2 Cr 13:2 - Chuj San Sebastian Bible

² 'Oxe ab'il 'ix yac' reyl 'a Jerusalén. Micaías sb'i snun, yisl Uriel 'aj Gabaa. 'Ix 'och Abiam 'a owl yet' Jeroboam cha.

Chuj San Mateo Bible

² Oxe' ab'il ix yac' reyal vin̈ d'a Jerusalén. Micaías sb'i ix snun vin̈, yisil ix vin̈aj Uriel aj Gabaa. Ix yac' oval vin̈aj Abías chi' yed' vin̈aj Jeroboam.

2 Cr 13:2 Referans Kwoze

2 Cr 11:20

Xlajw cha, xyi'n pax win 'ix Maaca yisl Absalón. A eb' yunnal win yet' 'ix, atn Abiam, Atai, Ziza yet' Selomit.

A Ch'an̈ B'ab'el Libro Yic Yab'ixal Eb' Rey 15:2

'Oxe ab'il xyac' win reyl 'a Jerusalén, Maaca sb'i 'ix snun winac, yisl can win Absalón 'ix.

A Ch'an̈ B'ab'el Libro Samuel 10:26

'Ixta pax Saúl, 'ix paxx can 'a yatut 'a Gabaa. Ax Dios 'ix 'a'n jawc 'a snab'en jun tzo'n̈ winc caw jeln ya'n owal, yuj cha, 'ix 'at eb' yet' Saúl 'a yatut.

Jueces 19:16

Palta wan xo wal sq'ue 'ac'wal, 'ix 'ec' jun win 'ichm winc ta', spet win 'a smunljel. A win 'ichm winc cha, 'aj lugar 'a eb' lum jolmctac witz 'a yol yic Efraín. Ax 'a Gabaa cajn 'eq'ui, 'icha ula'il yajc' 'a jun lugar cha.

Jueces 19:14

'Ix cotn̈j eb', wan xo sq'uic'b'i xjaw eb' 'a Gabaa. A jun chon̈b' cha, yic eb' yin̈tl Benjamín.

A Ch'an̈ B'ab'el Libro Yic Yab'ixal Eb' Rey 14:19

A jun tzo'n̈ xo yab'xil win Jeroboam, 'icha yuj jun tzo'n̈ tas xlaj sb'o', yet' 'aj xlaj yac' owal, yet' yuj tas xyutj ya'n reyal, ata tz'ib'b'il can smasnil 'a ch'an̈ libro yic yab'xil eb' sreyl Israel.

2 Cr 13:3

A Abiam 'ay chan̈e ciente mil soldado ajun yet'oc, to caw wal tec'an, sic'b'il 'el yu'uj. 'Ixta pax Jeroboam, ajun wajxque ciente mil soldado yet'oc, to caw 'ay yip, tec'an, sic'b'il pax 'el yu'uj.

A Ch'an̈ B'ab'el Libro Yic Yab'ixal Eb' Rey 14:20

A win Jeroboam cha, 22 ab'il xyac' win reyal, ax yic xcham winac, ax jun yunnal tzcuch Nadab, a win x'ochx can reyl sjeloc.

2 Cr 12:15

Ax jantcto yab'xil Roboam yictax 'ix 'el yich masnto 'a slajub', ata tz'ib'b'il can 'a ch'an̈ libro yic yab'xil eb' sreyl Judá yuj eb' schecb' Dios, atn Semaías yet' Iddo. Xya'n̈j Roboam owl yet' Jeroboam.