2 Co 6:4 - Chuj San Sebastian Bible

⁴ Smasnil tiempo tzqui ch'oxl qui wach' b'eyb'al on̈, yujto ya'mal on̈ servil Dios on̈. Caw te'n tzcutj qui b'a ca'n techjoc yailal on̈, 'ay 'aj 'ay tas caw sc'a'l tz'och cuj on̈, 'ay 'aj caw tz'och oyn yailal 'ayn̈ on̈.

Chuj San Mateo Bible

⁴ Masanil tiempo sco ch'oxel co vach' b'eyb'al, yujto schecab' Dios caji. Tec'tec' scutej co b'a cac'an techaj juntzan̈ yaelal, juntzan̈ co tzapanil co majanil yed' juntzan̈ tas sja d'a quib'an̈.

2 Co 6:4 Referans Kwoze

2 Co 12:10

Yuj cha, tzin tzalj ticnec, yujto may wel'chi. Wach'xam tzin b'uchxi, mto caw 'ay tas 'ay tz'och wu'uj. Toxn̈ej tz'ajx 'och yailal 'a wib'an̈, wach' cab' tzwab' syal yuj Cristo, palta caw tzin tzaljn̈ej. Yujto a yic may jac wel'chi, at wal ta caw tz'ajx in poder.

2 Co 4:8

'Icha to caw oyn 'och yailal 'ayn̈ on̈, palta matz on̈ can 'a yaln̈ yuj on̈. 'Ayn̈ 'och 'a somc'ojlal on̈, palta matz qui wach' 'a'j somchjc 'el qui b'a on̈.

2 Co 11:27

'Ay 'aj caw 'elnc wip in munlji, caw wab'jnac syail. Niwn 'ejm ma'in way xon jab'oc. 'Ay 'aj caw 'ochnc in wejel, yet' in tacn̈ti'al. Til wal 'ejm 'ochnc in pax 'a c'ajb'c'ojlal. 'Ay 'aj caw wab'jnac syal yuj si'ic, 'ay 'aj caw man̈x 'a in pichul.

2 Co 12:12

A yic wec' 'a e cal, caw te'n wutjnac in b'a in munlj ta'. In b'ojnac jun tzo'n̈ milagro yet' jun tzo'n̈ xo tastc tzch'oxn 'el spoder Dios, caw satnc e c'ojl eyiln jun tzo'n̈ in b'ojnac cha. Yuj jun tzo'n̈ cha, tzcheclj 'eli, to yel schecb' in Cristo.

2 Co 3:6

A 'a'jnac copiso ya'malc servil on̈, tzcaln 'el yab'xil jun yac' trato on̈. A jun strato tic, man̈ yujoc qui yiclni junc tas tz'ib'b'il cani, tz'el'chi. Palta yujn̈ej Yespíritu tz'el'chi. A jun ley tz'ib'b'il cani, yopiso ya'n 'och chaml 'a quib'n̈ec. Palta ax Yespíritu Dios, yopiso ya'n qui q'uinlec 'a jun 'ejmn̈ej.

1 Co 3:5

¿Tom 'ay wel'ch an Pablo in tic? An̈jtona pax Apolos cha, ¿tom 'ay yel'ch paxi? Yujto an̈ tic on̈, ton̈j ya'mal on̈ servil Dios on̈. Cuj on̈, eya'n 'och e c'ojl 'a Cajlil. Ton̈j tzon̈ munlj junjn on̈ on̈, 'icha yaj ya'n Dios copiso tic on̈.

Jl 2:17

'O' cab' eb' ya'mal 'och qui tic 'a Dios, eb' tz'a'w servil 'a Jehová. A 'a snan̈l yatut Dios yet' jun yet'l xajmb'al, ata tzyal cab' eb' 'ixtic: Mamin Jehová, 'ac' niwnc'ojlal 'a quib'n̈ an̈ a chon̈b' on̈ tic. May cab' mach tzon̈ b'uchni. Man̈ on̈ a cha 'ajxoc ganar yuj jun tzo'n̈ xo chuc chon̈b'al, man̈ yal cab' eb' 'ixtc 'ayn̈ on̈: ¿'Ajtil 'ay e Diosal cha? man̈ xchic cab' eb', xchi cab' eb'.

Apoc 3:10

Caw xeyiclj jun in checnb'il yic waln 'ayex, to caw tzeyac' techjoc. Yuj cha, 'oj ex in tan̈wc 'a yol sc'ab' jun niwn prowal 'oj 'a'nc prowal smasnil 'anma 'a yolyib'n̈q'uinal.

