2 Cr 1:10 - Chuj San Sebastian Bible

¹⁰ Yuj cha, a ticnec 'ac' in jelnal, 'ac' nachjoc 'el wu'uj sec wach' 'oj stac' in jucb'tzan jun chon̈b' tic. May junc mach tztac' ya'n yajlil 'a yib'n̈ jun a niwquil chon̈b' tic 'a yol yico', xchi.

Chuj San Mateo Bible

¹⁰ Yuj chi', ac' in jelanil, tzac'an vojtaquej tas svutej in cuchb'an jun chon̈ab' tic. Yujto malaj junoc mach syal yac'an yajalil d'a jun a chon̈ab' tic d'a yol yico', xchi vin̈.

2 Cr 1:10 Referans Kwoze

A Ch'an̈ B'ab'el Libro Yic Yab'ixal Eb' Rey 3:9

Yuj cha, tzin c'an 'ayach, to tzac' in jelnal, sec wach' 'oj stac' in b'onyaj jun chon̈b' tic, sec 'oj nachjoc 'el wu'uj, 'aj 'ay wach'il yet' tu'al. ¿Tas wal 'oj wutc wa'n cuenta jun a niwquil chon̈b' tic, toto ma'oj ac' in jelnal? xchi Salomón.

Pr 4:7

'Ac' ep a sayn 'ec' jelnal, yujto 'ec'b'al yel'ch 'a yib'n̈ smasnil tas. Yet' smasnil a c'ojol, tza'n 'och a nab'en 'a 'a.

A Ch'an̈ Schab'l Libro Samuel 5:2

Wach'xam a Saúl 'ochnc qui reyloc, palta ach wal a'jnac ep on̈ a jucb'tzan 'a yic on̈ 'e'c 'a owal; a pax Jehová aljnac 'ayach, chajtlto ach 'oj on̈ e'c b'eyoc, ax a'n pax yajlil 'a quib'n̈ an̈ israel on̈ tic, xchi eb'.

Santiago 1:5

Toto 'ayn̈ 'ayt palta qui jelnal, qui c'anc 'a Dios. 'Oj yac'a', yujto yelc'ojlal tzyac' 'ayn̈ec qui masnil, toto tzqui c'anc 'a 'a. Matz cot yowl 'ayn̈ec.

2 Co 3:5

Man̈toc tzqui na 'on̈, to mun tztac' cuj qui ch'ocj on̈. Palta yujn̈ej to 'aych Dios quet' on̈, tztac' junc tas cuj on̈.

Salmos 119:73

Mamin Jehová, ach ton wal b'ojnaquin, yuj cha, 'ac' nachjoc 'el wu'uj, tas wal tzwutj in cuyn a checnb'il.

Salmos 119:34

'Ac' in nab'en, sec wach' tzwutj in b'eylb'an jun cuynb'il tic; 'oj in yiclc 'a smasnil in c'ojol.

Nm 27:17

sec a 'oj jucb'tzanc eb' 'anma tic, yic 'oj 'atx eb' 'a 'aj 'oj b'eyoc, sec wach' ma'oj satc' eb' 'icha no calnelu may yilmal, xchi.

Dt 31:2

An tic, 'ayx 120 ab'il in q'uinal, man̈x 'a wip ex in jucb'tzani. An̈jtona', tox 'ix yal Jehová 'ayin, to man̈x 'oj in c'axw 'ec' 'a a Jordán cha.

2 Co 2:16

A yic tzcalnec 'a eb' wan satq'ui, lajn yab'xil 'icha sjab' junc tas tzon̈ cham yu'uj, yujto 'oj cham eb' 'a jun 'ejmn̈ej yu'uj. Ax yic tzcalnec 'a eb' wan scolchji, lajn yab'xil 'icha junc caw su'q'ui sjab' 'a sat eb', yujto wan schan eb' sq'uinl 'a jun 'ejmn̈ej yu'uj. Yuj cha, may wal junc mach 'oj techjoc yaln 'el jun 'ab'x tic 'a yol yico'.

1 Cr 22:12

A cab' Jehová 'oj 'a'nc a jelnal, sec wach' a yic 'oj a'nc reyl 'a yib'n̈ chon̈b' Israel, 'oj a yiclc sley Jehová qui Diosal.

Pr 8:15

Yuj sjelnal eb' rey, tzya'n eb' yajlil, ax yic tzya'n eb' yajlil cha, a ley tojol, a tzc'anlb'ej eb'.