2 Co 3:14 - Chuj San Sebastian Bible

¹⁴ Palta ax eb' cha, ma'ix nachj 'el yuj eb', tas chi xalx 'a eb', yujto pit eb'. An̈jtona ticnec, a yic tz'awtx jun 'ichm trato 'a eb' israel, matz nachj 'el yuj eb'. Yujto 'icha wal a jun nip chi potn 'och 'a sat eb', 'ixta yaj 'a eb'. A wal jun 'icha nip cha, matz 'eli, palta yujn̈ej Cristo tztac' yeli.

Chuj San Mateo Bible

¹⁴ Palta maj nachajel yuj eb' tas syalelc'och jun chi'. An̈ejtona' ticnaic, ayic tz'avtaj b'aj tz'ib'ab'ilcan jun b'ab'el trato d'a eb', max nachajel-laj yuj eb'. Yujto icha jun c'apac b'aj smusejnac sat vin̈aj Moisés chi', icha chi' yajoch d'a spensar eb'. Max yal-laj yel jun chi' d'a spensar eb' chi', palta yuj Cristo syal yeli.

2 Co 3:14 Referans Kwoze

A Tas Sc'ulejnac Eb' Schecab' Jesús Hechos 26:18

Tzach in checb't 'a eb', sec wach' 'oj jawc snab'en eb', ax yactn can eb' jun sb'eyb'al yic q'uic'q'uinal, ax yoch eb' 'a jun sacq'uinl yic Dios. 'Oj 'elcn eb' 'a yol scuenta win diablo, ax yochcn eb' 'a yol scuenta Dios. 'Oj in ya'ch eb' 'a sc'ojol, sec wach' 'oj 'ajxc can lajwc smul eb'. 'Ixta to b'i'an, ax yoch eb' yitb'eymoc eb' 'ochnc xo yico'oc Dios, xchi Jesús 'ayin.

Ro 11:25

Ex wu'tac, ex wanab', a jun tzo'n̈ tzwalb't 'ayx tic, may wal mach 'ojtnac 'a yic pecti'. Palta ticnec tzin nib'j tzeyojquej 'eli, sec ma'oj e b'an̈ e b'a yuj e jelnal. A eb' wit israelal cha, niwn eb' pitb'nac 'eli. 'Oj cann̈j eb' 'ixta', masnto 'oj tz'acwc 'och nan̈l eb' man̈ israeloc.

2 Co 4:6

A Dios yaljnac can 'ixtic: A 'a scal q'uic'q'uinl tic, pitzw cab' sacq'uinal, xchi. Caw a 'a'jnac cot sacq'uinlal 'a qui pixnec, sec yuj jun sacq'uinlal tic, tzcojcanec 'eli, chajtlto caw niwn swach'l Dios. A 'a Jesús, ata tzcheclj 'el swach'l Dios cha.

A Tas Sc'ulejnac Eb' Schecab' Jesús Hechos 16:14

Ata 'ay jun 'ix Lidia sb'i, 'aj chon̈b' Tiatira. A 'ix tzchon̈n jun tzo'n̈ q'ui'mucnac nip. Caw 'aych snab'en 'ix 'a Dios. Yic wan yab'xni 'ix, ax Cajlilec, a 'ix 'a'n nachjc 'el yuj 'ix, yuj cha, caw xya'ch 'ix snab'en 'a tas 'ix yal Pablo cha.

A Tas Sc'ulejnac Eb' Schecab' Jesús Hechos 13:15

Ata x'awtx ley yic Moisés, yet' jun tzo'n̈ tas tz'ib'b'il can yuj eb' schecb' Dios pecti'. Xlajw cha, ax eb' yajl yaj 'a capiya cha, 'ix ya'n eb' yal jun winc 'ixtc 'a Pablo yet' 'a Bernabé: —Ex wit chon̈ab', toto 'ay junc tas tze nib'j tzeyac' scuy eb' 'anma', tztac' eyaln 'el ticnec, xchi.

Jn 12:46

An tic, in jaw wul wac' sacq'uinl 'a spixn eb' 'anma 'a yolyib'n̈q'uinl tic, sec wach' a eb' tzya'ch sc'ojl 'ayin, man̈x 'a q'uic'q'uinl 'a spixn eb'.

Jn 12:40

'Icha to tzin mac sat eb', tzin wach' 'a'n pitb'oc 'eb', sec wach', 'icha to matz yil eb', matz nachj 'el yuj eb', sec man̈xtzac sjel xon eb' jac snab'en. Yuj cha, ma'oj wac' lajwc smul eb', xchi Dios, xchi can Isaías cha.

Jn 8:12

'Ix yaln pax Jesús 'ixtc 'a scal eb' 'anma cha: —An tic, 'icha sacq'uinl waj 'a eb' 'anma 'ay 'a yolyib'n̈q'uinl tic. A eb' tz'och in cuywumoc, 'oj wac' sacq'uinl 'a spixn eb'. Yuj jun sacq'uinl cha, 'oj scha eb' sq'uinl 'a jun 'ejmn̈ej. Man̈x 'oj b'ey eb' 'a scal q'uic'q'uinal, xchi Jesús.

