2 Co 3:18 - Chuj San Sebastian Bible

¹⁸ Yuj cha, man̈x 'ayc 'och jun 'icha nip chi 'a qui satc qui masnil. A ticnec, lajn on̈c 'icha junc nen 'aj tzquil qui sat, yujto cujec, tzcheclj 'el swach'l Cajlil. Yuj cha, wan slajnb'i qui nab'enec 'icha Cristo, yujto wan xo stz'acw qui wach'lec 'icha swach'il. 'Ixta wan on̈ yutnec Cajlil, atn Yespíritu Dios.

Chuj San Mateo Bible

¹⁸ Yuj chi', man̈xo ayoc och jun icha c'apac chi' d'a co pensar. A ticnaic, lajan on̈ icha junoc nen. Cuuj scheclajel svach'il Cajal Jesús. Van slajanb'i pax co pensar yed' Cristo chi', yujto van yac'an svach'il d'ayon̈. Icha chi' van on̈ yutan Cajal, aton Yespíritu Dios.

2 Co 3:18 Referans Kwoze

2 Co 4:6

A Dios yaljnac can 'ixtic: A 'a scal q'uic'q'uinl tic, pitzw cab' sacq'uinal, xchi. Caw a 'a'jnac cot sacq'uinlal 'a qui pixnec, sec yuj jun sacq'uinlal tic, tzcojcanec 'eli, chajtlto caw niwn swach'l Dios. A 'a Jesús, ata tzcheclj 'el swach'l Dios cha.

Ro 12:2

Caw man̈x lajnoc tzcutjec qui b'eyb'al yet' eb' yic yolyib'n̈q'uinl tic. Yowlal tzqui chajec jelxc qui nab'en, sec 'oj wach' b'o qui b'eyb'alec 'a jun 'ejmn̈ej. Toto 'ixta tzcutjec qui b'a, 'oj wach' nachjc 'el cujec, tas tznib'j Dios 'ayn̈ec, atn tas wach', caw tzalj Dios yu'uj, may jac spaltail 'a 'a.

2 Co 4:4

A eb' cha, matz ya'ch xon eb' 'a sc'ojol. Yuj cha, a win sdiosal yolyib'n̈q'uinl tic, a win tzwach' 'a'n juwc 'el snab'en eb'. 'Icha to a win tz'a'n juwc 'el yol sat eb', sec matz tac' yiln eb' jun sacq'uinl tzcot 'a yab'xil Cristo. A Cristo caw niwn yel'chi, caw lajn yet' Dios.

1 Co 13:12

Yujto a ticnec, mantzac nachj 'el wal yic Dios cujec. 'Ichan̈ej quilnec jun tzo'n̈ tas 'a junc nen q'uic'moynac sat, 'ixta cajec. Palta a yic jun tiempoal cha, 'oj nachjc 'el smasnil tas yic Dios cujec. Yujto si'mb'il 'oj quilc wal smasnil tas. A ticnec, mantzac tz'acw cojcanec 'el yic Dios, palta a 'a jun tiempoal cha, 'oj cojcoquec 'eli. A ticnec, yojc on̈c Dios si'mb'il. 'Ixta 'oj 'aj cojcanec 'el smasnil yic Dios ta'.

A Scarta San Pablo D'a Eb' Aj Colosas 3:10

A ticnec, caw xjelmj qui nab'enec. Wan swach' b'o qui nab'enec tic, sec lajn tzon̈ 'ajc yet' jun b'ojnacn̈ec, sec wach' 'oj qui wach' 'ojcoc 'el jun b'ojnacn̈ec cha.

Ro 8:29

Yictax pecti', yojc xon Dios to yic on̈ec. At xo ta si'jnacn̈ec can 'eli, sec wach' caw lajn tzon̈ 'ajc yet' Yunnal. 'Ixta 'on̈ yutjec Dios, sec wach' ax Yunnal, a tz'och qui b'ab'l 'u'tacoquec qui masnil.

1 Co 15:49

A ticnec lajn qui niwnalec yet' jun b'onc 'a lum lum cha. Ax 'a jun tiempoal cha, lajn 'oj 'aj qui niwnalec yet' jun yic satcha'an̈.

