2 Cr 13:9 - Chuj San Sebastian Bible

⁹ 'In xe pechl pax eb' ya'mal 'och sti eb' 'anma 'a Jehová, atn eb' yin̈tl can Aarón yet' eb' levita, 'in xe si'cn pax 'och eb' tz'och ya'malc 'och e ti 'a jun tzo'n̈ e comn diosal 'a yol eyico', 'icha tzb'eylb'ej jun tzo'n̈ xo nacion̈. Tzann̈j mach tzjaw yet' junc quelm wacax, yet' ucwn̈oc no mam calnelu, a xe ya'cn 'och ya'malc 'och e ti 'a jun tzo'n̈ e diosal cha, palta a jun tzo'n̈ cha, man̈ diosoc eb'.

Chuj San Mateo Bible

⁹ Ix e pechpaxel eb' sacerdote yic Jehová, eb' yin̈tilal vin̈aj Aarón yed' eb' levita. Ix e comon sic'anoch eb' sacerdote icha sb'eyb'al juntzan̈xo ch'oc nacional. Yaln̈ej mach sjavi yed' junoc noc' quelem vacax yed' ucvan̈oc noc' ch'ac calnel, a jun chi' tz'ochcan sacerdoteal d'a juntzan̈ e diosal man̈ diosoc chi'.

2 Cr 13:9 Referans Kwoze

Jeremías 2:11

Tom 'ay junc nacion̈ tox 'ix 'actn can sdiosal, wach'xam a sdiosal cha, man̈ caw Diosoc. Ax xo ax in chon̈b' ex tic, in eyactj cani, ex 'och tza'n yuj jun tzo'n̈ comn dios, wach'xam to tzex b'inax cob' wu'uj.

Ex 29:35

Atn smasnil jun tzo'n̈ chi tza b'o 'a Aarón yet' pax 'a eb' yunnal, 'icha wal tzwutj waln 'aych tic, 'ixta wal tzotej. Uque c'u tzyi'aj, yic tzchan can eb' yopiso cha.

Gl 4:8

A 'a yic yalan̈, mant eyojcoc Dios. Eya'jnac servil jun tzo'n̈ cob' eyaljnac e diosaloc, palta man̈ diosoc eb'.

A Tas Sc'ulejnac Eb' Schecab' Jesús Hechos 19:26

Palta 'in tzeyila, tzeyab'n paxi, tas wan sb'on win Pablo. Tzyaln winac, chajtlto a jun tzo'n̈ dios b'ob'il yuj 'anma', man̈ diosoc. Til wal 'anma xyac' win sc'ojloc. Man̈ cojnoc 'a Efeso tic, palta quenxn̈ej ma'ix 'ajx sc'ojloc smasnil eb' 'aj Asia yuj winac.

Os 8:6

A jun yechl wacx cha, man̈ Diosoc. 'Anma b'ojnac, yuj cha, choc' 'oj 'ajx cani.

Jeremías 5:7

Yuj cha, tzyaln Jehová 'ixtic: ¿Tas to wal 'oj wutc wa'n niwnc'ojlal 'ayex? A eb' eyunnal, caw in yactj can eb', tzb'inan eb' jun tzo'n̈ sdiosal to man̈ diosoc. 'Ix wac' b'ut'joc eb' si'mb'il, palta ma'ix syiclj eb' 'ayin. An̈ja sb'on eb' 'ajmulal, axn̈ej 'a yatut eb' 'ix 'ajmul 'ix tzlaj syam sb'a eb'.

1 Cr 29:5

yet' 'a tzann̈j munljel 'oj sb'o eb' munljum 'a q'uen oro mto 'a q'uen plata. Ax ticnec jun, mach ex wal tz'el 'a e c'ojl eya'n eyofrenda 'a Jehová ticnec, tztac' eya'ni, xchi win rey.

A Ch'an̈ Schab'il Libro Yic Yab'ixal Eb' Rey 19:18

Tz'anc sdiosal eb', yujto wal yel man̈ diosoc jun tzo'n̈ cha. 'Anma b'ojnac, te eb', q'uen eb'. Yuj cha, xtechj satn 'el ewin eb'.

