2 Co 7:4 - Chuj San Sebastian Bible

⁴ Caw tzex wa'ch yipc in c'ojol, tzex waln wach'il. Wach'xam niwn tas tz'ajx 'och 'a quib'n̈ on̈, palta caw tz'ajx sniwnal in c'ojol. Caw tzin tzalj si'mb'il.

Chuj San Mateo Bible

⁴ Tzex vac'och yipoc in c'ool, tzex valan vach'il. Vach'chom nivan yaelal tz'ac'jioch d'a quib'an̈, palta eyuuj snivanaj in c'ool svab'i. Tzin tzalaj val eyuuj.

2 Co 7:4 Referans Kwoze

2 Co 1:4

A yic tzcab'nec syail, a tz'a'n sniwnal qui c'ojlec, sec wach' tztac' ca'nec sniwnal sc'ojl eb' tz'ab'n pax syail. 'Icha tzyutj Dios ya'n sniwnal qui c'ojlec, 'ixta tzcutjec pax ca'n sniwnal sc'ojl eb'.

2 Co 3:12

Yujto tzca'c 'och jun tic yipc qui c'ojol, yuj cha, caw matz on̈ xiwc caln 'eli.

Santiago 1:2

Ex wu'tac, ex wanab', a yic tzjaw jun tzo'n̈ tzann̈j prowalil 'ayex, caw tzaljan̈c si'mb'il.

A Scarta San Pablo D'a Eb' Aj Colosas 1:24

A ticnec, 'ayn 'och 'a yailal e mul eyujoc. Palta tzin tzaljn̈ej paxi. Yujto a yic tzwab'n syal yet' in niwnal tic, 'icha to tzin tz'acb'tzej syailal Cristo jac xo. A 'ix 'ab'n syal cuj an̈ yiglesia on̈c tic, yujto 'icha to sniwnal cajec.

A Scarta San Pablo D'a Eb' Aj Filipos 2:17

Yujto eya'jnac 'och e c'ojl 'a Cristo, wan eya'n 'och e b'a 'a yol sc'ab' 'icha junc xajmb'al. An xo tic, tzwac' in b'a 'a Cristo pax eyet'oc. Yuj cha, wach'xam 'oj in milx chamoc yic tz'acw junc e xajmb'al cha, 'oj in tzaljn̈ej pax eyet'oc.

1 Co 1:4

Smasnil tiempo tzwac' yuj diosal 'a Dios eyu'uj, yujto 'ac'b'ilx swach'c'ojlal Dios 'ayx yuj Cristo Jesús.

1 Ts 2:19

At 'a yic 'oj jawc Cajlil Jesucristo, ax cajc 'a yojltac. Eyu'uj, tzca'n 'och yipc qui c'ojl on̈, to 'oj qui cha spac on̈. Eyu'uj, ax qui chan qui tzaljc'ojlal on̈. Eyu'uj, 'oj qui cha spac qui munljel on̈, sec 'ay quel'ch on̈.

1 Ts 2:2

A 'a chon̈b' Filipos, b'ab'l 'e'nc on̈ on̈. Eyojtac, caw niwn syal 'ec' cab'jnac ta 'on̈. Caw ya'jnac eb' 'anma stul 'ayn̈ on̈. Ax yic qui c'och 'a e chon̈b' cha, caw cab'jnac pax syal ta 'on̈. Palta a qui Diosalec 'ochnc quet' on̈. Yuj wal cha, ma'on̈ xiw caln 'el wach' 'ab'x 'a e cal on̈.

A Scarta San Pablo D'a Eb' Aj Filipos 1:20

Tzwa'ch yipc in c'ojol, to ma'oj wac' in q'uixwloc. Tzin nib'ej, caw te'n 'oj wutc waln 'eli, 'icha xon tzwutj in b'a. Toto 'ixta', wach'xam pitzn in, wach'xam tzin chami, wu'uj 'oj checljoc can 'eli, chajtlto caw niwn yel'ch Cristo.

