2 Cr 13:7 - Chuj San Sebastian Bible

⁷ 'Ix ya'ch sb'a jun tzo'n̈ winc 'isj yet'oc, tu snab'en eb'. 'Ix yac' eb' owl yet' Roboam, yunnal Salomón, yujto a Roboam cha, to quelm 'unn to, mant 'a wal snab'en. Yuj cha, mantzac stac' ste'wtzan sb'a 'a sat eb'.

Chuj San Mateo Bible

⁷ Ix yac'anoch sb'a juntzan̈ jaragana vinac chuc spensar yed' vin̈, ix yac'an oval vin̈ yed' vin̈aj Roboam yuninal vin̈aj Salomón. Yujto unin vinacto vin̈aj Roboam chi', manta val spensar vin̈, yuj chi' maj yal stec'b'an sb'a vin̈ d'a yichan̈ eb'.

2 Cr 13:7 Referans Kwoze

2 Cr 12:13

A yic schan 'el yich ya'n reyal, 41 ab'il sq'uinal. Uclajn̈e ab'il 'ix yac' reyl 'a Jerusalén, atn jun chon̈b' sic'b'il 'el yuj Jehová 'a yol smacb'en Israel, yic tz'och eb' 'anma 'emmquilal 'a 'a. A snun Roboam cha, tzcuch Naama, amonita 'ix.

Jueces 9:4

'Ix yi'n 'elt eb' 70 q'uen tumn plata molb'il 'a yol yatutal jun comn dios tzcuch Baal-berit, xya'n eb' 'a Abimelec cha. Ax yet' jun tzo'n̈ tumn cha, a 'ix yac' stojloc jun tzo'n̈ eb' ma'm cham 'anma', sec tz'at eb' yet'oc.

A Ch'an̈ Carta D'a Eb' Hebreo 5:12

'In 'ayx stiempoal eya'n 'och 'a e c'ojol. Smoj to cuywjumx xo ticnec. Palta an̈j jun tzo'n̈ b'ab'l cuynb'il yic Dios, yowlal an̈ja tzat alx 'ayex. Mant 'a e te'nal, lajn ex 'icha junc tz'ulc 'unn tzat chuwi, mant 'a jac tas tzc'uxu.

Tito 1:10

Yujto til wal eb' an̈ja tenmtac tzyutj sb'a. Ton̈j tzcomn alj eb' jun tzo'n̈ tas may yel'chi. Caw tzsomchj pax 'el nan̈locx eb' yuj eb'. A wal eb' creyente israel, til wal eb' 'ixta to tzyutj sb'a.

1 Co 14:20

Ex wu'tac, ex wanab', man̈ 'icha'oc eb' 'unin, man̈ 'ichcta tzeyutj e b'a e nan jun tzo'n̈ tic. Ax e b'eyb'al, comnoc 'icha eb' cotc 'unin, may 'aj tzb'o eb' maysch'olnil, 'ichcta tzeyutj e b'a. Ax e nab'en, caw te'n tzeyutej, yujto man̈ ex 'unnoc.

A Tas Sc'ulejnac Eb' Schecab' Jesús Hechos 17:5

Palta 'ay pax eb' israel ma'ix ya'ch 'a sc'ojol. Yic 'ix yiln eb', caw xcot yowl eb'. 'Ix ya'n eb' syam sb'a jun tzo'n̈ ewin maysch'olnil snab'en. A ewin cha, ton̈j tz'ec' ewin sayc' maysch'olnil 'a caye. Xlajw ya'n eb' sc'ojloc ewinac, 'ix ya'n eb' syam sb'a eb' chon̈b' smasnil. 'Ix ya'n eb' q'ue somnjoc eb' 'anma chi yowxi. Xlajw cha, xya'n ewin yip yecn 'och sb'a 'a yol yatut win Jasón, yujto a snan ewinac, to ata 'ayc' Pablo yet' Silas. 'Ix snib'j ewin yic' 'elt eb', tzya'n 'elt ewin eb' 'a sat eb' chon̈ab'.