Apoc 1:9

An Juan in tic, wu'tac in b'a eyet'oc. Quitb'eymec qui b'a cab'n syail. An̈jtona', quitb'eymec qui b'a 'a yol sc'ab' Dios. Junxn̈ej tzcutjec qui chan qui te'nal tzyac' Jesucristo 'ayn̈ec. A 'a jun 'el, preso waj 'a jun lugar Patmos sb'i 'ay 'a snan̈l a mar, yuj waln 'el yab'xil Dios, yuj wa'n testigoal in b'a yuj Jesucristo.

1 Co 4:1

Yuj cha, yel xo wach' man̈oc 'ayn̈ tzeya'ch e nab'en on̈. Yujto ton̈j ya'mal servil Cristo caj on̈. A copiso on̈, to tzcac' cuyxoc jun tzo'n̈ cuynb'il yic Dios on̈, atn jun tzo'n̈ ch'oxb'il yuj 'ayn̈ec.

A Ch'an̈ Carta D'a Eb' Hebreo 12:1

Til wal eb' sch'oxjnac 'el sb'a, to ya'jnac 'och eb' Dios 'a sc'ojol. A eb' cha, 'icha to oyn 'och eb' 'ayn̈ec ticnec. An̈ec xo tic, lajn on̈c 'icha eb' caw tzyac' carela 'a junc tajnel. Yuj cha, yowlal tzquijec 'el jun tzo'n̈ 'al yajch 'ayn̈ec, yujto a jun tzo'n̈ chi tzon̈ 'i'nec 'och wa'an. An̈jtona', yowlal tzcactjec can pax jun tzo'n̈ maysch'olnil, yujto a jun tzo'n̈ cha, lajn 'icha junc tas tzcan b'a'n 'a scal coc, tzon̈ telw yu'uj. Yowlal caw te'n tzcutjec qui b'a ca'n quip, 'icha eb' tzyac' carela cha.

2 Ti 4:5

Palta ach xo, caw te'n tzotj a nab'en 'a smasnil tiempo. Caw tzac' techjoc ab'n syail. Caw tzal-l wach' 'ab'x yic colnb'il 'a scal eb' 'anma'. Munljan̈ si'mb'il, sec may tas 'oj yac' palta 'a jun opiso cha.

2 Ti 2:24

A eb' tz'a'n servil Cajlil, matz tac' scomn 'a'n 'och sb'a eb' 'a scal owal. Yowlal manso tzyutj sb'a eb' 'a smasnil 'anma'. Yowlal wach' tzyutj cuywjoc sb'a eb', niwn pax tzyutj eb' sc'ojol.

2 Ti 1:8

Yuj cha, man̈ ach q'uixwc aln 'el yab'xil Cajlil. An̈jtona', man̈ ach q'uixwc pax wu'uj, yujto preso waj yuj waln 'el yab'xil. Man̈ ach xiw ab'n pax syal yuj jun wach' 'ab'x yic colnb'il, yujto a Dios wan ya'n spoder 'aych wet'oc.

1 Ti 6:11

Ach xo Timoteo, yic xo Dios aji. Caw man̈ a b'o jun tzo'n̈ maysch'olnil xwal tic. Caw tojl tzotj a b'eyb'al. Cojn Dios 'aj tza'ch a c'ojol, yet' a nab'en. 'Ay cab' a chamc'ojlal. Caw te'n tzotj a b'a ab'n syail. Caw 'emmquil tzotj a b'a.

1 Ti 4:6

Toto 'oj ac' scuy eb' creyente jun tzo'n̈ cuynb'il tic ta', wach' 'oj otc a'n servil Jesucristo. 'Oj wach' 'och a te'nal, yic tza cuyn a b'a 'a jun tzo'n̈ spaxti 'aj tzca'ch qui c'ojol, yet' 'a jun tzo'n̈ xo cuynb'il caw wach' 'aj 'aych qui nab'en.

1 Ti 2:15

A yopiso eb' 'ix, to tzq'uib'tzej eb' yune'. Palta 'oj colchjoc eb', yujto tzya'ch eb' Dios 'a sc'ojol. Toto 'ay schamc'ojlal eb', toto wach' sb'eyb'al eb' 'a sat Dios, tzya'n cuenta sb'a eb', 'oj colchjoc eb'.