2 Co 11:21

Tzin q'uixw waln 'at 'ayex, to ma'ix qui te'wtzej qui b'a on̈, yic tzqui b'on 'icha tzyutj sb'a eb' chi 'ayex. Palta 'icha eb' cha, tzte'wtzej sb'a eb' yalni, 'ixta tzwutj in te'wtzan in b'a waln jun xo. Wan waln ton 'icha junc man̈ nab'enal yaji.

2 Co 8:24

A yic 'oj c'och eb' 'ayx ta', caw tze ch'ox e chamc'ojlal 'a eb'. Toto 'ixta tzeyutj e b'a, 'oj e ch'ox 'a eb' creyente 'a junjn iglesia, to yel xcal on̈, yic ex caln wach'l on̈.

2 Co 2:14

Palta calc yuj diosal 'a Dios, yujto smasnil tiempo on̈ yac' 'och tza'n yuj Cristo Jesús, yic tzcheclj 'eli to a 'ix a'n ganar. Cujec tzpucb't yab'xil 'a junjn lugar, 'icha tzpucb't sjab' junc incienso.

2 Co 1:14

Yuj cha, tzwa'ch yipc in c'ojol, to 'oj wach' nachjc 'el eyu'uj, chajtlto a yic 'oj jawc Cajlil Jesús, 'oj stac' e tzalj cuj on̈, 'icha tzon̈ 'aj qui tzalj eyuj on̈.

Ro 5:3

Man̈ yujocn̈ej cha, tzon̈ tzaljec, tzon̈ tzaljec paxi, yic tzcab'nec syal yu'uj. Yujto cojquec to a jun tzo'n̈ yailal cha, a tzwach' 'a'n qui te'nalec.

A Tas Sc'ulejnac Eb' Schecab' Jesús Hechos 5:41

Yuj cha, 'ix 'elt eb' schecb' Jesús chi 'a yojltac ewin sat yajl cha. Caw 'ix tzalj eb', yujto yujn̈ej Jesús, 'ix yab' eb' syal 'icha tznib'j Dios.

2 Co 7:14

A 'a jun 'el, ex wal wach'l 'a Tito tic, al ticnec, matz in q'uixw yuj tas waljnac cha. Jantcn̈ej tas caljnac 'ayx on̈, caw yel. An̈jtona', yic caln e wach'l 'a Tito on̈, caw yel xcal on̈.

2 Co 10:8

Wach'xam caw tzin 'ec' 'a yib'n̈ waln yuj copiso on̈, palta ma'oj in q'uixw yu'uj. Yujto a Cajlilec a 'a'jnac copiso tic on̈, yic tzca'n 'och e te'nal on̈, man̈ yujoc ex ca'n juwc 'el on̈, ya'n copiso tic on̈.

A Scarta San Pablo D'a Eb' Aj Filipos 1:14

A yic xyiln eb' creyente, chajtlto te'n tzwutj in b'a 'a preso tic, til wal eb' xwach' 'och ste'nal wu'uj. Caw man̈xtzac xiw eb' yaln 'el spaxti Dios 'a tic. Caw te'n tzyutj sb'a eb' yuj Cajlilec.

A Scarta San Pablo D'a Eb' Aj Filipos 1:26

Yuj cha, 'oj in c'ochx 'ayx jun 'ejm xo, sec wu'uj, ax e tzalj chan̈ eyaln wach' paxti 'a Cristo Jesús.

2 Ts 1:4

Yuj cha, tz'ec' cal e wach'l 'a scal eb' creyente 'a junjn yiglesia Dios. Yujto til wal tas tz'ajx 'och 'a eyib'an̈, caw niwn syal wan eyab'n ta', palta caw te'n tzeyutj eya'n 'och e c'ojl 'a Dios. Wan eya'n techjoc smasnil.

Filemón 1:7

Caw tzin tzalj o'oj, yujto 'ay ab' a chamc'ojlal ta'. O'oj caw tzjaw sniwnal in c'ojl 'a tic, yujto ach tic wu'tac, caw tzac' stzaljc'ojlal eb' creyente ta'.