2 Co 6:7 - Chuj San Sebastian Bible

⁷ A jun cuynb'il caw yel, an̈j tzcal-l on̈. Caw 'aych Dios quet' on̈. 'Icha junc soldado tzcol sb'a yet' jun tzo'n̈ syamc'ab', tzya'n pax owl yet'oc, 'ixta tzcutj qui b'a on̈, yujto caw tojl tzcutj qui nab'en on̈.

Chuj San Mateo Bible

⁷ A jun c'ayb'ub'al scalel tic, te yel. Ayoch spoder Dios qued'oc. Icha junoc soldado scol sb'a yed' juntzan̈ syamc'ab', syac'lab'an pax yac'an oval, icha chi' scutej co b'a, yujto te tojol scutej co pensar.

2 Co 6:7 Referans Kwoze

2 Co 4:2

'Ay jun tzo'n̈ tas tzlaj sb'o eb' 'anma 'a c'ultaquil, caw q'uixweltac. An̈ xo tic on̈, cactjnac can jun tzo'n̈ chi 'a jun 'ejmn̈ej on̈. May junc mach tz'ec' quixtj paxti yuj tas jeln tzcutj caln on̈. May junc comn paxti tzca'ch 'a scal spaxti Dios on̈. Yujto cojn wal jun tzo'n̈ tas yel, an̈j tzcal on̈. 'Ixta tzcutj qui ch'oxn 'el copiso 'a junjn mach 'a sat Dios on̈, sec tztac' snan eb' yet' snab'en tas caj on̈.

2 Ti 2:15

Caw tzac' 'ip a munlj 'a yic Dios, sec tzyila, to wach' a munljel, caw tojl tzotj aln 'el spaxti Dios caw yel. Toto 'ixta tzotj a b'a, may yuj 'oj a q'uixw 'a sat Dios.

Santiago 1:18

On̈ laj yac' 'aljoc 'a scha'ejmal yet' spaxti caw yel, yujto 'ixta x'el 'a sc'ojol. 'Ixta tzon̈ yutjec, sec wach' yel xo wal xajn on̈c yuj 'a yib'n̈ smasnil jun tzo'n̈ xo tas b'ob'il yu'uj.

2 Ti 4:7

'Icha junc mach caw tzyac' 'ip 'a junc tajnel, 'ixta xwutj in b'a in munlj 'a yic Dios. A ticnec xwac' ganar slajw wopiso 'a swach'il. Smasnil tiempo, caw xin ya'ilj jun tzo'n̈ cuynb'il 'aj 'aych qui c'ojol.

1 Ts 5:8

Palta an̈ec tic, yic on̈c xo c'ual. Yuj cha, caw te'n tzcutjec qui nab'en. Yowlal tzqui wach' 'a'jec 'och Cristo 'a qui c'ojol. An̈jtona', 'ay cab' pax qui chamc'ojlalec. Toto 'ixta', lajn on̈c 'icha eb' soldado tzcol sb'a yet' sq'uen pichl 'aych 'a sn̈i sc'ojol. Yowlal tzca'c 'och yipc qui c'ojol, to colchjnacn̈ec. Toto 'ixta', lajn on̈c 'icha eb' soldado c'oxb'il sq'uen xumpiln yu'uj. 'Ixta tzcutjec qui coln qui b'a.

Ef 3:20

A ticnec, calc wach' paxti 'a Dios, yujto a tz'a'n spoder 'ayn̈ec. Tzann̈j tas tzqui c'anc 'a 'a, wach'xam junc ton̈j nant tzqui na'a, tzta'n̈j yu'uj, yujto yel xo wal 'ay spoder sb'on smasnil tas.

2 Co 13:4

Yel toni, a yic yajx q'ue 'a spenc culus, 'icha to may spoder, palta yuj spoder Dios pitzn ticnec. An̈jtona an̈ tic on̈, 'icha to may qui poder yet' junx on̈; palta yuj spoder Dios, pitzn on̈ yet' on̈, sec wach' an̈ja ex ca'n servil on̈.

Ef 1:13

Ax xo paxi, yic eyab'n jun 'ab'x caw yel, atn yab'xil qui colnb'il, eya'n 'och e c'ojl 'a Cristo quet' on̈. Yuj cha, junxn̈ej ex 'aj yet'oc. 'Ix 'och Yespíritu Dios 'a e pixan, 'icha tz'aj yajx 'och junc seyo 'a junc tas. Yuj cha, chequel, to yic ex xo Dios. Yujto ya'jnac can Dios sti', to tzya' cot 'ayn̈ec.

