2 Cr 14:10 - Chuj San Sebastian Bible

¹⁰ Xlajw cha, 'ix 'elt rey Asa yic tzchan sb'a yet'oc, axta xc'och yet' eb' soldado yac' owl yet' Zera chi 'a lum pan̈n 'a'lic Sefata, 'a sla'nil Maresa cha.

Chuj San Mateo Bible

¹⁰ Ix b'at vin̈aj rey Asa chi', ix schalan sb'a vin̈ yed' eb' d'a lum pan̈an yic Sefata d'a slac'anil Maresa chi'. Ata' ix c'och vin̈ yac' oval yed' vin̈aj Zera chi'.

2 Cr 14:10 Referans Kwoze

Jueces 1:17

'Ixta 'ix 'aj s'atcn eb' yin̈tl Judá, yet' eb' yin̈tl Simeón, 'ix ya'n eb' owl yet' eb' cananeo cajn 'a Sefat. C'uxn satl eb' jun chon̈b' chi smasnil. Yuj cha, xya'n can eb' scuch jun chon̈b' chi Horma.

2 Cr 14:9

'Ix cot Zera sreyl Etiopía yac' owl yet' eb'. 'Ix jaw eb' 'a chon̈b' Maresa, jun miyon̈ soldado ajun yet'oc, yet' 'oxe ciente caruaje yic owal.

2 Cr 14:11

'Ix yaln sb'a Asa 'a Jehová sDiosal, xyaln 'ixtic: Mamin Jehová, ach tic caw lajnn̈ej tzotj a colwj 'a mach tec'an yet' 'a mach may wal ste'nal. Yuj wal cha, colwjan̈ quet' ach Jehová qui Diosal on̈, yujto 'ix ca'ch wal qui c'ojl 'ayach. A yet' a poder tzon̈ jaw cac' owl yet' jun tzo'n̈ soldado tic. Mamin Jehová, ach tic qui Diosal ach on̈, ch'oxo chajtlto may junc mach tztac' ste'wtzan sb'a 'a a sat, xchi.

Dt 20:1

A yic tzex 'el eyac' owl yet' junc chon̈b' 'ajc'ojl yajch 'ayex, toto 'ec'b'al sb'isl soldado eb' chi 'a yib'n̈ eb' eyic ax tic, til wal schej eb', til wal scaruaje eb' yic owal, palta man̈ ex xiw xon yuj eb', yujto a Jehová qui Diosalec a 'aych eyet'oc, atn jun on̈ 'i'nec 'elt 'a Egipto.

A Ch'an̈ B'ab'el Libro Samuel 14:6

Xyaln Jonatán 'a win 'et'jnac syamc'ab' yic owl chi 'ixtic: —Cotan̈, 'e'con̈ 'a junx c'axp 'ec' cha, ax qui c'och 'a 'aj 'ay yet'l eb' chuc schon̈b' cha. Toq'ue 'oj colwjoc Jehová quet'oc, yujto a Jehová, may yajltacl on̈ scolni, wach'xam niwn qui b'eyi, mto jaywn̈ej qui b'eyi, xchi.

A Ch'an̈ B'ab'el Libro Samuel 17:45

'Ix ta'w David 'a win 'ixtic: —Ach tic, tzach cot 'ayn yet' espada, yet' a lanza yet' pax a cotc lanza, yic tzwul a'nc owl wet'oc, palta an xo tic, tzin 'at wac' owl et' 'a sb'i Jehová jun tzta'n̈j yuj smasnil, atn jun qui Diosal an̈ soldado Israel on̈ tic on̈, atn 'aj ach b'uchwji.

2 Cr 13:18

Yuj cha, caw 'emmquilal xoj xyutj sb'a eb' israel 'a yic jun tiempoal cha. A eb' yic Judá caw xyac' ganar eb' 'a yib'n̈ eb' cha, yujto xya'ch eb' sc'ojl wal 'a Jehová, atn sDiosal eb' yet' eb' smam yicham.

2 Cr 26:7

A Dios 'ix colwj yet'oc, yic 'ix ya'n owl yet' eb' filisteo yet' eb' árabe cajn 'a Gur-baal, yet' eb' amonita.

2 Cr 32:8

A win cha, a eb' soldado 'aych yipc sc'ojol, palta an̈ec xo tic, a Jehová qui Diosalec, a 'aych quet'ec. A 'oj colwjc quet'ec yic 'oj ca'nec owl cha, xchi 'a eb'. Ax eb' chon̈b' cha, caw x'och ste'nal eb' yic xyab'n eb' tas xyal rey Ezequías cha.

2 Cr 32:20

Yuj jun tzo'n̈ paxti cha, yuj cha, 'ix leslwi rey Ezequías, yet' Isaías schecb' Dios, yunnal Amós, yic tzc'ann eb' scolwal Jehová 'a satcha'an̈.

Salmos 9:20

'A'cn 'och eb' 'a xiwc'ojlal, tza'n yojcoc 'el eb' chajtlto nab'a 'anman̈ej eb'.

Salmos 31:15

A 'a yol a c'ab', ata 'ay in q'uinal; coln 'el 'a eb' 'ajc'ojl yajch 'ayin, yujto tzin spech b'eyc'oc eb'.