2 Co 9:2 - Chuj San Sebastian Bible

² Yujto wojc xoni, to caw tze nib'j colwjc e b'a 'a eb'. Wan ex waln wach'l 'a eb' 'aj Macedonia tic. Tzwal 'ixtc 'a eb' eyu'uj: A eb' 'a yol yic Acaya, yab'lil xo sc'ojl eb' yi'n chan̈ yofrenda, xin chi. Ax eb' 'aj Macedonia tic, yic 'ix yab'n eb', to yelc'ojlal tzeyac' eyico', yuj cha, til wal eb' x'el 'a sc'ojl ya'n yic jun xo.

Chuj San Mateo Bible

² Yujto vojtacxo to ay val e gana tzex colvaj d'a eb'. Van ex valan vach'il d'a eb' aj Macedonia tic. Icha tic sval d'a eb' eyuuj: A eb' ay d'a yol yic Acaya, yab'ilalxo scajvi eb' yac'an yofrenda, xin chi. Ayic ix yab'an eb' aj Macedonia tic to yelc'olal tzeyac' eyico', tzijtum eb' ix e cuchb'ej yac' yico'.

2 Co 9:2 Referans Kwoze

2 Co 8:10

Tzwaln 'at 'ayex, yuj tas tzin na yuj jun eyofrenda cha, sec 'oj wach' nachjc 'el eyu'uj. A 'a junb'i, e chajnac 'el yich eya'n eyofrenda, yujto caw x'el 'a e c'ojl eya'ni.

2 Co 8:8

A jun tzwalb't 'ayx tic, man̈ caw checnb'iloc, ton̈j tzin nib'j tzeyab'i, chajtl tzyutj jun tzo'n̈ xo eb' ya'n scolwal 'a tic, sec tzcheclj 'eli, toto yel 'ay e chamc'ojlal ta'.

2 Co 8:24

A yic 'oj c'och eb' 'ayx ta', caw tze ch'ox e chamc'ojlal 'a eb'. Toto 'ixta tzeyutj e b'a, 'oj e ch'ox 'a eb' creyente 'a junjn iglesia, to yel xcal on̈, yic ex caln wach'l on̈.

A Ch'an̈ Carta D'a Eb' Hebreo 10:24

Yowlal tzqui sayec tas tzlaj cutquec qui jucb'tzan qui b'a, sec 'oj laj niwtj qui chamc'ojlalec, ax swach' b'o qui b'eyb'alec.

1 Co 16:15

A ticnec ex wu'tac, ex wanab', eyojtac a Estéfanas yet' yistzil yet' pax eb' yunnal, b'ab'l creyente eb' 'a yol yic Acaya 'aj 'ayx cha. A eb' cha, caw tzyac' servil eb' jun tzo'n̈ xo eb' quit creyenteal 'a smasnil sc'ojol.

1 Ts 1:7

Yuj cha, e ch'oxn jun wach' b'eyb'al 'a smasnil eb' quit creyenteal 'a yol yic Macedonia cha, yet' pax 'a Acaya.

2 Co 8:19

An̈jtona', atn jun cu'tac tic sic'b'il 'el yuj eb' creyente 'a junjn iglesia, yic tz'ec' schanc jun colwal chi quet' on̈. Wan qui b'on jun tic on̈, sec 'oj checljoc 'el swach'l Cajlilec, ax scheclj pax 'el swach'l e nab'en.

2 Co 7:4

Caw tzex wa'ch yipc in c'ojol, tzex waln wach'il. Wach'xam niwn tas tz'ajx 'och 'a quib'n̈ on̈, palta caw tz'ajx sniwnal in c'ojol. Caw tzin tzalj si'mb'il.

2 Co 1:1

An Pablo in tic, schecb' in Jesucristo, yujto 'ixta x'el 'a sc'ojl Dios. An yet' cu'tac Timoteo, tzin tz'ib'j 'at jun in carta tic 'ayx yiglesia ex xo Dios 'a Corinto. Tzin tz'ib'n pax 'at 'ayx e masnil ex yic xo Dios 'a yol yic Acaya.

A Tas Sc'ulejnac Eb' Schecab' Jesús Hechos 18:12

Ax 'a jun tiempoal cha, 'aych win Galión yajlil 'a Acaya cha. Ax eb' israel, 'ix slajtij sb'a eb' 'a spatc Pablo. 'Ix yi'n 'at eb' 'a yojltac win yajl cha.

A Tas Sc'ulejnac Eb' Schecab' Jesús Hechos 24:17

'Ayxm sjayloc ab'il man̈ in 'ayc 'ec' 'a Jerusalén. Yuj cha, in c'ochx jun 'ejm xo, yic tzin colwj 'a eb' meb'a', tzwa'n pax jac in siylab' 'a Dios.

Ro 15:26

Yujto a eb' 'aj Macedonia yet' eb' 'aj Acaya, x'el 'a sc'ojl eb', xyij chan̈ eb' jun ofrenda yic tz'at 'a eb' creyente meb'a 'ay 'a Jerusalén.

2 Co 7:14

A 'a jun 'el, ex wal wach'l 'a Tito tic, al ticnec, matz in q'uixw yuj tas waljnac cha. Jantcn̈ej tas caljnac 'ayx on̈, caw yel. An̈jtona', yic caln e wach'l 'a Tito on̈, caw yel xcal on̈.

2 Co 8:11

A ticnec, tzin nib'j an̈j 'ijnoc tzeyac'a, sec tz'acn 'oj laj eyac'a', 'icha eyutjnac e chan 'el yich eya'n 'a smasnil e c'ojol, 'ixta tzeyutj eya'n pax ticnec. A tzyala, tastc 'ay 'ayex.