2 Co 7:14

A 'a jun 'el, ex wal wach'l 'a Tito tic, al ticnec, matz in q'uixw yuj tas waljnac cha. Jantcn̈ej tas caljnac 'ayx on̈, caw yel. An̈jtona', yic caln e wach'l 'a Tito on̈, caw yel xcal on̈.

Salmos 119:43

May cab' b'a'n̈ tzcan waln jun tzo'n̈ a paxti to yel, yujto a jun tzo'n̈ a ley cha, a 'aych yipc in c'ojol.

A Ch'an̈ Carta D'a Eb' Hebreo 2:4

An̈jtona Dios, ya'jnac testigoal sb'a yuj jun 'ab'x tic. Sch'oxjnac jun tzo'n̈ milagro, yet' jun tzo'n̈ tas tzsat qui c'ojlec quilni, sec chequel to caw niwn yel'ch jun 'ab'x tic. An̈jtona pax Yespíritu, tzyac' pax testigoal sb'a, yujto tzyac' copiso junjn on̈ec, a tzyala, tas tznib'j tzyac'a.

A Scarta San Pablo D'a Eb' Aj Colosas 1:5

'Ixta tzeyutj e b'a, yujto wan e tan̈wni jun eyic molb'il 'a satcha'an̈. Atxo 'a yic eyab'n jun wach' 'ab'x caw yel, eyamn 'och eya'n 'och jun chi yipc e c'ojol.

Ef 4:21

Yujto a yab'xil xeyab' cha, xe cuyn sb'eyb'al to tzchaj 'el'ch sb'a yet' jun paxti caw yel ya'jnac Jesús cuyxoc.

1 Co 1:24

Palta an̈ec xo tic, on̈ yawtjec 'och Dios yico'oc. Yuj cha, wach'xam israel on̈ec, wach'xam man̈ on̈ israeloc, cojquec, a Dios 'aych spoder 'a Cristo, 'aych pax sjelnal 'a 'a.

A Tas Sc'ulejnac Eb' Schecab' Jesús Hechos 11:21

Ax Cajlilec, caw x'och yet' eb' creyente cha. Yuj cha, til wal 'anma 'ix sjel sb'eyb'al, 'ix ya'n 'och eb' sc'ojl 'a Cajlilec.

Mr 16:20

Xlajw chi b'i'an, 'ix 'at eb' yal-l spaxti Dios 'a junjn lugar. 'Ix 'och Cajlil yet' eb'. 'Ix sch'ox jun tzo'n̈ milagro yet' eb', sec chequel to yel jun spaxti chi tz'ec' yal eb' cha. Ya' cab'i'.]

Is 59:17

A stojlal cha, 'icha smacl sn̈i sc'ojl eb' soldado tz'at 'a 'owal, 'ixta yajch 'a 'a, ax colnb'il tzyac' 'a eb' 'anma', 'icha q'uen xumpilin, 'ixta yaj q'ue 'a sjolom. 'Icha spichl eb' soldado yic owal, 'ixta yowl sc'ojl 'oj yac' spacc 'a eb' 'ajc'ojl tz'ixtn eb' 'anma cha.

Is 11:5

A tas tojol yet' tas yel, a chi 'oj niwtjoc yalx 'a spatic, 'icha to spichl 'oj 'ajch jun tzo'n̈ cha.

Pr 3:16

Toto tzqui b'eylb'ej jelnal, tznajtxb'i qui q'uinal, tzon̈ 'och ricoal, caw niwn tzon̈ 'aj 'el'ch yu'uj.

Ex 14:22

Caw wal tacn̈ jun b'e 'aj 'ix 'e't eb' israel 'a yojl a mar, yujto chab' x'ajcn 'el a', 'icha wal muro 'ix 'aj yochcn wan a 'a sti jun b'e cha.

2 Co 2:17

An̈ tic on̈, man̈ yujoc ca'n ganar 'a spatc spaxti Dios, tz'ec' calnc 'el on̈, 'icha tzyutj sb'a nan̈l xo eb'. Tz'ec' cob' sb'al alnc 'el eb'. Palta an̈ xo tic on̈, caw yelc'ojlal tz'ec' cal-l on̈, yujto 'ac'b'il copiso yuj Dios on̈. Tz'ec' cal-l on̈, sec tzalj Dios quet' 'on̈, yujto schecb' on̈ Cristo on̈.