Mt 16:17

Yuj cha, xyaln Jesús 'a Pedro 'ixtic: —Simón, ach yunnal Juan, caw wach' eco', yujto a jun 'ix al tic, may junc 'anma 'ix aln 'ayach. A qui Mam 'ayc' 'a satcha'an̈, a 'ix aln 'ayach.

Mt 13:11

Yuj cha, xyaln 'a eb' 'ixtic: An̈j 'ayx tzch'ox Dios jun tzo'n̈ tas mant 'a mach 'ojtnac, sec tznachj 'el eyu'uj, chajtl tzex 'aj eyoch 'a yol sc'ab'. Palta ax 'a eb' 'anma', matz ch'ox 'a eb'.

Mt 6:23

Palta toto 'ayex, tzjuw 'el yol e sat, caw tzex can 'a q'uic'q'uinl yu'uj. A jun tz'a'n sacq'uinl 'ayex, toto tzsutmj 'och q'uic'q'uinlal, caw 'oj e cann̈j 'a q'uic'q'uinl yu'uj.

Ez 12:2

Ach 'anma', ach tic cajn ach 'ec' 'a scal jun c'aj eb' 'anma caw wal pit. 'Ay cob' yol sat eb', palta 'icha to matz tac' yiln eb'; 'ay pax cob' schicn eb', palta 'icha to matz tac' yab'n eb', yujto caw wal pit eb'.

Jeremías 5:21

Ex chon̈b' to may jac e nab'en, a ticnec 'ab'c jun tzo'n̈ tic. 'Ay yol e sat, palta matz eyila, 'ay e chiquin, palta matz eyab'i.

Is 44:18

A wal jun tzo'n̈ 'anma 'ixta tzb'o cha, caw may snab'en eb'. Matz nachj 'el jac yuj eb', 'icha to matz uj yiln eb'.

Is 59:10

Lajn on̈c wal 'icha junc mach matz uj yilni; ton̈j tzmachlj 'aj tz'eq'ui, caw wal chimc'ual tztelwi, 'icha to 'ac'wl 'aj 'ayq'ui. Wach'xam te'n on̈c to calni, palta 'icha to chamnc on̈c xo.

Is 56:10

yujto a eb' stan̈mal in chon̈ab', 'icha to man̈xtzac uj yiln eb', man̈xtzac uj snan eb' tas tzb'o'o. Lajn xoj tzyutj sb'a eb' 'icha no tz'i matz chiwj xoni, teln 'ec' eb' swayi tz'ec' c'u, cojxn wayl chi tzc'an eb' sb'o'.

Is 6:10

'Ac' somchjoc 'el snab'en jun tzo'n̈ eb' 'anma tic, 'icha to tza mac schicn eb' yet' sat eb', sec wach' matz yil eb'. Matz tac' yab'n eb', matz nachj 'el pax yuj eb', sec matz jaw eb' 'ayin, matz colchj eb' wu'uj, xchi Dios.

Salmos 69:23

'Och cab' 'a sat eb' yuj 'a jun 'emn̈ej. 'Icha cab' junc winc tzquilx 'ejm n̈ojn yuj tas tzcuchu, 'ixta cab' tz'ajcn eb' 'a smasnil tiempo.

2 Co 3:6

A 'a'jnac copiso ya'malc servil on̈, tzcaln 'el yab'xil jun yac' trato on̈. A jun strato tic, man̈ yujoc qui yiclni junc tas tz'ib'b'il cani, tz'el'chi. Palta yujn̈ej Yespíritu tz'el'chi. A jun ley tz'ib'b'il cani, yopiso ya'n 'och chaml 'a quib'n̈ec. Palta ax Yespíritu Dios, yopiso ya'n qui q'uinlec 'a jun 'ejmn̈ej.

Is 25:7

A 'a lum tzaln cha, ata 'oj yi'l Jehová jun cusc'ojlal 'aych 'a yib'n̈ smasnil nacion̈, yujto 'icha junc nip tz'och b'a'n̈ 'a junc chamnac, 'ixta jun yailal cha.

A Tas Sc'ulejnac Eb' Schecab' Jesús Hechos 15:21

Tzwal 'ixta', yujto 'a yictax pecti', 'ay eb' tz'awtn 'elt ley yic Moisés 'a junjn scapiya eb' quit israelal. An̈jtona ticnec, an̈ja yaln 'el eb' 'a junjn sc'ul 'iljelal, xchi Jacobo 'a eb'.

2 Co 3:15

An̈jtona ticnec, a yic tzyab'n eb' yawtx jun tzo'n̈ ch'an̈ libro yic Moisés, 'icha to an̈ja potn 'och jun nip chi 'a sat eb', yujto matz ya'ch eb' 'a sc'ojol.

Ef 4:18

Ax snab'en eb', caw q'uic'q'uinl yaji. May xon jac sq'uinl eb' tzyac' Dios 'a jun 'ejmn̈ej. Yuj spitl eb', yuj cha, man̈ jac tznachj 'el yuj eb'.