A Ch'an̈ B'ab'el Libro Yic Yab'ixal Eb' Rey 13:33

Wach'xam 'ix uj smasnil jun tzo'n̈ tic, a win rey Jeroboam ma'ix yactj can win smasnil stu b'eyb'al. A yic winac, to 'ix si'x 'och win jun tzo'n̈ eb' comn 'anma ya'malc 'och sti eb' 'a scomn diosal. Tzann̈j mach tznib'j tz'och ya'malc 'och sti eb' cha, tzya'n̈j 'och win yopiso eb' 'a jun tzo'n̈ 'ay 'a jolmctac witz cha.

Dt 32:17

'Oj eyac' e xajmb'al 'a eb' demonio, 'a eb' comn dios to man̈ eyojcoc xon 'a yic yaln̈taxi, atn jun tzo'n̈ yechl comn dios tot b'ob'il, tzat checlj cha'an̈, jun tzo'n̈ to man̈ 'ojcab'ilc xon yuj eb' qui mam quichmec.

Lv 16:32

Yuj cha, a yic 'oj cham win sat ya'mal 'och sti eb' 'anma cha, a junc yunnal, a 'oj 'ochx can sjeloc. 'Oj q'ue aceite 'a sjolom, ax ya'n junc xajmb'al yuj yochcn 'a yopiso cha, ax ya'n 'och te pichl lino, te ya'ilb'il yaj sb'o'i.

Lv 8:2

'Ij cot Aarón yet' eb' yunnal, tze'n pax cot spichl eb' tzya'ch 'a yic tzyiln yopiso ya'malc 'och sti eb' 'anma 'ayin, yet' pax perjuma tzc'anlb'ax 'a yic tzsi'x can 'och eb' 'a yopiso cha. Tze'n cot pax junc no quelm wacx 'oj 'ajxoc xajmb'al-l yuj yajx lajwc mul, chawn̈oc no calnelu, yet' junc yune xuc 'ixm pan may yich.

Ex 32:29

Xlajw cha, 'ix yaln Moisés 'a eb' levita chi 'ixtic: —A ticnec, tze chaj can eyopiso 'a yojltac Jehová, yujto ex meltzj 'och 'a eb' eyunnal, 'a eb' eyu'tac, sec 'oj yac' Dios syaxilal 'a eyib'an̈, xchi Moisés chi 'a eb'.

Ex 29:1

'Ix yaln pax Jehová 'ixtic: A yic 'oj 'ochcn Aarón yet' eb' yunnal ya'malc 'och sti eb' 'anma chi 'ayin, atn jun tzo'n̈ tic 'oj a b'o yet' eb': Tzej cot junc no quelm wacax yet' chawn̈oc no mam calnelu may spaltail.

Ex 29:29

A spichl Aarón tzya'ch yuj yopiso, 'oj cann̈j jun tzo'n̈ chi 'a eb' yin̈tl b'aq'uin̈. 'Oj yico'oc junc yin̈tl cha, atn junc eb' 'oj 'och sjelc ya'malc 'och sti eb' 'anma 'ayin.

2 Cr 13:10

Palta an̈ xo tic on̈, a Jehová qui Diosal on̈, may xon 'aj 'ix cactj can on̈. A jun tzo'n̈ eb' ya'mal 'och qui ti tz'a'n servil Jehová, atn eb' yin̈tl Aarón. Ax eb' tzcolwj yet' eb', atn eb' levita.

2 Cr 29:31

Xlajw cha, xyaln Ezequías 'ixtc 'a eb' chon̈ab': A ticnec tox xe sacb'tzej e b'a 'a yojltac Jehová. Yuj cha, cotn̈ec, 'ijec cot e xajmb'al yet' e yofrenda 'a yatut Jehová, yuj eyaln yuj diosal 'a 'a, xchi 'a eb'. Xlajw cha, xyi'n cot smasnil eb' chon̈b' xajmb'al, yet' yofrenda yuj yaln eb' yuj diosal 'a Dios. Ax smasnil eb' to tz'el wal 'a sc'ojl ya'n yico', 'ix yac' eb' no xajmb'al to tz'a smasnil.