2 Cr 12:2 - Chuj San Sebastian Bible

² Yuj wal to caw tenmtac 'ix yutj sb'a eb' 'a Jehová, yuj cha, a yic o'e xo ab'il yoch Roboam reyal, 'ix jaw Sisac sreyl Egipto yac' owl yet' 'a Jerusalén.

Chuj San Mateo Bible

² Yujto pit ix yutej sb'a eb' d'a Jehová chi', yuj chi' ayic oye' ab'ilxo yoch vin̈aj Roboam chi' reyal, ix javi vin̈aj Sisac sreyal Egipto yac' oval d'a Jerusalén.

2 Cr 12:2 Referans Kwoze

A Ch'an̈ B'ab'el Libro Yic Yab'ixal Eb' Rey 11:40

Yujn̈ej jun tic, yuj cha, snib'n Salomón smil cham Jeroboam, yuj cha, x'at win 'eloc, axta xc'ochcn 'a Egipto 'a 'aj 'aych win Sisac reyal. 'Ix cancn ta', masnto xcham Salomón, 'ixta to b'i'an, xmeltzj paxi.

Lm 5:15

Man̈x 'a xon jac qui tzaljc'ojlal on̈. A chan̈l yic tzaljc'ojlal, 'ix meltzj 'och 'a cusc'ojlal.

Jeremías 2:19

An Jehová in, tztac' wuj smasnil, an tzwala: Mun wal a e mul 'oj 'a'nc jawc yailal 'a eyib'an̈. Mun wal a e tenmtaquil, a 'oj 'a'nc 'och 'a eyib'an̈. Nachj cab' 'el eyu'uj, chajtlto caw wal man̈ wach'oc, yujto in eyactj can an Jehová e Diosal in tic. Tzwa'ch yailal 'a eyib'an̈, yujto may wel'ch xon jac 'a e sat.

Is 63:10

Palta yel xo wal pit xyutj sb'a eb' 'a Jehová, caw xyac' eb' cus Yespíritu to Cojxni. Yuj cha, x'och 'ajc'ojlal 'a eb', xya'n owl yet' eb'.

1 Cr 28:9

Ach xo tic ach wunnal Salomón, 'ojquej 'el wal qui Diosal, 'ac' servil 'a smasnil a pixan, mun cab' wal tz'el 'a a c'ojol, yujto a Jehová yojc smasnil tas 'ay 'a qui pixan, tznachj 'el pax yu'uj tas 'ay 'a qui nab'en. Toto 'oj al a b'a 'a 'a, 'oj ta'wc 'ayach, palta toto 'oj e'cn 'el a b'a 'a 'a, 'oj ach spatquilc can 'el 'a jun 'ejmn̈ej.

A Ch'an̈ Schab'il Libro Yic Yab'ixal Eb' Rey 7:6

Yujto a Jehová 'ix 'a'n yab' eb' sirio 'a scamplamento, 'icha to xc'an̈ yec' jun tzo'n̈ caruaje yic owal, no chej yet' nan̈l soldado. Yuj cha, 'ix laj yal-lanc eb' 'a jun jun, to a sreyl chon̈b' Israel 'ix tojn win sreyl eb' hitita yet' win sreyl Egipto yic tzya'n eb' owl yet' eb' yalni.

2 Cr 14:9

'Ix cot Zera sreyl Etiopía yac' owl yet' eb'. 'Ix jaw eb' 'a chon̈b' Maresa, jun miyon̈ soldado ajun yet'oc, yet' 'oxe ciente caruaje yic owal.

Is 18:2

Tzlaj ya't eb' schecb' yet' te barco 'a yib'n̈ a niwn a tzcuch Nilo, tz'at eb' 'a yib'n̈ a yet' te' barco b'ob'il 'a te chay'aj. Ex checab', meltzjan̈c 'a e chon̈ab', atn 'aj niwc stel eb' 'anma', eb' n̈el-li stz'umal sniwnal, eb' caw wal tec'an, atn eb' 'ay smay 'a yib'n̈ jun tzo'n̈ xo chon̈ab'. Tzlaj 'em jun tzo'n̈ chon̈b' yuj eb'. Ata cajn eb' 'a lum lum pojquixtac yaj yuj a niwc a'.

2 Cr 14:8

A Asa cha, 'ay 'oxe ciente mil soldado 'a Judá, 'ay smacl sat jul-lab' yet' eb', yet' lanza. 'Ay pax 280 mil eb' yic Benjamín. A eb' cha, 'ay pax smacl sat jul-lab' yet' eb', 'ay pax sjul-lab' eb'. Caw jeln eb' smasnil.

2 Cr 24:18

'Ixta xyutj eb' yactn can yatut Jehová sDiosal yet' smam yicham. 'Ix ya'n 'och sb'a eb' 'emmquilal 'a jun tzo'n̈ sch'oxnb'il comn dios Aserá, yet' 'a jun tzo'n̈ yechl b'ob'il yuj 'anma'. Yuj cha, xcot yowl sc'ojl Dios 'a yib'n̈ Judá yet' a Jerusalén yuj smul eb' cha.