¹ 'Ay jun win Azarías sb'i, yunnal Obed, x'och Yespíritu Dios 'a 'a.

Chuj San Mateo Bible

¹ A jun vin̈ scuchan Azarías yuninal vin̈aj Obed, ix och Yespíritu Dios d'a vin̈,

2 Cr 15:1 Referans Kwoze

2 Cr 24:20

Xlajw cha, 'ix 'och Yespíritu Dios 'a Zacarías, yunnal Joiada. 'Ix q'ue lin̈n 'a yib'n̈ jun lugar chan̈ yaj cha'an̈. Xyaln 'a eb' chon̈b' 'ixtic: A Dios a tzaln 'ixtic: ¿Tas yuj matz eyiclj in checnb'il an Jehová in? ¿Tas yuj tze say cot yailal 'a eyib'an̈? In eyactj can an Jehová in tic, yuj cha, 'oj ex wactc can pax jun xo, xchi Dios, xchi Zacarías 'a eb'.

2 Cr 20:14

A yic yamn smasnil eb' chon̈b' cha, 'ix 'och Yespíritu Jehová 'a jun levita yin̈tl Asaf, atn Jahaziel, yunnal Zacarías, yixchicn Benaías win yunnal Jeiel, yixchicn Matanías.

Nm 24:2

Ax xyiln 'at Balaam to latz'mtac yaj scamplamento junjn 'in̈tal eb' israel, yuj cha, 'ix 'och Yespíritu Dios 'a 'a.

Jueces 3:10

Ax Yespíritu Jehová x'och 'a Otoniel, sjucb'tzan eb' yit israelal cha, xya'n owal. A Jehová a x'och yet' eb', x'ajx eb' 'ajc'ojl chi 'a yol sc'ab'. 'Ix lajw 'el eb' yu'uj.

A Schab'il Carta San Pedro 1:21

Yujto a eb' cha, may junc mun snajnac eb' 'a sjolom, stz'ib'n can eb'. Palta atn Dios si'jnac 'el eb'. Ax Yespíritu 'a'jnac nachjc 'el yuj eb', chajtl yutjnac eb' yaln can 'el spaxti cha, stz'ib'n can eb'.

A Ch'an̈ Schab'l Libro Samuel 23:2

A Yespíritu Jehová a xpaxtin 'el 'ayin; a spaxti 'ayc' 'a yol in ti'.

Nm 11:26

'Ay chawn̈ eb' winc 'aych sb'isloc eb' 70 cha, jun win tzcuch Eldad, ax junx win tzcuch Medad. A eb' chawn̈ cha, ma'ix c'och eb' 'a 'aj 'ay scajnub' Dios, 'ix can eb' 'a camplamento, palta locn eb' 'ix chan jun espíritu cha. 'Ix syamn 'och eb' spaxtin 'icha junc schecb' Dios 'a camplamento cha.

2 Cr 14:15

An̈jtona', 'ix 'och pax eb' 'a 'aj 'ay no cajb'il noc'. Til wal no calnelu, no cameyo 'ix yij eb'. 'Ixta to b'i'an 'ix paxt eb' 'a Jerusalén.