2 Co 4:1 - Chuj San Sebastian Bible

¹ Yuj cha, caw matz on̈ tzactzj on̈, yujto x'o'ch sc'ojl Dios 'ayn̈ on̈, xya'n jun copiso tic on̈.

Chuj San Mateo Bible

¹ Yujto tz'oc' sc'ool Dios d'ayon̈ ix yac'an jun copisio tic, yuj chi' max tac co c'ool d'ay.

2 Co 4:1 Referans Kwoze

2 Ts 3:13

Ex wu'tac, ex wanab', man̈ ex tzactzjoc e b'on jun tzo'n̈ wach'l chi ta'.

Gl 6:9

Yuj cha, caw wach'n̈j tzcutjec qui b'eyb'al 'a smasnil tiempo, matz tac' qui tzactzjec. Toto matz cactjec can qui wach' b'eyb'al tic, ax yic 'oj jawc stiempoal, ax qui chanec spac.

Ef 3:13

Yuj cha, tzin tew 'at 'ayex, man̈ eyac' somchjoc e nab'en yuj jun yailal 'aych 'a wib'n̈ e mul eyujoc tic. A jun tzo'n̈ yailal tzwab' syal eyuj tic, a tzch'oxni, to caw niwn eyel'ch 'a sat Dios.

A Scarta San Pablo D'a Eb' Aj Filipos 4:13

Tzann̈j tas tzta'n̈j wu'uj, yujto a Cristo tzyac' spoder 'ayin.

2 Co 4:16

Yuj cha, caw may 'aj tzon̈ tzactzj on̈. Wach'xam wan yichmax qui niwnal tic on̈, ax qui pixn on̈, 'ipn ya'tb'i 'a junjn c'u tzcab' on̈.

Apoc 2:3

Caw niwn tzeyutj e c'ojol. Til wal yailal xeyab' syal wu'uj, palta ma'ex tzactzji.

A Ch'an̈ Carta D'a Eb' Hebreo 12:3

Yuj cha, caw tze na cot sb'eyb'al Jesús, chajtl xyutj ya'n techjoc yic yab'n syal yuj eb' maysch'olnil. Toto 'ixta', ma'oj e tzactzji, ma'oj somchjc 'el e nab'en.

2 Co 3:6

A 'a'jnac copiso ya'malc servil on̈, tzcaln 'el yab'xil jun yac' trato on̈. A jun strato tic, man̈ yujoc qui yiclni junc tas tz'ib'b'il cani, tz'el'chi. Palta yujn̈ej Yespíritu tz'el'chi. A jun ley tz'ib'b'il cani, yopiso ya'n 'och chaml 'a quib'n̈ec. Palta ax Yespíritu Dios, yopiso ya'n qui q'uinlec 'a jun 'ejmn̈ej.

A Sb'ab'el Carta San Pedro 2:10

A 'a yic yalan̈, man̈ on̈ schon̈b'oc Dios. Palta ax ticnec, schon̈b' on̈c xo. A 'a yic yaln̈ cha, may mach x'o'ch sc'ojl 'ayn̈ec. Palta ax ticnec, atn Dios tz'o'ch sc'ojl 'ayn̈ec.

1 Ti 1:13

Al 'a yic yalan̈, caw b'uchwjnacn 'a Cristo. Caw wa'jnac in tul 'a 'a, 'ay 'aj b'ajb'il wu'uj. Palta caw x'o'ch sc'ojl Dios 'ayin, yujto ma'ix nachj 'el wu'uj, tas xin b'o'o, yujto mant in creyenteoc ta'.

2 Co 5:18

Smasnil jun tzo'n̈ xwal tic, a Dios tzb'on 'ayn̈ec. Yuj Cristo ya'jnac Dios niwnc'ojlal 'ayn̈ec, sec junc'ojlal xoj tzon̈ can yet'oc. A 'a'jnac copiso caln 'el on̈, chajtl tz'aj eb' 'anma yoch 'a junc'ojlal yet'oc.

2 Co 3:12

Yujto tzca'c 'och jun tic yipc qui c'ojol, yuj cha, caw matz on̈ xiwc caln 'eli.

1 Co 7:25

Ax xo ex cob'stac 'ix mant 'a eyichmil, may junc schecnb'il Cajlil 'oj wal't 'ayex. A tas 'oj wal't 'ayex, mun tzin na'a. Palta a tas tzwala, smoj 'ay yel'ch 'a e sat, yujto x'o'ch sc'ojl Dios 'ayin, 'ix ya'n wopiso tic.

Is 40:30

An̈jtona eb' quelem, caw wal tzc'unb' eb', tz'el yip eb', 'ixta pax eb' to caw 'ay xon yip, tztelw pax eb'.

Is 40:31

Ax pax eb' cojn Jehová tzya'ch yipc sc'ojol, caw tzwach' 'och yip eb'. 'Oj stac' sb'ey eb' 'icha wal sjen̈w no salt'iw, 'oj stac' ya'n eb' carela, palta ma'oj c'unb'oc eb', ma'oj 'el pax yip eb' sb'eyi.

Lc 18:1

'Ix yal Jesús junx 'ab'x 'a eb' scuywum, yic tzyaln yab' eb', to wach' tzleslwi eb' 'a smasnil tiempo, man̈ comnoc tzactzj eb'.

1 Co 3:5

¿Tom 'ay wel'ch an Pablo in tic? An̈jtona pax Apolos cha, ¿tom 'ay yel'ch paxi? Yujto an̈ tic on̈, ton̈j ya'mal on̈ servil Dios on̈. Cuj on̈, eya'n 'och e c'ojl 'a Cajlil. Ton̈j tzon̈ munlj junjn on̈ on̈, 'icha yaj ya'n Dios copiso tic on̈.