Is 3:4

Ax eb' quelmtac 'unin, a eb' 'oj 'och yajlil 'a e cal; a eb' 'oj eya'n mandar.

Ec 10:16

'Oltac wal junc nacion̈ to quelm 'unn junc tzya'ch sreyloc, ax eb' yichmtac wincal chon̈ab', an̈j 'a 'aj 'ay q'uin̈ ata tzq'uin̈lb'i 'el eb'.

Pr 28:19

A mach tzmunlj 'a slu'um, caw tzyac' sobra tas tzc'uxu; ax junc ton̈j tz'och tza'n yuj tas may yel'chi, 'oj yab' syal meb'a'il.

Pr 12:11

Toto tzon̈ munljec 'a sat qui lu'um, caw 'ay tas tzqui c'uxec; ax toto cojn 'a tas may jac yel'chi, an̈jta tz'ec' tiempo cujec, to 'ixta', caw may qui nab'enec.

Salmos 26:4

May 'ajtil jun wec' yet' eb' 'ixtm 'anma', may pax 'ajtil jun wec' yet' eb' chab'satl yaji.

Job 30:8

A jun tzo'n̈ 'anma cha, may xon jac tztac' yuj eb', quistal 'anma smam eb', pechb'il 'el eb' 'a scal yit 'anma'il.

A Ch'an̈ B'ab'el Libro Yic Yab'ixal Eb' Rey 21:13

Xlajw cha, 'ix c'och chawn̈ winc tu snab'en 'a Nabot, 'ix yaln eb' 'ixtc 'a eb' 'anma cha: A win Nabot tic, xb'uchwj win 'a Dios yet' 'a win rey, xchi eb'. Yuj cha, 'ix yi'n 'el eb' 'anma chi win 'a sti 'el chon̈ab', sjulq'uenan eb' winac, axta xchamcn win ta'.

A Ch'an̈ B'ab'el Libro Yic Yab'ixal Eb' Rey 21:10

Tze sayn chawn̈oc winc tu snab'en tzte'wtzej sb'a ya'n testigoal sb'a 'a yojltac, tzyaln eb' 'ixtc 'a 'a: Ach tic, ach b'uchwj 'a Dios yet' 'a win rey, xchi cab' eb' 'a 'a. Tzlajw cha, tzeyi'n 'el win 'a sti 'el chon̈ab', axta tzjul q'uenax winac, sec tzcham ta', xchi ch'an̈ carta cha.

A Ch'an̈ B'ab'el Libro Samuel 22:2

Smasnil eb' caw tz'ixtxi, eb' 'ay sb'oc, yet' eb' 'ay schab'c'ojlal, c'uxn xc'och eb' yet'oc, ax 'ix 'och syajlilc eb'. A sb'isl eb', 'aym chan̈e'oc ciente eb'.

Jueces 11:3

Yuj cha, 'ix 'at win Jefté 'elc 'a ewin yu'tac cha, axta xc'och cajn 'a yol yic Tob. Ax 'a jun lugar cha, ata smolb'tzej jun tzo'n̈ ewin 'isaj, caw tu tas tzb'o eb'. Junn̈j xyutj sb'a yet' ewinac, a win x'och syajlilc eb'.

Dt 13:13

toto ata tzyij chan̈ sb'a eb' tenmtac 'a Dios, tzjucb'tzan eb' 'anma chi 'a maysch'olnil yic tzya'n 'ejm sb'a eb' 'a jun tzo'n̈ comn dios man̈ 'ojcab'iloc,

A Ch'an̈ Schab'l Libro Samuel 3:39

Yuj cha, wach'xam a Dios in si'n 'och reyal, palta caw wal may wip tzwab'i, yuj stu nab'enal eb' yune 'ix Sarvia. A cab' Jehová 'oj 'a'nc spac 'a jun mach x'och smul tic, xchi David.