1 Ts 5:14

Ex wu'tac, ex wanab', tzcham wal caln 'at 'ayx on̈, to tze xib'tj chan̈ eb' matz nib'j sb'o smunljel. Tzeya'n pax sniwnal sc'ojl eb' 'ay scusc'ojlal. Tzeyac' ste'nal eb' mant 'a yip 'a screyenteal. Caw niwn tzeyutj e c'ojl 'a eb' smasnil.

1 Ts 3:7

An̈ xo tic on̈, til wal tas tzjaw 'a quib'n̈ on̈, wan cab'n syal 'a tic on̈. Palta a yic xcab'n on̈, chajtlto an̈ja 'aych e c'ojl 'a Cristo, xcaw japx qui tzaljc'ojlal eyuj on̈.

A Scarta San Pablo D'a Eb' Aj Colosas 1:24

A ticnec, 'ayn 'och 'a yailal e mul eyujoc. Palta tzin tzaljn̈ej paxi. Yujto a yic tzwab'n syal yet' in niwnal tic, 'icha to tzin tz'acb'tzej syailal Cristo jac xo. A 'ix 'ab'n syal cuj an̈ yiglesia on̈c tic, yujto 'icha to sniwnal cajec.

A Scarta San Pablo D'a Eb' Aj Colosas 1:11

Tzon̈ leslwi pax eyuj on̈, sec a tz'a'n e te'nal yet' spoder, yujto a spoder cha, caw niwn yel'chi. To 'ixta', 'oj techjoc smasnil tas eyu'uj. Caw te'n 'oj eyutcn̈ej e b'a, 'oj e tzaljn̈ej paxi.

2 Co 11:23

Toto ya'mal servil Cristo eb', an xo tic, yel xo wal tzwac' servil 'a yib'n̈ eb'. A yic tzwaln 'at jun tzo'n̈ tic 'ayex, tzwal ton 'icha junc man̈ nab'enal yaji. Yel xo wal niwn in munlj 'a yib'n̈ eb' cha. Caw niwn 'ejm in ma'x 'a yib'n̈ eb', niwn 'ejm in 'och 'a preso, an̈jtona', niwn 'ejm in cob' 'ajxc 'och 'a yol sc'ab' chamel.

2 Co 11:9

A yic wec' 'ayex, 'ay 'aj 'ay tas 'ay tz'och wu'uj, palta may junc ex 'aj in c'anjnac jab'oc. A eb' cu'tac 'aj Macedonia tic xit' 'a'nc jab' tas 'ay 'ochnc wuj ta'. May junc ex 'aj in c'anjnac jac in gasto, an̈jtona', 'ixta 'oj wutcn̈ej pax in b'a ticnec.

2 Co 7:11

Palta ax xo, caw 'ochnc e cusc'ojlal 'icha tznib'j Dios. Yuj cha, nac coti, tas 'ajnc ex yu'uj. Caw yelc'ojlal 'ochnc ex 'il, caw e coljnac e b'a, cotnc eyowl yuj jun maysch'olnil xb'o 'a e cal cha. Xiwnc ex paxi, caw e nib'jnac in e c'umoc, 'elnc 'a e c'ojl eya'n 'och 'a yib'n̈ jun 'ochnc smul cha. 'Ixta eyutjnac e ch'oxni, to man̈ex locnoc 'a jun maysch'olnil cha.

2 Co 4:17

A jun tzo'n̈ tas tzjaw 'a quib'n̈ on̈, may jac yel'ch 'a qui sat on̈, 'e'lb'an̈j yeq'ui. Palta yu'uj, 'oj qui cha jun caw niwn yel'ch on̈. A jun cha, man̈ jantcoc swach'il, 'ayc'n̈ej 'a jun 'ejmn̈ej.

2 Co 4:2

'Ay jun tzo'n̈ tas tzlaj sb'o eb' 'anma 'a c'ultaquil, caw q'uixweltac. An̈ xo tic on̈, cactjnac can jun tzo'n̈ chi 'a jun 'ejmn̈ej on̈. May junc mach tz'ec' quixtj paxti yuj tas jeln tzcutj caln on̈. May junc comn paxti tzca'ch 'a scal spaxti Dios on̈. Yujto cojn wal jun tzo'n̈ tas yel, an̈j tzcal on̈. 'Ixta tzcutj qui ch'oxn 'el copiso 'a junjn mach 'a sat Dios on̈, sec tztac' snan eb' yet' snab'en tas caj on̈.

