2 Co 8:4 - Chuj San Sebastian Bible

⁴ Caw xtew 'och eb' 'ayn̈ on̈, sec tzqui chaj yac' eb' scolwal on̈, yujto tznib'j eb' tzcolwj 'at 'a eb' yit creyenteal.

Chuj San Mateo Bible

⁴ Ix tevi eb' d'ayon̈ yic sco cha yac' scolval eb', yujto sgana pax eb' scolvaj d'a eb' yicxo Dios.

2 Co 8:4 Referans Kwoze

A Tas Sc'ulejnac Eb' Schecab' Jesús Hechos 24:17

'Ayxm sjayloc ab'il man̈ in 'ayc 'ec' 'a Jerusalén. Yuj cha, in c'ochx jun 'ejm xo, yic tzin colwj 'a eb' meb'a', tzwa'n pax jac in siylab' 'a Dios.

Gl 6:10

A ticnec, ya' sb'a tztac' qui colwjec 'a eb' quit 'anma'il, yowlal wach' tzcutjec qui nab'en 'a eb'. Ax 'a eb' quit creyenteal, yel xo cab' wach' tzcutj qui nab'enec 'a eb'.

2 Co 9:1

Ax jun eyofrenda 'oj eyac' 'a eb' quit creyenteal, man̈x yowlalc tzat walb't 'ayx yu'uj.

A Ch'an̈ Carta D'a Eb' Hebreo 6:10

Yujto a Dios caw tojl snab'en. Ma'oj sat sc'ojl 'a jun tzo'n̈ tas xe b'o'o, yet' e chamc'ojlal xe ch'ox 'a 'a, yic ex colwj 'a eb' yic xo Dios quet'ec. An̈jtona', 'ixta tzeyutj e b'a ticnec.

1 Co 16:15

A ticnec ex wu'tac, ex wanab', eyojtac a Estéfanas yet' yistzil yet' pax eb' yunnal, b'ab'l creyente eb' 'a yol yic Acaya 'aj 'ayx cha. A eb' cha, caw tzyac' servil eb' jun tzo'n̈ xo eb' quit creyenteal 'a smasnil sc'ojol.

Gl 2:10

Cojn jun tic alb'il yuj eb' 'ayn̈ on̈, to an̈ja tzqui na cot eb' meb'a 'on̈. Atn jun tic 'ayx 'och in nab'en in b'oni.

1 Ti 5:10

Cojn eb' checl yaj 'a sat eb' yit creyenteal, eb' wach' sb'eyb'al. Cojn eb' wach' tzyutj sq'uib'tzan yune', eb' 'ela tzyutj sb'a 'a eb' tzlaj 'ec' 'a 'a. Cojn eb' tz'a'n servil eb' yit creyenteal 'a 'emmquilal, eb' tz'o'ch sc'ojl 'a eb' 'aych 'a syailal, eb' wach'n̈j tzyutj sb'a 'a smasnil tiempo. Cojn eb' tic tztac' yoch scuentaoc iglesia.

1 Co 16:1

A ticnec 'oj wal't 'ayx yuj jun ofrenda 'oj q'ue wan 'a e cal, yic 'oj 'ajxc 'a eb' quit creyenteal 'ay 'a Jerusalén. A jun tzo'n̈ checnb'il tic 'oj wal't 'ayx tic, waljnacx 'a eb' creyente 'a yol yic Galacia. Yuj cha, 'ixta 'oj eyutc e b'a junx yet' eb'.

Ro 15:31

Tze c'an 'a Dios wu'uj, sec 'oj in scolcn 'el 'a yol sc'ab' eb' man̈ creyenteoc 'aj Judea. Tzex leslwi pax yuj jun ofrenda tic 'oj wi't 'a eb' creyente 'a Jerusalén, sec tzaljc'ojlal 'oj scha eb'.

A Tas Sc'ulejnac Eb' Schecab' Jesús Hechos 16:15

Yuj cha, xya'n 'ajxc bautisar sb'a 'ix, yet' jantcn̈ej eb' jun yaj yet' 'a yol yatut. Xlajw xoj cha, xyaln 'ix 'ayn̈ 'ixtc on̈: —Toto tze na'a, to yel tzwa'ch in c'ojl 'a Cajlil, 'ochn̈ec 'a yol watut. Wach' tzex 'aj ta', xchi 'ix 'ayn̈ on̈. Caw xtew 'och 'ix 'ayn̈ on̈, yuj cha, on̈ 'och wan ta on̈.

A Tas Sc'ulejnac Eb' Schecab' Jesús Hechos 11:29

Yuj cha, ax eb' creyente 'aj Antioquía, 'ix 'el 'a sc'ojl eb' scolwj 'a eb' creyente 'aj Judea. A tzyala, jantc tztac' ya'n junjn eb'.

Mr 14:7

A eb' meb'a xeyal cha, 'ayc'n̈ej eb' eyet'oc. A yic tze nib'j tzeyac' junc tas 'a eb', tztac' e colwjn̈ej 'a eb'. Palta an xo tic, man̈ in 'ayc 'ec'n̈ej eyet'oc.

Mt 25:40

'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.

Mt 12:50

Yujto tzann̈j eb' tzb'on 'icha tznib'j in Mam 'ayc' 'a satcha'an̈, atn eb' chi 'icha wu'tac, 'icha wanab', 'icha in nun yaji, xchi.

Mt 10:42

Tzann̈j mach tzsiyn junc vaso sicl a 'a junc eb' in cuywum, wach'xam junc may wal yel'chi, palta yujn̈ej to in cuywum, wal yel 'oj scha spac.