2 Co 3:16 - Chuj San Sebastian Bible

¹⁶ Palta a yic tzon̈ sutmjec ca'n 'och qui c'ojl 'a Cajlil, tz'ijx 'el jun 'icha nip chi 'a qui satec.

Chuj San Mateo Bible

¹⁶ Palta ayic smeltzaj co pensar d'a Dios Cajal, ichato tz'elxi jun icha c'apac chi' d'a co pensar.

2 Co 3:16 Referans Kwoze

Ex 34:34

Ax yic tzc'ochc paxtinc yet' Jehová, tzyij 'el jun nip chi 'a sat; ax yic tz'el paxta, tzyaln 'a eb' chon̈b' cha tas checnb'ilal tz'ajx yal yuj Jehová chi 'a eb'.

Is 29:18

A 'a jun c'ul cha, a eb' matz uj yab'ni, 'oj yab' eb' yawtx junc un̈ 'a stz'ey, ax eb' matz uj yilni, 'oj stac' yiln eb', 'icha to tz'ijx 'elt eb' 'a scal q'uic'q'uinal.

Is 25:7

A 'a lum tzaln cha, ata 'oj yi'l Jehová jun cusc'ojlal 'aych 'a yib'n̈ smasnil nacion̈, yujto 'icha junc nip tz'och b'a'n̈ 'a junc chamnac, 'ixta jun yailal cha.

Ro 11:23

A eb' wit israelal cha, toto 'oj ya'ch pax eb' sc'ojl 'a 'a, 'oj yi'x 'och eb' yico'oc jun 'ejm xo. 'Icha to 'oj sc'on̈x pax 'och eb' 'a jun snun chi jun 'ejm xo. Yujto a Dios 'ay spoder sb'on 'ixta'.

Jeremías 31:34

Man̈x yowlalc 'ayt junc mach 'oj alnc 'a junc xo yit chon̈b' 'ixtic: 'Ojquej 'el Jehová, man̈ xchioc. Yujto an Jehová in, an tzwala, to smasnil eb' 'oj in yojcoc 'eli, wach'xam 'unin, wach'xam 'ichm 'anma'. 'Oj wac' lajwc smul eb', man̈x 'a b'a'n̈ 'oj in na cot smul eb' cha, xchi Dios.

Lm 3:40

Qui b'eyc'ojloquec qui b'a tas yilx qui b'eyb'alec, tzlajw cha, tzon̈ meltzjec, tzcalnec pax qui b'a 'a Jehová.

Is 54:13

'Oj in cuy eb' 'a swach'il, caw wach' oj 'aj 'el'ch eb'.

Dt 30:10

Toto 'oj eyiclc smasnil tas tzyal Jehová qui Diosalec, tzeyiclj schecnb'il yet' scuynb'il tz'ib'b'il can 'a ch'an̈ un̈ yic ley tic, tze jeln e b'eyb'al 'a smasnil e c'ojol yet' 'a smasnil e nab'en. To 'ixta', 'oj e cha yaxilal cha.

Dt 4:30

A yic tox 'ix 'ec' jun tzo'n̈ cusc'ojlal chi 'a eyib'an̈, ax 'a slajub, 'oj e meltzj pax 'a Jehová qui Diosalec, 'oj eyoch yiclumal 'a 'a.

2 Co 3:15

An̈jtona ticnec, a yic tzyab'n eb' yawtx jun tzo'n̈ ch'an̈ libro yic Moisés, 'icha to an̈ja potn 'och jun nip chi 'a sat eb', yujto matz ya'ch eb' 'a sc'ojol.