1 Co 9:11

A yic quec' 'a e cal on̈, 'icha to 'ay tas 'ec' cawjnac can 'ayx on̈. A jun cha, yic espíritu. Yuj cha, ¿tom man̈ smojc tzqui chaj qui gasto 'ayx yuj spac qui munljel chi 'on̈?

Ro 16:10

Tzwa'n pax 'at stzatzl sc'ojl cu'tac Apeles. A jun cha, caw chequel to 'aych sc'ojl 'a Cristo. Tzwa'n pax 'at stzatzl sc'ojl eb' yic win Aristóbulo.

Ro 14:18

Toto 'ixta tzcutjec ca'n servil Cristo, 'oj tzaljoc Dios quet'ec. Ax yiln pax eb' quit 'anma'il, to wach' qui b'eyb'alec.

Ro 5:8

Palta sch'oxjnac Dios schamc'ojlal 'ayn̈ec, yujto a Cristo ya'jnac cham sb'a qui jeloc, yic caw 'ajmul on̈c to.

A Tas Sc'ulejnac Eb' Schecab' Jesús Hechos 20:34

'In eyojtac, caw in munlj yet' in c'ab' yuj tas 'ay x'och wu'uj, yet' tas 'ay x'och yuj eb' ajun wet'oc.

A Tas Sc'ulejnac Eb' Schecab' Jesús Hechos 9:16

An 'oj in ch'ox 'a 'a, to yowlal 'oj yab' syal wu'uj, xchi Cajlil.

A Tas Sc'ulejnac Eb' Schecab' Jesús Hechos 2:22

Ex wit israelal, 'a'c 'och e chicn 'a jun tzo'n̈ xo tic 'oj wal 'ayex. A Dios 'ix ch'oxn yopiso Jesús 'ayex, yic 'ix sb'on jun tzo'n̈ milagro, jun tzo'n̈ may 'aj tzquila, yet' jun tzo'n̈ xo tas tzch'oxn 'el spoder. A jun tzo'n̈ tic sb'o Dios yet' Jesús. 'In caw eyojc xon jun tzo'n̈ tic.

Lc 21:19

Toto te'nn̈ej 'oj eyutc e b'a, 'oj e colchji.

Jl 1:9

'Ixta cab' tz'aj yoc' eb' ya'mal 'och qui ti 'a Dios, yujto man̈x 'a tas tzc'uxxi, man̈x 'a pax yal uva 'a yatut Dios, atn wal jun tzo'n̈ ofrenda tz'ajx 'a Jehová.

Is 61:6

Ax yaln eb' 'anma eyu'uj, to ya'mal 'och sti eb' 'anma chi eyaj 'a Jehová, schecb' ex Dios. A tas 'ay 'a jun tzo'n̈ xo nacion̈, a chi 'oj tzaljoc e c'ojl e c'uxni, ax tas wach' yilx 'ay 'a eb', a chi 'oj e c'anlb'oc, sec 'oj e b'inaxi.

2 Co 2:17

An̈ tic on̈, man̈ yujoc ca'n ganar 'a spatc spaxti Dios, tz'ec' calnc 'el on̈, 'icha tzyutj sb'a nan̈l xo eb'. Tz'ec' cob' sb'al alnc 'el eb'. Palta an̈ xo tic on̈, caw yelc'ojlal tz'ec' cal-l on̈, yujto 'ac'b'il copiso yuj Dios on̈. Tz'ec' cal-l on̈, sec tzalj Dios quet' 'on̈, yujto schecb' on̈ Cristo on̈.

Jn 16:33

'Ix wal smasnil jun tzo'n̈ tic 'ayex, sec wach' junc'ojlal xoj 'oj 'aj e pixn wu'uj. A 'a yolyib'n̈q'uinl tic, 'oj eyab' ton syail. Palta te'n tzeyutj e b'a, yujto a jun yolyib'n̈q'uinl tic, 'ix can 'a yaln̈ wu'uj, xchi 'a eb'.

Ro 3:5

An̈ec tic, man̈ on̈ tojloc. Yuj cha, tzcheclj 'eli to cojn Dios tojol. Palta ¿tasm tze na'a? ¿Tom man̈ tojloc Dios yujto 'oj ya'ch qui yailalec yuj qui mul? 'Ay eb' 'anma tznan 'ixta'.