2 Co 5:16 - Chuj San Sebastian Bible

¹⁶ Yuj cha, an̈ xo tic on̈, man̈xtzac qui b'eyc'ojlej junc mach, yuj tas yilx on̈. A 'a yic yalan̈, wach'xam qui b'eyc'ojlejnac Cristo, yuj tas yilx on̈, palta man̈xtzac qui na yuj 'ixta ticnec on̈.

Chuj San Mateo Bible

¹⁶ Yuj chi' a on̈ tic, maxtzac yal calub'tan̈an junoc mach yuj tas scheclaj d'ay. Vach'chom a d'a yalan̈, ix calub'tan̈ej Cristo yuj tas chequel d'ay, palta a ticnaic, man̈xo ichoc ta' tz'aj co naan d'a spatic.

2 Co 5:16 Referans Kwoze

A Scarta San Pablo D'a Eb' Aj Colosas 3:11

Yuj cha, may yel'chi, toto israel on̈, mto man̈ on̈ israeloc. Wach' cab' 'ay mach 'ac'b'il circuncidar, wach' cab' 'ay mach ma'ay. Wach'xam chuc chon̈b'al, wach'xam cab'nal 'anma', mto moso to man̈ yico'oc sb'a, toxn̈ej yicn̈ej sb'a, may yel'ch jun tzo'n̈ tic. Cojxn Cristo 'ay yel'chi, yujto a 'aych 'a qui pixn junjn on̈ec.

Jn 6:63

A jun Espíritu yic Dios, a tz'a'n qui q'uinlec. Ax qui niwnalec tic, may jac tztac' yu'uj. A jun tzo'n̈ paxti xwal 'ayx tic, caw yel yic Yespíritu Dios. Yuj cha, a tztac' ya'n e q'uinl 'a jun 'ejmn̈ej.

Santiago 3:17

Palta ax jun jelnal tzcot 'a satcha'an̈, man̈ 'ichcta tz'aji. Toto 'aych jun jelnal tic 'ayn̈ec, may qui paltailec 'a sat Dios, junc'ojlal xoj tzcutjec qui b'a. 'Emmquilal tzcutjec qui b'a. Yiclum on̈cn̈ej 'a junc tas. Caw tz'o'ch qui c'ojlec 'a eb' quit 'anma'il, 'ela tzlaj cutquec qui b'a 'a eb'. Man̈ qui chab'c'ojloquec eb' quit 'anma'il, man̈ chab'satoc tzcutjec pax qui b'a 'a eb'.

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

Jn 15:14

Ax tic, toto tzeyiclj jun tzo'n̈ in checnb'il, to 'ixta', in wach'c'ojl ex.

Jn 2:4

—Nunin, ¿tas yuj a 'ayn tzala? Mantzac c'och stiempoal in ch'oxn 'el in poder 'a eb' 'anma', xchi Jesús.

Mt 10:37

A mach yel xo niwn tzchamc'ojlej smam snun 'a wib'an̈, man̈ smojc eb' yoch wico'oc. An̈jtona', a mach yel xo wal niwn tzchamc'ojlej yunnal 'a wib'an̈, man̈ smojc yoch eb' wico'oc.

2 Co 11:18

Til wal eb' tzb'an̈ sb'a yuj tas yaj 'a yolyib'n̈q'uinl tic, yuj cha, 'oj in b'an̈ in b'a jac yet' eb'.

A Ch'an̈ B'ab'el Libro Samuel 2:29

¿Tas yuj may yel'ch jun tzo'n̈ xajmb'al yet' jun tzo'n̈ ofrenda 'a e sat, atn jun tzo'n̈ tzwac' 'ajxoc 'ayn 'a in cajnub'? ¿Tas yuj cojxn wal ewin onnal tic tza xajnej 'a wib'an̈? Tzeya'n b'a'chb'oc e b'a yuj swach'l yofrenda eb' in chon̈b' tzyac' 'ayin.

Dt 33:9

A eb' cha, yel xo ach schamc'ojlej eb' 'a yib'n̈ smam snun, 'a yib'n̈ yu'tac, yet' 'a yib'n̈ yunnal. A eb' tic, caw yel syiclj eb' a paxti', yet' a trato.

Jn 8:15

Ax tic, ton̈j tze comn b'eyc'ojlej junc mach muc'uc. Aln tic, may mach tzin b'eyc'ojlej.

A Scarta San Pablo D'a Eb' Aj Filipos 3:4

An xo tic, in najnac, to smoj tzwa'ch jun tzo'n̈ tic yipc in c'ojol, yujto caw yiclum wutjnac in b'a 'a jun tzo'n̈ tic. Tecn 'ay eb' tznani, to smoj tzcolchj eb' yuj jun tzo'n̈ mun tzb'o eb' cha. Palta an tic, yel xo wal caw yiclum wutjnac in b'a 'a jun tzo'n̈ cha.

Nm 10:30

Palta 'ix ta'w win Hobab chi 'ixtic: —Ma'ay, an tic 'oj in meltzj can pax 'a in lum 'aj 'ayc' eb' wican, xchi.