2 Co 7:5 - Chuj San Sebastian Bible

⁵ Yic on̈ jaw 'a Macedonia tic on̈, ma'ix 'ilj xon jac qui niwnal tic on̈, yujto caw oynn̈ej 'och yailal 'ayn̈ on̈, owln̈ej x'ajx 'och 'a quib'n̈ on̈. 'ay pax qui xiwc'ojlal on̈.

Chuj San Mateo Bible

⁵ Yictax ix on̈ javi d'a Macedonia tic, maxtzac yal quic'an jab'oc quip, yujto a juntzan̈ yaelal tic oyanoch d'a co patic quichan̈. An̈ej oval tz'ac'jioch d'a quib'an̈. Xivelaln̈ej caji.

2 Co 7:5 Referans Kwoze

2 Co 2:13

Palta x'och jab' in somc'ojlal, yujto ma'ix 'ilchj cu'tac Tito wuj ta'. Yuj cha, waln can in b'a 'a eb', in cotx ta', in jaw 'a Macedonia tic.

Dt 32:25

A 'a yol caye, 'oj laj can t'ocn yunnal eb' scham yuj q'uen espada. Caw xiwc'ojlaln̈ej ya'jc eb' 'a yol yatut. 'Oj cham ewin quelmtac winac, yet' eb' 'ix cob'stac 'ix, eb' 'ichmtac 'anma', yet' pax eb' 'unn tzat chuwi.

A Tas Sc'ulejnac Eb' Schecab' Jesús Hechos 20:1

Yic tox xtup 'ejm jun owl cha, 'ix ya'n Pablo syam sb'a eb' creyente. 'Ix ya'n can snab'enoc eb' jab'xo. Xlajw cha, xyaln can sb'a 'a eb'. 'Ix 'at 'a yol yic Macedonia.

1 Ts 3:5

Yuj cha, ma'ix techj ex in nani. Yuj cha, in checn 'at Timoteo 'at yab'i', toto an̈ja 'aych e c'ojl 'a Cristo. In nani, lemb'il a win diablo x'a'n juwc 'el e nab'en ta'. Toto 'ixta', nab'a 'ec' quixtjnac qui b'a qui munlj 'a e cal on̈.

Gl 4:11

Caw tzin xiwi, toq'ue nab'an̈ej 'ec' munljnacn 'a e cal ta'.

2 Co 2:9

In tz'ib'jnac 'at 'ayx yuj jun tic 'a jun 'el, yic wa'n ex prowal. Yujto in nib'j wojcoc 'eli, toto yel tzeyiclj tas tzwala.

2 Co 2:3

'Ixta wutjnac waln 'at 'ayx 'a junx in carta, yujto in nib'jnac, ma'in 'at wa'ch e cusc'ojlal. Smoj to ax tzeyac' in tzaljc'ojlal. Xwa'ch yipc in c'ojol, toto tzjaw in tzaljc'ojlal, ax sjaw pax e tzaljc'ojlal jun xo.

1 Co 16:5

A yic 'oj in 'at ex wila', yowlal 'oj wec' chab' 'oxe'oc c'u 'a yol yic Macedonia. 'Ixta to b'i'an, ax in c'och 'ayex.

1 Co 15:31

An tic ex wu'tac, ex wanab', junjn c'u 'ijn tzin milx chamoc. Caw yel tzwal 'ayex, yujto 'ay in tzaljc'ojlal eyu'uj, yujto 'aych e c'ojl 'a Cajlil Jesucristo wet'oc.

Jeremías 20:10

Tzwab' sajsni eb' in sb'uchni, tzyaln eb' 'ixtic: Yaj win tzalni to 'ay xiwc'ojlal 'a smasnil lugar, xchi eb'. Tzyaln pax eb' 'ixtic: Coyec, qui pitzc chan̈ 'es 'a spatic, xchi eb'. An̈jtona eb' in wach'c'ojl cob'i', caw maclb'il yuj eb' 'aj tzin 'ejmi. Tzyaln eb' 'ixtic: Tecn 'oj ca'c ganar smontchj cujec. Toto 'ixta', 'oj ca'c ganar yejm cujec, ax ca'nec pax qui pacc 'a 'a, xchi eb'.

Jeremías 8:18

A 'in cusc'ojlal an Jeremías in tic, man̈x 'a yan̈il, caw tzlajw 'ejm in pixn yuj tzwab'i.

Jeremías 6:25

¡Man̈x ex 'at munljoc, man̈x ex 'ec' b'eyc'oc 'a yoltc b'e! ¡Yujto a eb' 'ajc'ojl yajch 'ayn̈ec, 'ayx 'ec' eb' yet' syamc'ab' yic owal. 'Ayxn̈ej xiwc'ojlal 'a smasnil lugar! xchi eb' 'anma cha.

Is 33:12

Tan̈tac 'oj 'ajcn e chon̈ab', 'oj n̈ilchjoc sc'a'l eb' 'icha sn̈ilchj sc'a'l te tacn̈ q'ui'ix.

Job 18:11

Tzanxn̈ej 'aj 'oj 'ec'oc, 'ay xoj smay schami, tza'n 'och eb' tzpechn b'ey chi yuj tzyab'i.

Gn 8:9

Palta ax no 'uch cha, 'ix meltzj pax no 'a te barco chi jun 'ejm xo, yujto ma'ix 'ilchj yet'l no 'aj wach' tzcani. Caw wal b'ut'nto sat lum lum chi yet' a a cha. 'Ix ya'n 'elt win Noé sc'ab' yic schan 'och win no 'a yol te barco cha.

Ro 15:26

Yujto a eb' 'aj Macedonia yet' eb' 'aj Acaya, x'el 'a sc'ojl eb', xyij chan̈ eb' jun ofrenda yic tz'at 'a eb' creyente meb'a 'ay 'a Jerusalén.