2 Cr 13:5 - Chuj San Sebastian Bible

⁵ ¿Tom man̈ eyojcoc to a Jehová qui Diosalec an̈ israel on̈c tic, xya'ch yopiso David yet' eb' yin̈tl b'aq'uin̈, yic tzya'n reyl 'a quib'n̈ec an̈ israel on̈c tic 'a smasnil tiempo, jun trato to matz tac' sjelxi?

Chuj San Mateo Bible

⁵ ¿Tom man̈ eyojtacoc to a Jehová co Diosal a on̈ israel on̈ tic ix ac'ancan jun opisio tic d'a vin̈aj David yed' d'a eb' yin̈tilal d'a juneln̈ej, yic syac'an reyal, jun trato max yal-laj sq'uexchaji?

2 Cr 13:5 Referans Kwoze

Nm 18:19

Smasnil ofrenda tzyac' eb' eyit chon̈b' wico'oc an Jehová in, an tzwac' pax 'ayach, 'a eb' onnal, 'a eb' esil yet' 'a smasnil eb' 'ayc' et'oc. A jun tic ley tz'ajcn 'ayx 'a smasnil tiempo. A jun trato tic, may tz'aj sjelmj 'a jun 'ejmn̈ej, yujto an tzin b'o et'oc yet' pax 'a smasnil en̈til, xchi Dios.

Lv 2:13

A smasnil ofrenda tz'ijx 'el 'a 'ixm sat trigo mto 'ixm cebada, yowlal tz'em yatz'mil. May junc ofrenda chi matz 'em yatz'mil, yujto a tzch'oxn cot in trato in b'ojnac eyet' an e Diosal in tic.

A Ch'an̈ B'ab'el Libro Yic Yab'ixal Eb' Rey 8:20

A ticnec jun, 'ix yac' 'el'choc Jehová tas yaljnac can yet' sti'. An in 'ochx can sjelc in mam, in 'ochcn e reyloc, yuj cha, xin b'on jun yatut Jehová qui Diosalec, sec a 'a tic tz'och 'emmquilal 'a 'a.

Ez 43:24

Tza'n 'ajxoc tz'a 'a wojltac an Jehová in, tzac' ya'ch eb' ya'mal 'och sti eb' 'anma chi yatz'mil e no', tzlajw cha, tzya'n eb' tz'a 'a wojltac.

1 Cr 17:14

An 'oj wa'xcan 'och en̈tl a jelc reyl 'a yib'n̈ in chon̈b' 'a smasnil tiempo, xchi Dios, xa chi 'a 'a, xchi Dios 'a win Natán.

1 Cr 17:11

A yic 'oj lajwc c'och a q'uinal, yic 'oj a chami, an 'oj wa'ch junc eb' onnal reyl a jeloc, ax wa'n yic' yip yopiso cha.

Dn 5:18

Mamin rey, a jun Dios cojxn niwn yel'chi, a x'a'n 'och yopiso a mam 'ichm Nabucodonosor, sec niwn yel'ch yet' sjelnal, yic tzb'inaxi.

Jeremías 33:26

An̈jtona may b'a'n̈ 'oj jelmjoc jun in trato yet' eb' yin̈tl Jacob, yet' eb' yin̈tl win in checb' David. Yowlal 'oj in sic' 'elt junc yin̈tl David cha, ax ya'n yajlil 'a yib'n̈ eb' yin̈tl Abraham, Isaac, yet' Jacob. Yujto caw tz'o'chn̈ej in c'ojl 'a eb', yuj cha, 'oj wi'xq'ue'ch eb' jun 'ejm xo, xchi Dios.

Pr 1:29

yujto tze patquilj can 'el jelnal, matz e nib'j to 'ay wel'ch an Jehová in 'a e sat.

Nehemías 5:9

Xwaln pax jun 'ejm xo 'a eb' 'ixtic: A jun tas wan e b'on tic man̈ wach'oc. Smoj to tze ch'oxli to niwn yel'ch qui Diosalec 'a e sat, sec wach' man̈xtzac b'uchwj jun tzo'n̈ nacion̈ 'ajc'ojl yajch 'ayn̈ec.

A Ch'an̈ B'ab'el Libro Samuel 16:12

Yuj cha, x'at ya'nc Isaí 'at 'awtxoc cot junx win cha. A win cha chacchin yilxi, caw wach' yilx yol sat, caw wach'n̈j yilx 'och sniwnal. Ax yic xjaw winac, xyaln Jehová 'a Samuel 'ixtic: —Atn win tic; 'ac' q'ue aceite 'a sjolm winac, xchi.

A Ch'an̈ B'ab'el Libro Samuel 16:1

'Ix yaln Jehová 'a Samuel 'ixtic: —¿B'a'n̈to 'oj och wan oc' yuj Saúl? Man̈xtzac in nib'j to an̈ja 'aych win reyl 'a chon̈b' Israel. A ticnec 'ac' b'ut'joc no sch'ac calnelu yet' aceite. Tzlajw cha, tzach 'at 'a yatut win Isaí win 'aj Belén, yujto a 'a scal eb' yunnal, ata 'ay jun xin sic' 'elt 'oj 'ochx can reyl sjelc winac, xchi.

A Schab'il Carta San Pedro 3:5

Palta a eb' tzaln chi 'ixta', matz nib'j eb' tzna coti, tas 'ajnc yolyib'n̈q'uinl tic 'a pecti cha. Yujn̈ej tas yaljnac Dios, 'ix b'o satcha'an̈, yet' sat lum tic. 'Ix laj checlj lum lum 'a snan̈l a a'. Yuj a a cha, wach' yaj sat lum lum tic.

A Ch'an̈ Schab'l Libro Samuel 10:13

'Ix 'at Joab yet' eb' soldado, xya'n eb' owl yet' eb' soldado sirio cha, palta ax x'aji, 'ix 'at eb' sirio chi 'elc yuj Joab.

2 Cr 6:16

Yuj cha Mamin Jehová, ach qui Diosal on̈, 'el'ch cab' pax tas a ta'wjnac 'a jun a checb' David, yic alni to 'ayn̈j eb' yin̈tl 'oj 'och 'a sdespacho yic tzya'n yajlil 'a yib'n̈ chon̈b' Israel, cojn toto yiclum 'oj yutc sb'a eb' 'ayach, 'icha wal yutjnac sb'a in mam.