2 Co 5:17

A mach junxn̈ej tz'aj yet' Cristo, caw tzjelmj snab'en, 'icha to tzcaw 'a'tb'i. A jun tzo'n̈ yichm b'eyb'al, tzlajw can 'eq'ui. C'uxn tzlaj wach' b'ocn smasnil.

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

Santiago 1:23

'Ay eb' tzmaclni yab' tas tzyal spaxti Dios, palta matz yiclj eb'. A eb' cha, lajn eb' 'icha junc winc tzyil sat 'a junc nen.

Jn 17:24

Mamin, a eb' tzac' 'ayin, tzin nib'ej to 'oj 'aj eb' wet' 'a 'aj 'oj in c'ochi, sec 'oj yil eb' in wach'l 'ac'b'il oj 'ayin. Yujto chamc'ojlab'iln xon o'oj, yictax mantzac b'o yolyib'n̈q'uinl tic.

Tito 3:5

Yuj cha, on̈ colchj yu'uj. Man̈ yujoc junc tas wach' xqui b'o'o, on̈ colchji. Palta yujn̈ej to a Dios, 'ix 'o'ch sc'ojl 'ayon̈. A yic on̈ sacb'tzan yuj qui mul, 'icha to on̈ 'alj pax 'a scha'ejmal. Yuj Yespíritu 'ix jelmj qui nab'en.

Ro 8:7

Palta ax eb' tzb'eylb'an 'icha tznib'j stu nab'enal, ton̈j tz'och eb' 'ajc'ojlal 'a Dios. Matz nib'j eb' tzyiclj sley Dios cha. Caw matz tac' yuj eb'.

Ro 8:4

'Ixta yutjnac sb'a, sec tztac' tojl xoj tzcutjec qui b'a 'icha tzyal ley. Yujto an̈ec tic, man̈xtzac qui b'eylb'ejc 'icha tznib'j qui tu nab'enalec, wan qui b'eylb'anec 'icha tznib'j Yespíritu Dios.

Jn 12:41

Yaljnac can Isaías jun tzo'n̈ tic, yujto yiljnac swach'l Jesús. Yuj cha, atn yab'xil tic yaljnac.

Ro 13:14

Yowlal tzqui chajec spoder Cajlil Jesucristo, 'icha tzyutj junc soldado schan syamc'ab' yic owal. Man̈x ca'c 'och qui nab'en 'a jun tzo'n̈ tas tznib'j 'och qui tu nab'enal.

Gl 6:15

Toto junxn̈ej tzon̈ 'ajc yet' Cristo Jesús, man̈x 'a yel'chi, wach'xam 'ac'b'iln̈ec circuncidar, mto ma'ay. Cojxn jun tic 'ay yel'chi, toto jelmjnac qui nab'enec.

1 Ti 1:11

A jun cuynb'il caw yel tic, atn jun wach' 'ab'x ya'jnac Dios 'ayin, yic tzwaln 'eli. A jun wach' 'ab'x tic, caw niwn yel'chi. A tzaln yab'xil Dios, atn jun caw tzaljc'ojlaln̈ej yaji.

Salmos 84:7

'Oj 'och yip eb' si'mb'il, ax 'a lum tzaln Sión, ata 'oj ach yil eb' ach in Diosal.

Jn 17:22

A jun a wach'l a'jnac can 'ayin, a 'ix wac' pax 'a eb', sec junxn̈ej tz'aj snab'en eb', 'icha waj et'oc.

2 Co 3:17

A Cajlilec, Espíritun̈ej. A mach 'aych Yespíritu Cajlilec 'a 'a, mun yic sb'a yet'oc.

1 Jn 3:2

Ex wu'tac, ex wanb' chamc'ojlb'il wu'uj, yunnaln̈ec xo Dios ticnec. Mant cojcoquec, chajtl yilx 'oj cajec. Palta cojquec to a yic 'oj jawc Jesucristo, lajn 'oj cajc yet'oc, yujto 'oj quilc wal chajtl yilxi.