2 Cr 12:14 - Chuj San Sebastian Bible

¹⁴ Palta an̈j 'ijnoc tu sb'eyb'al Roboam, yujto ma'ix ya'ch wal 'a sc'ojl syiclni tas xyal Jehová.

Chuj San Mateo Bible

¹⁴ A tas ix sc'ulej vin̈, te chuc, yujto maj yac'och vin̈ d'a sc'ol sc'anab'ajan tas ix yal Jehová.

2 Cr 12:14 Referans Kwoze

2 Cr 19:3

Palta b'i'an, 'ayt wal jun tzo'n̈ xo tas wach' to yoch a wach'loc, yujto 'ix ej 'el jun tzo'n̈ sch'oxnb'il comn dios Aserá 'a yol a nacion̈ tic, 'ix a'ch wal 'a a c'ojl a'n servil Dios, xchi Jehú 'a 'a.

1 Co 16:13

Macwjan̈ec, caw te'n tzeyutj e b'a eya'n 'och e c'ojl 'a Cajlilec. Man̈ ex xiwoc. Caw tze te'wtzej e b'a junjn ex.

1 Co 15:58

Yuj cha, ex wu'tac, ex wanb' chamc'ojlb'il wu'uj, caw te'n tzeyutj e b'a. Man̈ e choyb'tzoc e b'a. Yet' smasnil e c'ojol, tzex munlj 'a yic Cajlil 'a smasnil tiempo, yujto eyojc xoni, a jun munljel tzqui b'o 'a yol sc'ab' Cajlilec, caw man̈ nab'an̈ejoc.

Ez 33:31

'Ixta tzyutj eb' in chon̈b' chi yi'n cot sb'a, tzlaj 'em wocn eb' yab'xni 'a tas tzala. Palta matz b'eylb'ej eb' tas tzal cha, ton̈j tzlaj stz'ac eb' laj yala', ax snab'en eb', a wal maysch'olnil tznib'j 'och eb'.

Is 45:19

An tic, man̈ c'ultacloc tzin paxtini, man̈oc pax 'a q'uic'q'uinl 'a yol lum 'aj tzwala. May tas waljnac 'a eb' yin̈tl Jacob 'ixtic: Saynec 'ec' 'a nab'an̈ej, man̈ xin chic 'a eb'. An Jehová in tic, an̈j tas yel, yet' tas tojol, an̈j tzwala, xchi Dios.

Salmos 78:37

May xon jac 'aj wach' xyutj sb'a eb', man̈ yelc tzyal eb', matz yac' 'el'choc eb' strato yet' Dios.

2 Cr 30:19

wach'xam mantzac sacb'tzej sb'a eb', 'icha yaln sleyl atut, xchi.

2 Cr 11:16

Ax pax jun tzo'n̈ xo eb' caw yel 'aych wal 'a snab'en yaln sb'a 'a Jehová sDiosal smam yicham, 'ix 'och tza'n eb' yuj eb' levita, 'ix jaw eb' 'a Jerusalén yic tzya'n eb' xajmb'al 'a 'a.

Mt 7:7

C'anec, 'oj yac' Dios 'ayex; sayec, ax schax eyu'uj. 'Awjan̈c 'och 'a te puerta, 'oj jacxoc te 'ayex.

Salmos 78:8

Man̈ lajnoc 'oj yutc sb'a eb' 'icha eb' qui mam quichmec, yujto a eb' cha, 'e'nc eb' 'a yib'an̈, tenmtac eb', may pax ste'nal eb'. Man̈ yiclumoc eb' 'a Dios.

Salmos 57:7

Ach in Diosal, caw tzchaj in c'ojl ach in b'itnani, caw tzin nib'j tzach in b'itnej.

1 Cr 29:18

Mamin Jehová, qui Diosal ach yet' Abraham, yet' Isaac yet' pax Israel, atn eb' qui mam quichm on̈, 'ac' jawc 'a snab'en eb' a chon̈b' tic, 'el cab' 'a sc'ojl eb' ya'nn̈ej yico', 'ac' wal ya'chn̈ej eb' sc'ojl 'ayach.

A Ch'an̈ B'ab'el Libro Samuel 7:3

Yuj cha, 'ix yaln Samuel 'ixtc 'a eb' yit israelal cha: Toto yet' smasnil e c'ojol tzex meltzj pax 'a Jehová, yowlal tzeyij 'el jun tzo'n̈ comn dios 'ayc' 'a e cal, yet' jun tzo'n̈ sch'oxnb'il comn dios Astarté. Tzeya'n wal 'och e b'a 'a yol sc'ab' Jehová, cojxn tzeyac' servil. Toto 'ixta', 'oj ex scol 'elt 'a yol sc'ab' eb' filisteo, xchi.

Dt 5:29

Comnoc wal 'ichn̈jta snab'en eb', sec 'ay wel'ch 'a sat eb', tzyiclni eb' smasnil in checnb'il 'a junjn c'u. Toto 'ixta', 'icha wal swach'l tz'aj yec' yuj eb', 'ixta pax 'oj 'ec' yuj yunnal eb' b'aq'uin̈.

A Ch'an̈ B'ab'el Libro Yic Yab'ixal Eb' Rey 14:22

A Roboam yet' eb' 'anma 'aj Judá, caw wal tu tas sb'o eb' 'a sat Jehová, yel xo wal stzuntzj cot eb' yowl sc'ojl Jehová 'a yib'an̈, 'icha 'ajnc yoch smul eb' smam yichm eb'.