2 Cr 13:14 - Chuj San Sebastian Bible

¹⁴ A yic 'ix 'at q'ueln eb' yic Judá 'a spatquil, ax xyiln eb' to wan sjaw eb' soldado 'a spatquil eb' yet' pax 'a sat eb', yuj cha, 'ix tew eb' 'a Jehová, ax eb' ya'mal 'och sti eb' 'a Dios, 'ix yutz'n eb' strompeta.

Chuj San Mateo Bible

¹⁴ Axo ix yilanb'at eb' yic Judá chi' to vanxo sjavi eb' soldado d'a spatic eb' yed' d'a yichan̈ eb', yuj chi' ix tevi eb' d'a Jehová, ix spu'an q'uen strompeta eb' sacerdote.

2 Cr 13:14 Referans Kwoze

2 Cr 14:11

'Ix yaln sb'a Asa 'a Jehová sDiosal, xyaln 'ixtic: Mamin Jehová, ach tic caw lajnn̈ej tzotj a colwj 'a mach tec'an yet' 'a mach may wal ste'nal. Yuj wal cha, colwjan̈ quet' ach Jehová qui Diosal on̈, yujto 'ix ca'ch wal qui c'ojl 'ayach. A yet' a poder tzon̈ jaw cac' owl yet' jun tzo'n̈ soldado tic. Mamin Jehová, ach tic qui Diosal ach on̈, ch'oxo chajtlto may junc mach tztac' ste'wtzan sb'a 'a a sat, xchi.

Ex 14:10

Ax 'ix yiln eb' israel chajtlto tza'n xo 'och win yuj eb', ajun eb' soldado winac. Yuj cha, caw wal 'ix xiw eb', 'ix 'awj chan̈ eb' 'a Jehová.

Salmos 91:5

Matz on̈ xiwc yuj tas 'ay smay tz'ec' 'a 'ac'wal, matz on̈ xiwc pax yuj jun tzon̈ jul-lab' tzsatn 'el 'anma 'a c'ual.

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

Josué 8:20

Ax yic xmeltzj 'at q'ueln eb' winc yic Hai chi 'a spatquil, 'ix yiln eb' to wan sq'ue wan tocc'oc stab'l schon̈b' eb' stz'a'i, xq'ue'ch jun tab' chi 'a satcha'an̈. Man̈x 'a 'aj wach' scoln sb'a eb', ax eb' israel x'at 'elc 'a lum cusltac lum cha, 'ix meltzj eb' yac' owl chi yet' eb'.

2 Cr 18:31

Ax eb' scapitan̈il jun tzo'n̈ caruaje cha, a yic xyiln eb' Josafat, a snan eb' to a sreyl Israel, yuj cha, 'ix yoyn 'och sb'a eb' 'a spatquil, yic tzya'n eb' owl yet' snani. Yuj cha, caw 'ix 'el yaw Josafat sc'ann colwal, 'ix colwj Jehová yet'oc. A Dios chi 'ix 'i'n 'el eb' capitan̈ chi 'a 'a.

Josué 6:16

A yic xyutz'n eb' no scacha chi 'a yuc 'ejmal, 'ix yaln Josué 'a eb' 'anma chi 'ixtic: Ca'c 'el caw, yujto a Jehová tox 'ix yac' jun chon̈b' tic 'a yol qui c'ab'ec.

Nm 10:9

Toto 'ay junc 'ajc'ojl tzjaw wul yac' owl eyet' 'a sat e lu'um, ax xo tic, yowlal tzex 'el eyac' owl yet'oc. Caw ji'lti tzeyutj eyutz'n q'uen trompeta cha, sec wach' an Jehová e Diosal in tic, 'oj ex in na coti, ax ex in coln 'el 'a eb' 'ajc'ojl tz'ajch 'ayx cha.

1 Cr 5:20

'Ix 'och Dios yet' eb', yuj cha, 'ix 'ajx ganar eb' agareno yet' eb' 'aych yet' eb'. 'Ix can eb' 'a yol sc'ab' eb', yujto a yic wan ya'n eb' owl cha, 'ix sc'an eb' scolwal Dios. 'Ix colwj Dios yet' eb', yujto 'ix ya'ch eb' sc'ojl 'a 'a.

2 Cr 32:20

Yuj jun tzo'n̈ paxti cha, yuj cha, 'ix leslwi rey Ezequías, yet' Isaías schecb' Dios, yunnal Amós, yic tzc'ann eb' scolwal Jehová 'a satcha'an̈.