2 Cr 12:1 - Chuj San Sebastian Bible

¹ A yic 'ix yi'n Roboam yip 'a yopiso, caw te'n xo xyab'i, yuj cha, 'ix yactn syiclni sley Jehová, 'ixta pax 'ix yutj sb'a smasnil eb' yit israelal yet'oc.

Chuj San Mateo Bible

¹ Ayic toxo ix tec'c'aj yopisio vin̈aj Roboam chi' snaani, ix yactancan vin̈ sc'anab'ajan sc'ayb'ub'al Jehová yed' masanil eb' yetchon̈ab'.

2 Cr 12:1 Referans Kwoze

2 Cr 11:17

'Ixtnta x'aj Roboam yunnal Salomón yi'n yip 'a yopiso 'a yol yic Judá 'a 'oxe ab'il, yujto cojn 'oxe ab'il sb'eylb'ej sb'eyb'al David yet' Salomón.

2 Cr 12:13

A yic schan 'el yich ya'n reyal, 41 ab'il sq'uinal. Uclajn̈e ab'il 'ix yac' reyl 'a Jerusalén, atn jun chon̈b' sic'b'il 'el yuj Jehová 'a yol smacb'en Israel, yic tz'och eb' 'anma 'emmquilal 'a 'a. A snun Roboam cha, tzcuch Naama, amonita 'ix.

Miqueas 6:16

Yujto tzeyiclj tas tzyal win Omri yet' Acab atn win 'unnab'il, tze b'eylb'an sb'eyb'al eb'. Yuj cha, 'oj wac' jawc yailal 'a eyib'an̈, yet' pax b'uchwal paxti'. 'Ixta 'oj eyutc eyab'n syal q'uixwelal 'a sat eb' nacion̈, xchi Dios.

Os 13:1

A yic xpaxtin eb' yichm wincal chon̈b' Efraín 'a scal eb' israel 'a yic pecti', caw 'ay yel'ch eb' 'a sat jun tzo'n̈ xo eb' yit israelal. Ax ticnec ex yin̈tl Efraín, 'oj e cham yuj e mul xeya'chi, yic x'at eya'nc 'emmquilal 'a jun yechl Baal.

Jeremías 2:31

(Ex yin̈tl can Israel, macljec eyab' tas tzwal 'ayx an Jehová in tic.) ¿Tom 'icha wal junc lum cusltac lum waj 'ayex? ¿mto 'icha junc lum lum 'ay smay? Ex in chon̈ab', ¿tas wal yuj tzeyal 'ayn 'ixtic: Mun quic qui b'a on̈, man̈x 'a b'a'n̈ 'oj qui meltzj 'aych on̈? xe chi.

2 Cr 11:3

Al 'a Roboam win yunnal Salomón, sreyl Judá, yet' 'a smasnil eb' israel 'ay 'a yol yic Judá yet' 'a eb' yic Benjamín, tzal 'a eb'

A Ch'an̈ Schab'il Libro Yic Yab'ixal Eb' Rey 17:19

Palta ma'ix syiclj pax eb' yin̈tl Judá chi schecnb'il Jehová sDiosal. A yic eb' to 'ix sb'eylb'ej eb' 'icha wal tas sb'eylb'ej eb' yit israelal eb' cha.

A Ch'an̈ B'ab'el Libro Yic Yab'ixal Eb' Rey 9:9

Ax yaln pax eb' 'ixtic: Yujto 'ix yactj can eb' Jehová sDiosal, jun x'i'n 'elt eb' smam yichm eb' 'a lum Egipto, ax 'a jun tzo'n̈ comn dios 'ix yac' eb' 'emmquilal, 'ix ya'n servil pax eb'. Yuj wal jun tzo'n̈ cha, 'ix ya'n cot Jehová jun niwquil yailal tic 'a yib'n̈ eb', 'oj schic eb', xchi Dios.

Dt 32:18

Ex wit israelal, 'oj eyac' sat e c'ojl 'a qui Mam, atn jun qui Colmalec yaji. 'Oj eyac' sat e c'ojl 'a Jehová qui Diosalec 'ix 'a'n qui q'uinlec.

Dt 32:15

Palta ax yic 'oj e b'a'chb'i ax Jesurún ex tic, 'oj pitb'oc 'el e nab'en 'a Dios, atn jun on̈ b'onec. 'Oj e patquilc can 'el jun qui Colmal cha.

2 Cr 11:23

Caw wach' 'ix yutj Roboam snab'en, yuj cha, 'ix ya'cn 'at eb' yunnal chi 'a jun tzo'n̈ chon̈b' to 'aych smuroal 'a yol yic Judá, yet' 'a yol yic Benjamín. Til wal tas tzc'uxx 'ix yac' 'a eb', til wal pax yistzil eb' saycn 'och winac.

Jueces 2:15

A yic tz'at eb' israel yac' owl yet' eb' 'ajc'ojl cha, ax Jehová 'aych pax 'ajc'ojlal 'a eb'. 'Ix lajw 'el eb' yuj eb' 'ajc'ojl cha, 'icha wal yaj yaln can Jehová 'a eb', yuj cha, caw x'och eb' 'a cusc'ojlal.

A Ch'an̈ B'ab'el Libro Yic Yab'ixal Eb' Rey 14:21

A Roboam win yunnal Salomón, 'ix yac' win reyl 'a chon̈b' Judá. 41 ab'il sq'uinl Roboam yic syamn 'och ya'n reyal, uclajn̈e ab'il pax xyac' reyl 'a chon̈b' Jerusalén, atn jun chon̈b' si'jnac 'el Jehová 'a scal smasnil lugar 'a yol yic Israel, yic tzb'inax sb'i ta'. Naama sb'i snun winac, amonita 'ix.

2 Cr 24:18

'Ixta xyutj eb' yactn can yatut Jehová sDiosal yet' smam yicham. 'Ix ya'n 'och sb'a eb' 'emmquilal 'a jun tzo'n̈ sch'oxnb'il comn dios Aserá, yet' 'a jun tzo'n̈ yechl b'ob'il yuj 'anma'. Yuj cha, xcot yowl sc'ojl Dios 'a yib'n̈ Judá yet' a Jerusalén yuj smul eb' cha.

Is 1:4

Ex wit chon̈ab', caw wal 'ajmul ex, an̈j maysch'olnil tze b'o 'icha ya'jnac eb' qui mam quichmec, an̈j tu tze b'o'o. Xeyi'n 'el e b'a 'a stz'ey Jehová, xeyactn can qui Diosal To Cojxni.