2 Cr 14:13 - Chuj San Sebastian Bible

¹³ Ax Asa, yet' eb' soldado 'ix 'at eb' 'a spatquil eb', masnto 'a Gerar. X'ajx ganar eb' etíope cha, man̈x 'a jac tas xcan 'a eb'. Man̈x 'ic stac' ste'wtzan sb'a eb' 'a sat Jehová yet' 'a sat eb' soldado, yujto c'uxn xyijcan 'ec' eb' soldado Asa tastc 'ay 'a eb'.

Chuj San Mateo Bible

¹³ Ix b'at vin̈aj Asa chi' yed' eb' soldado d'a spatic eb', masanto ix c'och eb' d'a Gerar. Ix ac'ji ganar masanil eb' etíope chi', man̈xa junoc eb' ix cani, majxo yal-laj stec'b'an sb'a eb' d'a yichan̈ Jehová yed' d'a eb' soldado. Pilan ix yiq'uec' masanil tastac yed'nac eb' ajc'ol eb' soldado vin̈aj Asa chi'.

2 Cr 14:13 Referans Kwoze

Gn 26:1

A 'a yic jun tiempoal cha, 'ix jaw jun niwquil wejl 'a jun lugar cha, 'icha ya'jnac 'a stiempoal win Abraham. Yuj cha, x'atcn Isaac 'a yol yic Gerar, 'a 'aj 'ayc' win Abimelec sreyl eb' filisteo.

Gn 20:1

'Ix 'elx win Abraham 'a lum yic Mamre, 'ix 'atcn 'a yol yic Neguev, 'a jun chon̈b' tzcuch Gerar, ata 'ay 'a snan̈l Cades yet' Shur.

2 Cr 14:14

An̈jtona', 'ix ya'n pax eb' owl yet' jun tzo'n̈ chon̈b' 'ay 'a stz'ey Gerar cha, 'ix jaw xiwc'ojlal 'a scal eb' yuj Jehová. C'uxn 'ix yij 'at eb' yic Judá chi smasnil tastc 'ay 'a jun tzo'n̈ chon̈b' cha, yujto man̈x yalnb'ilc ricoal 'ay 'a 'a.

2 Ts 1:9

A eb' cha, 'oj 'atcn eb' 'a yailal 'a jun 'ejmn̈ej. 'Oj xutxoc can 'el eb' 'a stz'ey Cajlilec, sec man̈x 'oj yil eb' swach'il yet' spoder.

Salmos 108:11

Ach qui Diosal on̈, sta'n̈j o'oj, palta 'in to on̈ a patquilj can 'el on̈; yuj cha, man̈xtoc ach colwj yet' eb' qui soldado on̈.

Job 9:4

A Dios caw wal 'ay sjelnal, caw niwn yel'ch yet' tas tztac' yu'uj. Q'uinloc tzqui te'wtzej qui b'a 'a yojltac, ¿tom tztechj cujec 'a 'a?

Job 6:9

Comnoc tz'el 'a sc'ojl in ya'n lajwoc sec tzin sat 'ejmi.

1 Cr 12:22

Junjn c'u tzq'uib' sb'isl eb' soldado David, masnto caw niwn 'ix 'aj sb'isl eb', caw 'ay yip eb' si'mb'il.

A Ch'an̈ B'ab'el Libro Samuel 25:28

Tza'n niwnc'ojlal 'a wib'n̈ yuj in paltail. Wal yel a Jehová 'oj 'ochn̈j et' 'a opiso, yet' eb' en̈til, 'ilt nab'an, to yuj Jehová tza'n owl tic 'a smasnil tiempo, may cab' b'a'n̈ tu tas tza b'o'o.

Josué 5:14

Ax jun winc cha, 'ix ta'w 'a Josué 'ixtic: —Ma'ay, an tic tzin jaw in jucb'tzoc eb' soldado Jehová, xchi. A yic xyab'n Josué to 'ixta yaj jun winc cha, 'ix 'em n̈ojnjoc 'a sat lu'um, 'ix yaln 'ixtc 'a 'a: —¿Mamin, tas tza nib'j tzin b'o an a checb' in tic? xchi.

Gn 10:1

A jun tic yab'xil eb' yunnal Noé, atn sb'i eb' tic: Sem, Cam yet' Jafet. Yic 'ix lajw 'ec' niwquil owl yaxn̈ab', 'ix laj 'alj yunnal eb'.

2 Cr 12:3

'Ix jaw yet' mil 200 caruaje yic owal, 60 mil soldado 'ay q'ue 'a yib'n̈ chej, yet' nan̈l xo soldado to man̈xtzac stac' sb'isxi, atn eb' xcot yet' 'a Egipto, 'a Libia, 'a Suka, yet' pax 'a Etiopía.

2 Cr 15:11

A 'a jun c'u cha, 'ix yac' eb' xajmb'al 'a Jehová, uque ciente no mam wacax, uque pax mil no calnelu, atn no xit' yi'cn 'ec' eb' 'a eb' 'ajc'ojl cha.

Gn 35:5

A yic x'elt eb' 'a jun lugar cha, a Dios x'a'n xiwc'ojlal 'a yib'n̈ smasnil eb' chon̈b' 'ayc' 'a stz'ey eb' cha, yuj cha, may eb' 'anma xpechn eb'.

2 Cr 17:10

Yuj cha, a smasnil jun tzo'n̈ chon̈b' 'ay 'a sla'nil Judá, caw 'ix xiw eb' 'a Jehová, man̈xtoc x'och eb' 'a owl yet' Josafat.

2 Cr 20:29

A yic 'ix 'ab'xi to a Jehová x'a'n owl yet' eb' 'ajc'ojl yajch 'a eb' israel, caw 'ix xiw smasnil jun tzo'n̈ xo nacion̈ 'a Dios cha.