2 Co 5:6 - Chuj San Sebastian Bible

⁶ Yuj cha, smasnil tiempo, tzca'c 'och Dios yipc qui c'ojol. Cojquec, ya' sb'a 'ayn̈ect 'ec' 'a jun qui niwnalec tic, mant toc 'ayn̈ec 'ec' 'a jun catut 'aj 'ayc' Cajlilec.

Chuj San Mateo Bible

⁶ Yuj chi', scac'och Dios yipoc co c'ool d'a masanil tiempo. Cojtac to yacb'an ayto ec' co pixan d'a jun co nivanil tic, manto on̈ ayoc ec' d'a co pat, aton jun b'aj ayec' Cajal Jesús.

2 Co 5:6 Referans Kwoze

2 Co 5:1

A qui niwnalec tic, lajn 'icha junc pat yajn̈ej tzlan̈chji. Palta cojquec, a yic 'oj lajwc 'ec' jun qui niwnalec tic, 'ay junx 'oj yac' Dios 'ayn̈ec 'a satcha'an̈. A jun cha, may b'a'n̈ 'oj lajwoc. Lajn 'icha junc n̈a caw wach' tz'aj sb'o'i, yujto man̈oc junc 'anma b'ojnac.

A Ch'an̈ Carta D'a Eb' Hebreo 11:13

A junjn eb' xwal yab'xil tic, a yic laj scham eb', mantzac schaj eb' jun tzo'n̈ tas 'aj ya'jnac Dios sti'. Palta caw ya'jnac 'och eb' Dios 'a sc'ojol. Yuj cha, 'icha to yiljnac 'at eb' jun tzo'n̈ chi 'a najat, caw tzalj eb' yu'uj. 'Ixta yutjnac eb' ya'n testigoal sb'a, chajtlto a jun yolyib'n̈q'uinl tic, man̈ schon̈b'oc eb', ton̈j 'e'lb'a yec' eb' 'a 'a.

Apoc 1:9

An Juan in tic, wu'tac in b'a eyet'oc. Quitb'eymec qui b'a cab'n syail. An̈jtona', quitb'eymec qui b'a 'a yol sc'ab' Dios. Junxn̈ej tzcutjec qui chan qui te'nal tzyac' Jesucristo 'ayn̈ec. A 'a jun 'el, preso waj 'a jun lugar Patmos sb'i 'ay 'a snan̈l a mar, yuj waln 'el yab'xil Dios, yuj wa'n testigoal in b'a yuj Jesucristo.

A Sb'ab'el Carta San Pedro 5:1

A ticnec, tic tzwalb't jun tzo'n̈ checnb'il tic 'ayx ex anciano 'a junjn chon̈ab', yujto an tic, anciano in pax eyet'oc. Caw wiljnac Cristo, chajtl 'ajnc yab'n syail. 'Ay waln wic in chan swach'l eyet'oc, atn jun tot 'oj checljoc 'eli.

A Ch'an̈ Carta D'a Eb' Hebreo 10:35

Yuj cha, caw man̈ eyactc can e te'nal cha. Yu'uj, ax e chan wal jun spac caw niwan.

2 Co 5:8

Yuj cha, caw 'aych Dios yipc qui c'ojlec. Caw tzqui nib'j tzcactjec can qui niwnalec tic, sec 'oj stac' qui c'ochc 'a junx catut 'aj 'ayc' Cajlilec cha.

Is 36:4

'Ix yaln win syajlil eb' soldado asirio chi 'ixtic: —Alc 'a win Ezequías, to 'ixtc 'ix yutj win niwquil rey yalni, atn sreyl chon̈b' Asiria: ¿Tas 'aych yipc e c'ojol?

Is 30:15

A Jehová qui Diosal an̈ israel on̈c tic, jun Dios To Cojxni, a tzaln 'ixtic: Meltzjan̈c cot 'ayin, tzin eya'n 'och yipc e c'ojol, man̈ ex 'och 'il, sec 'ixta 'oj eyaj e colchji, xchi. Palta ax xo tic, ma'ix e chaj eyab'i'.

Pr 14:26

Toto 'ay yel'ch Jehová 'a qui satec, caw te'n cajc tzyal cha, to 'ixta', 'oj stac' pax scoln sb'a eb' cunnalec.

Salmos 119:19

Ton̈j 'e'lb'a wec' 'a sat lum lum tic, 'ac' wojcoc 'el a checnb'il.

Salmos 39:12

Mamin Jehová, 'ab' wal in lesal, 'a' cot wal a chicn 'ayin yic tzwaln in b'a 'ayach. Man̈ ton̈joc tzach 'och q'ueln 'ayin yic tz'el yal in sat, yujto 'e'lb'a wec' 'a a sat, 'icha 'e'nc eb' in mam wicham.

1 Cr 29:15

Yujto an̈ tic on̈, 'e'lb'a quec' 'a a sat on̈, lajn quec' 'icha 'e'nc smasnil eb' qui mam quichm on̈; a qui q'uinl 'a sat lum lum tic on̈, lajn 'icha xob' lum lu'um, caw yajn̈ej tz'eq'ui.

A Ch'an̈ Carta D'a Eb' Hebreo 13:14

Yujto man̈oc 'a yolyib'n̈q'uinl tic 'ay junc qui chon̈b'ec 'ay 'a jun 'ejmn̈ej. Palta 'ay jun qui chon̈b'ec tot 'oj jawoc. Atn jun chi wan qui tan̈wniec.